مبروك ياريس كفاااااارة d:
بالتوفيق والنجاح ان شاء الله :)
عرض للطباعة
مبروك ياريس كفاااااارة d:
بالتوفيق والنجاح ان شاء الله :)
ماتنساش انك مسلم و ربنا شايفك فى ايطاليا زى هنا بالظبط:120105~352:
معلش سؤال هو حضرتك قدرت تاخد فيزة ازاي و المعاملة كانت ازاي معاك في السفارة ؟
تروح بالسلامه و ترجع بالسلامه
و ربنا يوفقك
انا الفيزا اللي جايالي ضم عائلي والمعاملة في السفارة مفهاش مشكلة الناس محترمة ومنظمة جدا بس لازم تمشي بنظامهم سوء في حجز المواعيد او الاوراق والاجراءات وكله بيبقي تمام بس هي مشكلة سفرة ايطاليا ان عليها ضغط جامد جدا انا اكتر حاجة كانت بطلع عيني اني احجز معاد عشان اقدم الورق غير كده مفيش مشاكل
وشكرا لردودكو كلكو يا جماعة بجد الواحد حاسس انه وسط اخواته
انا بعشق ايطاليا فى كل شىء
ناس و اكل و كل حاجه
وبتكلم ايطالى على قدى
ربنا معاك ولو قعت بقى هناك متبقاش تنسانى لما اجيلك بعد كام سنه:)))))
وشجع a c mialn مفهوووووووووووووم :))
ربنا معاك يا رب
الحمد لله وصلت بالسلامة من 3 ايام بس الجو برد اويييييييييييييييييييي انا اول مرة اشوف الجو ده انا لبست الدولاب كله عشان ادفي وان شاء الله هبقي احكيلكم عن البلد قريب
حمد لله على السلامة . نازل فى انهى بلد هناك ؟
allah yaslmk :) romaaaaaaaaaaaa
حمدلله على سلامتك
اية اخبار الفيرارى هناك سلملى عليها كتير وقولها بنحبك يافيرارى :8_8_13:مش هتشرفينا بقى ولا اية
ربنا يسامح اللى مخلهاش تيجى هنا:khd:
وخلى بالك متكتبش فرانكوا علشان مممنوع الكتابة بية هنا
شكرا استاذ وائل انا بعت لحضرتك رسالة علي الخاص وان شاء الله تكون معرفة خير
انا لغاية دلوقتي ماشفتش غير 2 او 3 بس شوفت كذا واحدة بورشة والميني كوبر زي الانسر في مصر العربيات هنا 80 % هاتش باك و 10% استيشن % 10 سيدان ومعظمها عربيات صغيرة البنزين عالي جدا والتتامينات غالية جدا والناس هنا عملية جدا جدا وكمان الشوارع ضيقة ده حتي المرسيدس السمارت هنا زي ال 128 عندنا بس شكلها حلو وتقريبا مش غالية مستعملة بحوالي 900 يورو
الف حمد الله على سلامتك و ان شاء الله تنبسط هناك و ربنا يكرمك
بس متنساش الصلاة و زي ما احد الاعضاء قالك ان ربنا شايفك هناك زي في مصر بالظبط
بس فيه حاجة على قد ماهية مديقاني مش قادر اققلكم متقلهاش و هي اوعى ترجع، مترجعش للمخروبة دي و الكلام ده انا عارف ان البلد من سئ لأسوأ لكن لو كلنا سافرنا و مرجعناش البلد عمرها ماهيتصلح حالها و عمرها ما هتتقدم و في الاول و الاخر اتولدنا فيها و عيشنا فيها ايام جميلة جدا و اهلنا فيها ...
اسف لو كنت بعت عن الموضوع بس بالرغم من الاحوال السودا اللي احنا فيها بردوا بحب مصر و بحب الفيراري :)
اكيد طبعا كلنا بنحب مصر وبنحب الفيراري :36_1_1[1]:
والله مصر فيها حاجات حلوة كفاية الجو عندنا سوء صيف او شتي انا لما شوفت الجو هنا عرفت ليه الايطالين بيموتو في شرم الشيخ كفاية الشمس وطبعا الواحد لا يمكن ينسي اهله واصحابه واعضاء نايل موتورز :36_3_18[1]:
المشكلة بقي اني لسا مش عارف اماكن اي حاجة لغاية دلوقتي مش لاقي جامع اصلي فيه الجمعة بس ان شاء الله هسال وهلاقي وهستني استاذ وائل اكيد هو عارف :ask:
امانه عليك لو رحت مارنيللو مدينه الوحوش تعملنا تقرير من هناك :) هههههههههههه
ربنا يحفظك ويوفقك وترجع لأهلك بألف سلامه
ربنا يوفئك وياريت تدور على شغل من دلوئتى متستناش لما الفلوس تخلص علشان متحتجش لحد واتعود تشيل قرش للزمن
وانصحك لما ربنا يكرمك والحال يستقر يبئا اشترى فى بلدك هنا (مصر)اراضى او عقارات محدش عارف الزمن مخبى ايه
وصدئنى مهما طال الزمن هترجعلها تانى وحلوة يابلدى