معلومات لا حصر لها عن الســـاجا
دايماً لما نتكلم على عربية نازلة السوق جديد ، المفروض لو هتخش فى اختياراتنا ندور على اللى ركبوها ، وركبوها أكبر فترة ممكنة ، التقارير السريعة بتاعة (انا اشتريت العربية امبارح) دى كويسة فى التعرف على امكانيات العربية اللى مكتوبة فى الكتالوج وفى اعطاء الانطباع الأول ، لكن طبعاً الأهم هو تقيييم حد ركبها فترة كبيرة ..
أنا الحقيقة جبت رينو لوجان خلاص ، لكن فيه واحد قريبى المفروض انه هيجيب عربية زيرو على دخلة السنة الجديدة ، وكان استقر على اللوجان لأنه ركبها معايا كتير واقتنع بيها.
فلما سمعت عن الساجا الأسبوع اللى فات ، قلت له ينزل يشوفها ويدخلها فى اختياراته ، لأن فيها ميزة الأوتوماتيك اللى مش موجودة فى اللوجان ..
دلوقتى واحنا بندور فى الساجا ، لقينا منتدى مخصص للعربية دى بس ، وفيها آلاف مؤلفة من المشاركات عن امكانيات العربية ومشاكلها وتعديلاتها وصور وفيديوهات وميكانيكا .. إلخ إلخ .. يعنى تقدروا تقولوا منتدى كده زى نايل موتورز بس للساجا بس ..
فأنا لقيت إنى لازم أقدم الهدية دى لكل البروتوناوية واللى بيفكروا فى الساجا ومترددين ..
وكذلك اللى جابوها وهيجيبوها وعايزين يشوفوا خبرة حد فى امكانياتها ومشاكلها ..
وأرجو أن توفقوا فى الاختيار بناءاً على المعلومات الموجودة ..
عنوان المنتدى : Proton Saga BLM Club
بس معلش لازم تسجل عضوية علشان تقدر تتصفح فى المنتدى