لو تكييف السيارة كفائته قلت جرب ما يلى

الفترة الماضية بدأت كفائة التكييف عندى تقل جامد عن الأول لدرجة انى النهاردة كنت سايق وقت الظهر و مشغل التكييف على آخره و المروحة على رقم 3 و حاسس ان الدنيا حر ... قبل كدة كان نفس الوضع دة فى نفس فترة الظهيرة بيخلينى سقعان ... فكرت أروح أكشف على الفريون رغم عدم اقتناعى انه ممكن يكون ناقص لأن العربية بقالها معايا سنة واحدة فقط ... و بعدين قلت أجرب تنظيف فلتر هواء الصالون الأول (يوجد فلتر فى دورة التهوية لتنقية الهواء الداخل للصالون من الأتربة و عوادم السيارات) ... الفلتر دة بالنسبة للهوندا سيتى موجود خلف درج التابلوه السفلى و فكه سهل جداً (مشروح فى الكتالوج) .. ممكن مكانه يختلف من سيارة لأخرى لكن أكيد مكتوب فى الكتالوج ... المهم قمت بفكه فى أقل من دقيقة و رحت لأقرب ورشة كاوتش و اديته للفنى ينظفه بالهواء ... طلع كمية تراب مهولة لا يمكن تخيلها (هو دة الهوا اللى بنتنفسه فى شوارعنا!) و اديتله 2 جنيه و أخدته ركبته تانى و جربت التكييف ... ثلاجة! و عند درجة 1 أو 2 فقط ... حل بسيط و سهل جداً و مبيتكلفش حاجة ... جربه الأول قبل ما تبدأ تشوف قصة الفريون و الكلام دة كله

حل صحيح جدا
لك الشكر

السلام عليكم

شكرا يا باشا حل مفيد جدا

صح والله المفروض الواحد ينضف فلتر التكييف كل فترة ، لأن إحنا هنا في مصر طبيعة الجو عندنا مترب بس المشكلة إن كل عربية بيختلف مكان الفلتر عن التانية

يا ريت يا جماعة كل واحد يعرف مكان فلتر التكييف بتاع عربيته يشرحلنا مكانه ، لأن إحنا مش كلنا معانا عريات جديدة ومعاها كتالوج ... أنا مثلا عربيتي تويوتا إكو موديل 2000 ونفسي من زمان أنضف فلتر التكييف لكن للأسف مش عارف مكانه[b]

ياريت حد يقولى الفلتر بتاع الاكسنت فى انهى داهية!!!عشان انا قرفت من تكيفها الضعيف :x

[align=justify:822fd7d6b4]بالنسبة للـ"هيونداي كوبيه" والـ"هيونداي ماتريكس" الفلتر موجود خلف الدرج الأيمن الموجود في التابلوه

كل ما عليك أن تقوم به هو فقط الضغط على الدرج من الأجناب للداخل (وهو مفتوح) وتجذبه برفق إلى الخارج وبعدها سوف تجد امامك فلتر الهواء .... قم بسحبه كما تسحب درج المكتب بالضبط (وتذكر أتجاهه جيدا حيث أن الأتجاه عليه عامل مهم) وبعد سحبه قم بنفخه بالهواء جيدا وأعد تركيبه مره أخرى وتمتع باداء جيد جدا للتكييف

ويجب أن تقوم بعملية تنظيف فلتر هواء الموتور في نفس الوقت (بالمره يعني) [/align:822fd7d6b4]

طيب انا معنديش فلتر تكييف أصلا .......... شكله اتسرق
ودورت عليه عند بتوع قطع الغيار ملاقيتوش
حد يعرف الاقيه فين

العربيه كيا ريو 2003................

حد يعرف مكانه فين فى الويرا يا شباب؟

حد يعرف مكانه فين في الاسبيرانزا؟

السلام عليكم

حد يعرف مكانه فين فى الياريس و الميجان ؟؟؟

نصيحة اخرى للحفاظ على التكييف

حاول قدر الإمكان انك تستعمل الريسايكل( إعادة تدوير الهواء داخل السيارة) لأن ده بيقلل الحمل الحرارى على التكييف (تقوم بتبريد هواء بارد بالفعل) وبالتالى بيقلل فترات تشغيل الكباس (الكباس بيفصل ويشتغل بناء على إشارة الثرموستات الموجود داخل الصالون) ، الى جانب انه بيقلل كميات التراب اللى داخلة على الفلترحيث ان الهواء الللى بيدخل الفلتر بيكون من داخل السيارة وليس من خارجها

المفروض الريسيكلينج ما يكونش اكتر من 5 دقائق
لان الاكسجين اللى فى العربيه حيستهلك
و حتشعر بعد فترة بالصداع و العصبيه :lol:

بارك الله فيكم - معلومة مفيدة جدا

و النبى حد يدلنى على الأستاذ فلتر ده فى اللانوس

يا ريت حد يقولنا فين مكان الفلتر فى اللانوس

شكرا على النصيحة الغالية

كان فى رد من أستاذ MMamdouh أو أستاذ AbdAllah (مش فاكر مين فيهم بصراحة) فى موضوع آخر ان اللانوس مفيهاش فلتر تكييف و الله أعلم

اقتباس:

---

طيب انا معنديش فلتر تكييف أصلا .......... شكله اتسرق
ودورت عليه عند بتوع قطع الغيار ملاقيتوش
حد يعرف الاقيه فين

---

نفس الحكاية دي حصلت معايا .. جيت أنضف فلتر الهواء ملقيتوش وأنا أصلا كنت شاري العربية مستعملة فشكلة إللي إشتريتها منه شالوة ورماه ( الله يسامحة) ، المهم روحت أشترية من بتوع قطع الغيار برضه ملاقيتوش وقالولي إن الفيرنا لسه منزلوش فلتر التكييف بتاعها ، فاروحت لبتاع التكيف وقولتلة على المشكلة لعل وعسى يكون الفلتر واقع جوه فقالي لاء دة الفلتر متشال ، فقالي كدة يبقى أنت متشغلش التكيف ياخد هواء من بره أبداً خلية دايما ياخد هواء من جوه العربية عشان ميتسدش ، وقالي التكييف مبياخدش هواء عن طريق الفلتر إلا في حالة إنك تظبطة إنه ياخد الهواء من خارج العربية ، فأنا قولت أقولك على النصحيحة لغاية ما ربنا يسهل وتلاقي حد عندة الفلتر

انا كنت سئلت في توكيل دايو علي موضوع الفلتر وعرفت انها مفيهاش فلتر واجراءات الصيانة المتبعة في الحاله ديه بتبقي الكشف علي الفريون وتنظيف سربنتينة التكييف

http://www.nilemotors.net/Forum/view...ghlight=#11870

:rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes:

فلتر البونتو موجود أسفل التابلوه من جهة الراكب ( على اليمين ) و بيكون راكب عمودي و تضع يدك و تسحبه بحركة خفيفة جدا حتى لا تقطعه
و تنظفه و بعدين تركبه تاني برضه بالراحة علشان يركب صح
مع تحياتي

حل صحيح جدا