ازاي اطلع لطريق القطامية - السخنة من الأميرية
السلام عليكم و رحمة الله و بركاتة
النهاردة المنتدي كانت حالته متعثرة جدا
مش عارف ان كانت دي مشكلة عندي في الجهاز و لا في المنتدي نفسة
عموما ما علينا الحمدلله انه رجع من تاني
دلوقتي انا يا جماعة طلعت في دماغي و نويت اسافر بالعربية من قنا للغردقة لبورسعيد و منها للقاهرة في رحلة مكوكية
انا اول مرة هسافر بعربية مشوار كبير زي دا
بس انا مطمئن و الحمدلله
هي بس مشكلتي في الخروج من القاهرة
انا هدخل القاهرة من طريق الإسماعيلية و همسك جسر السويس لغاية اشارة روكسي و منها علي السواح و هروح الأميرية بيت عمي و مافيش مشاكل الطريق دي انا حافظها
اما يقا موضوع الخروج من القاهرة فمش عارف اعمل ايه :shyy:
عمال ادور في خرائط جوجل من الصبح علي الطريق اللي يمسكني اول طريق القطامية السخنة عشان اطلع صحراوي عالغردقة و مش لاقي اي حاجة مفيدة و عاوز امشي في طريق سهل و ما يتوهش
فيا ريت لو حد يقدر يساعدني في الحكاية دي و يكسب فيا ثواب :stink[1]:
مستني اراء الشباب
