-
ربنا معاك
اهم حاجة لا تنسى ذكر الله
لا تنس الصلاة
لاتحاول شرب او اكل اى شىء لا تعرف مكوناته
لاتتكلم ولا تتدخل فيما لايعنيك
لاتمشى وحدك ليلا
لاتحتفظ بنقود اكثر من احتياجك فى جيوبك
اذا تعرضت للسرقة بالاكراه لا قدر الله لا تحاول التصدى والمقاومة
انسى شهامة المصرين هنا تماما
والله الموفق
-
هتوحشنا والله
ربنا يوفقك ان شاء الله
نصيحتى الوححيده تركز فى شغلك بس وتواظب على الصلاه دايما وربنا يكرمك
-
شكرا جدا ياجماعة لرودودكم وربنا يستر ده انا قلقان اوي وكمان ده انا مش طالع رحلة ده انا شكلي هكمل هناك هتوحشني الزحمة والمطبات :auto:
-
زودك الله التقوى وغفر ذنبك ويسر لك الخير حيثما كنت
نستودع الله دينك وأمانتك وخواتيم عملك
-
اووووبس انا مأخدتش بالي انك رايح تقيم
بص يا سيدي في نصائح عامة للي حيقيم في أوربا أو امريكا
أولا : لازم تعرف الأحياء الخطيرة و تتجنب زيارتها بليل و دية حاجة عادية متقلقش منها
ثانيا : ابعد عن الفراخ في الأول لأنها في أوربا بيدبحوها بالخنق و بالنسبة للحوم لحد متلاقي جزار شرعي ممكن تعتمد علي اللحم الكوشر اي اللحم المذبوح علي الطريقة اليهودية لأن اليهود بيدبحوا زي المسلمين و مش بياكلوا خنزير
ثالثا : اوعي تمشي بدون فلوس اطلاقا في جيبك و تعتمد علي الفيزا و كدة، خلي معاك فلوس دايما لا تقل عن 20 يورو علشان لو اي حد حاول يثبتك اديهوملة و سيبة و مش حيعملك حاجة بس في نفس الوقت متمشيش بمبالغ كبيرة
رابعا : خد معاك الأدوية العادية زي ادوية البرد و الصداع و المضادات الحيوية و المسكنات لحد ما تقدر تعمل تأمين صحي لأن الأدوية غالية جدا و احيانا يصعب الحصول عليها بدون روشتة، لو بتلبس نضارة خد معاك واحدة احتياطي لأي ظرف ان نضارتك اتكسرت او حاجة
خامسا : تعامل مع الناس عادي و بحميمية حتلاقيهم متعاونين جدا و جدعان جدا علي عكس الشائع و تحديدا الطلاينة ناس مؤدبة و تحسهم مصريين زينا كدة (بس حلوين شوية) :)
سادسا : اوعي تتكسف انك تسأل الناس عن حاجة مش عارفها و بلاش الفهلوة المصرية لأنها للأسف مبتنفعش برة و ساعات بتودي في داهية
سابعا : امشي دايما بباسبورك أو بإقامتك
ثامنا : متكتأبش يوم الحد لأنة بيبقي يوم كئيب و تنسي السهر علشان متزهقش لأنك بعد الساعة 10 مش حتلاقي حاجة تعملها، استمتع بحياتك و ارتاح في ايام الوييك إيند و اعمل كل اللي انت عايزة علشان تعرف تشتغل و تبدع ايام الشغل
تاسعا : اوعي تصدق الكلام بتاع العنصرية و الفراغ دة بالعكس الناس في اي مكان برة بيحترموا المصريين و بيعتبروهم اصحاب حضارة بس ساعات بيتريقوا علينا علشان عندنا رئيس بقالة 30 سنة في الحكم، و ابعد عن السفارة المصرية علشان ملهاش لزمة ولا اي نيلة ، بس ممكن تسجل نفسك في السفارة علشان لو الباسبور ضاع ولا جرالة حاجة
بس يا سيدي دية الخبرة اللي عندي شوية من السفر برة
-
النصيحة انك تخلى بالك من نفسك ومتنساقش ورا اى مغريات اى كانت نوعها
برة الغلطة هاتكلفك كتيير وابعد عن أماكن تواجد العرب والاتراك عشان مشبوهة ديما
وصاحب ناس دايما من أهل البلد وحاول انك تكون لطيف مع كل الناس وصوتك ميعلاش والنصيحة اللى تحطها حلقة فى ودانك أوى
اوعى تحاول انك تلعب مع طفل صغير او تشيلة وتبوسة زى مابنعمل فى مصر
وابعد عن الاماكن الفقيرة بقدر الامكان وانت ماشى لو لقيت مجموعة من حالقى الرؤس ودقيين وشوم
انفد بجلدك واجرى واستخبى فى اى حتة عشان دول جروبات skinhead & neo nazi
ومتحفذيين للفتك بأى غريب مش من أهل البلد
وفى النهاية ربنا يكرمك ويسترها معاك ويبعد عنك ولاد الحرام عشان دول كتيير اوى برضو
وحرص أوى من القريب قبل الغريب
وابذل قصارى جهدك فى العمل
واوعى تفشل برة كل الظروف مواتية للنجاح قدامك
ونصيحتى الاخيرة اوعى ترجع هنا تانى برة هتكتشف ولاول مرة انك انسان حقيقى عندة كرامة
عارف يعنى اية كرامة!!؟ طب عارف يعنى أية أنسان!!؟
لما توصل بلسلامة ان شاء الله ابقى طمنى على الكرامة وابقى كلمنى عن حقوق الانسان وأسئلى كدة
لما غيرو ربيرتو مونسينى عازف البيانو الاساسى فى اوبرا افينباخ ياترى أنطباع الطليلان اية عن العاذف الجديد
-
ونبى ياباشا لو ليك حد نازل من ايطاليا قريب ياريت تبعتلى معاه تلفزيون 21 من ابو الوان بيقولو نازل فى روما بس عشان مادورش كتير عليه وهبقى ابعتلك الفوس معاه:ma(30):
-
اعمل سكان للباسبور و الفيزا أو الاقامة قبل ما تسافر و ابعتهم لنفسك عالايميل عشان لو لا قدر الله ضاع هناك تقدر تطلع بدل الفاقد من السفارة و السلطات هناك ما ترحلكش
-
خلي بالك من الحرامية
فنانين في السرقة كمان
-
ومنتظرين نطمن عليك
وربنا يوفقك
Content Relevant URLs by
vBSEO 3.6.0 PL2