هل صحيح أن هناك مشاكل في الفتيس الأتوماتيك للسيفيك الجديدة أم إنها محض إشاعات؟

**الصيداح** · 08-12-2009 12:47 AM

السلام عليكم ورحمة الله

كيف الحال شباب

أنا قرأت في بعض المواضيع أنه توجد بعض المشاكل في الفتيس الأتوماتيك الخاص بالسيفيك الجديدة2009

أريد القول الفصل في هذا الموضوع من أصحاب السيفيك أنفسهم ليطمئن قلبي

وجزاكم الله كل خير

**M_Nabil** · 08-12-2009 02:42 AM

وعليكم السلام ورحمة الله، أول مرة اسمع الكلام دة !! حضرتك قرأت المواضيع دى فين بالظبط ؟ عموماً مالكي الـ 2009 هيردو عليك ويطمنوك إن شاء الله

**Horsepower** · 28-12-2009 10:27 AM

المشاركة الأصلية كتبت بواسطة M_Nabil

وعليكم السلام ورحمة الله، أول مرة اسمع الكلام دة !! حضرتك قرأت المواضيع دى فين بالظبط ؟ عموماً مالكي الـ 2009 هيردو عليك ويطمنوك إن شاء الله

و عليكم السلام و رحمة الله,
أنا أملك Civic 2009 و مفيش مشاكل بالفتيس و لا الجيربوكس على أي غيار, و لم أسمع شكوى تخص هذا الموضوع من أصدقاء لي معاهم Civic 2007 , 2008 , 2009
لو فيه مشكلة أعتقد إنها هتكون مشكلة فردية و ليست عامة.

**الصيداح** · 29-12-2009 01:26 PM

المشاركة الأصلية كتبت بواسطة horsepower

و عليكم السلام و رحمة الله,
أنا أملك civic 2009 و مفيش مشاكل بالفتيس و لا الجيربوكس على أي غيار, و لم أسمع شكوى تخص هذا الموضوع من أصدقاء لي معاهم civic 2007 , 2008 , 2009
لو فيه مشكلة أعتقد إنها هتكون مشكلة فردية و ليست عامة.

جميل جدا
جزاك الله كل خير

**kemo0o** · 08-12-2009 05:08 AM

العربية زي الفل 2007 لحد 2009 وماظهرش مع حد مشكلة في الفتيس !!

مين اللي قال الكلام ده بقى ؟!

**sa7aby** · 08-12-2009 10:06 AM

أنا بسمع صوت حشرجة فى الفتيس لو ماشى سلانسيه على التانى و حبيت أزود بالراحة عشان أطلع على التالت و العكس صحيح لو ماشى على التالت بالراحة و كبست سنة خفيفة عشان أنزل على التانى بأسمع نفس صوت الحشرجة!!
الكلام ده من ساعة ما إشتريت السيفيك فى 2008، ولما إشتكيت فى التوكيل قالولى إن ده عشان طرمبة زيت الفتيس ##^$#%#!$!#^$&^$%^ و طبعا ما فهمتش حاجة، و قالوا كمان إن دة فى معظم العربيات السيفيك زى بتاعتى!!!!
أنا كنت فاكر إن بعد تغيير زيت الفتيس حيختفى الصوت ده، بس طبعا ما حصلش، فأنا ناوى أعملهم مشكلة لما أروح تانى عشان أغير جلبة التيش الأمامى يمين

**CosmicOne** · 28-12-2009 10:06 AM

المشاركة الأصلية كتبت بواسطة sa7aby

أنا بسمع صوت حشرجة فى الفتيس لو ماشى سلانسيه على التانى و حبيت أزود بالراحة عشان أطلع على التالت و العكس صحيح لو ماشى على التالت بالراحة و كبست سنة خفيفة عشان أنزل على التانى بأسمع نفس صوت الحشرجة!!
الكلام ده من ساعة ما إشتريت السيفيك فى 2008، ولما إشتكيت فى التوكيل قالولى إن ده عشان طرمبة زيت الفتيس ##^$#%#!$!#^$&^$%^ و طبعا ما فهمتش حاجة، و قالوا كمان إن دة فى معظم العربيات السيفيك زى بتاعتى!!!!
أنا كنت فاكر إن بعد تغيير زيت الفتيس حيختفى الصوت ده، بس طبعا ما حصلش، فأنا ناوى أعملهم مشكلة لما أروح تانى عشان أغير جلبة التيش الأمامى يمين

