الموضوع: سؤال : الضمان في السيارات الجديدة ... ماذا يضمن لك؟

المشاركة الأصلية كتبت بواسطة alsaidah

سلام الله عليكم ورحمة الله وبركاته

معروف أن السيارات الجديدة لها ضمان معظمها تقريبا 3 سنوات
لكن على ماذا يكون الضمان؟
هل ضد عيوب التصنيع

يعني مثلا : لو أنا إشتريت السيارة وبعد سنة جزء باظ منها وليكن مثلا الفتيس أوتوماتيك
هل يصلحه التوكيل من عير مقابل مادي؟ولا إزاي يكون الضمان؟

جزاكم الله كل خير

ضمان العربيات في مصر ينقسم لقسمين : ضمان الوكيل وضمان الشركة أو المعرض المستورد للعربية (لو مستورد من الخليج مثلا)

ضمان الوكيل بيكون المتحمل فيه هي الشركة المصنعة (الشركة الأم) وهي بتكون محددة الأجزاء التي لا تخضع للضمان في العربية (مذكورة بالتفصيل في عينة شهادة الضمان المرفقة) والأجزاء التي تخضع لضمان سنة واحدة زي البطارية أما الباقي فهو مغطى بالضمان

كذلك بتحدد شروط سريان الضمان واساسها عمل الصيانات الدورية طوال فترة الضمان (اللي هي 3 سنوات أو 100 ألف كيلومتر) في مراكز الخدمة التابعة أو المعتمدة من الوكيل

الوكيل لا يتحمل اي تكلفة في اصلاح الضمان يعني بيتم محاسبة الشركة الأم عن اصلاحات الضمان بما فيها ثمن قطعة الغيار وكذلك مصنعية التركيب أو ما يسمى FlatRate للعامل حسب الوقت المستهلك في الاصلاح وبالتالي الوكيل مش خسران اي حاجه انه يغير القطعة التالفة في الضمان لو حققت الشروط اللي الشركة الأم بتطالب بيها والكلام ده يشمل اي قطعة حتى لو فتيس كامل تمنه 28000 جنيه



النوع التاني من الضمان وهو ضمان الشركة أو المعرض المستورد للعربية من الخليج وهنا بعض الشركات أو المعارض بتحدد مركز خدمة معين لعمل الصيانة عنده والضمان بيكون تبعه وعند تلف قطعة بتتحملها الشركة المستوردة باعتبار انه بيدي سمعة كويسة لشركته انها بتقدم ضمان (قد يكون سنة او اتنين او تلاته) واذا ما تم تحميل اجمالي قيمة ما تم تغييره في الضمان على العربيات اللي استوردها هيكون الناتج بسيط جدا على مستوى العربية الواحدة وان كانت بعض الشركات دي بتاخد مبالغ (حوالي 500 جنيه أو أكثر) مقابل الضمان

مثال لشهادة ضمان وكيل ميتسوبيشي

توكيل رينو غير فتيس لواحد زميلنا و غيرلي الحزام عشان كان ما بيرجعش للاخر و غير مقابض ابواب قشرت لزميلين اخرين و كله مجانا

فيه توكيلات كتير محترمة

و فيه توكيلات كتير ...... و لا بلاش