غالباً الموضوع ده عندى بردو ساعات بحس بصوت غريب شوية عند النقلات الاولنية بس مش فى كل الأوقات
بس اظن ان ده عادى خالص فعلاً و فيه ناس كانت فى منتديات هوندا أمريكا كتبه حاجه زى كده بردو

**electrondevil** · 31-12-2009 03:07 PM

المشاركة الأصلية كتبت بواسطة sa7aby

أنا بسمع صوت حشرجة فى الفتيس لو ماشى سلانسيه على التانى و حبيت أزود بالراحة عشان أطلع على التالت و العكس صحيح لو ماشى على التالت بالراحة و كبست سنة خفيفة عشان أنزل على التانى بأسمع نفس صوت الحشرجة!!
الكلام ده من ساعة ما إشتريت السيفيك فى 2008، ولما إشتكيت فى التوكيل قالولى إن ده عشان طرمبة زيت الفتيس ##^$#%#!$!#^$&^$%^ و طبعا ما فهمتش حاجة، و قالوا كمان إن دة فى معظم العربيات السيفيك زى بتاعتى!!!!
أنا كنت فاكر إن بعد تغيير زيت الفتيس حيختفى الصوت ده، بس طبعا ما حصلش، فأنا ناوى أعملهم مشكلة لما أروح تانى عشان أغير جلبة التيش الأمامى يمين

أنا بسمع نفس الصوت يا باشا بالظبط
وكل ماروحلهم برضه يقولولي نفس الكلام
وبرضه قالولي إن ده طبيعي ومافيش مشكله
ياريت لو وصلت لحاجه تقوللي

**Horsepower** · 31-12-2009 04:22 PM

المشاركة الأصلية كتبت بواسطة electrondevil

أنا بسمع نفس الصوت يا باشا بالظبط
وكل ماروحلهم برضه يقولولي نفس الكلام
وبرضه قالولي إن ده طبيعي ومافيش مشكله
ياريت لو وصلت لحاجه تقوللي

السلام عليكم,
لو عايز تتأكد من وجود المشكلة دي أو لا أقترح إنك تجرب نفس الخطوات إللي بتظهر معاها المشكلة في عربية تانية, الأول جرب عربية نفس موديل السنة لعربيتك ولو لقيت المشكلة موجودة في الإتنين جرب عربية موديل سنة تانية بس نفس المستوى و الأساسيات يعني 2007 أو 2008 أو 2009.
لو لقيت المشكلة موجودة في عربيتك إنت بس يبقى تروح التوكيل و تعمل المقارنة دي قداموهم و في التوكيل هتلاقي كل الموديلات تقدر تلاعبو كل الألعاب مش هيقدر بعديها يقولك تلت التلاتة كام و يبقى على عينك يا تاجر.
لو المشكلة موجودة في كل العربيات إللي قارنت بينها و بين عربيتك يبقى إنت حساس زيادة بس و ده شيء كويس لأنك هتلقط أي مشكلة - لا قدر الله - في أولها قبل ما تكبر.
و ياريت تطمنا لما توصل لنتيجة إن شاء الله.

**electrondevil** · 31-12-2009 04:37 PM

المشكله إن الصوت ده مش بيظهر دايما
أحيانا بيظهر وأحيانا لأ

الموضوع: هل صحيح أن هناك مشاكل في الفتيس الأتوماتيك للسيفيك الجديدة أم إنها محض إشاعات؟

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

تغير زيت الفتيس الأتوماتيك

سؤال فني في الفتيس الأتوماتيك

زيت الفتيس الأتوماتيك لبيجو 406

صوت تكة في الفتيس الأتوماتيك

الكلمات الدلالية لهذا الموضوع

المفضلات

المفضلات

ضوابط المشاركة