الموضوع: قطع غيار الجيتز

المشاركة الأصلية كتبت بواسطة spyman_2007

سلام عليكم ازيكم يا جيتزاويه
انا فى موضوع مجننى من اول ماجبت العربيه كل ماروح لحد بتاع قطع غيار هونداى يقلى معنديش قطعا غيار ليها لغايت لما اتجننت بس الحمد لله لاقيت واحد اخيران فى احمد سعيد عندو حاجتها بس ده الوحيييد و كمان فى حاجت مش موجوده عنده زى فلتر الهوا دورت عليه فى شارع دمشق امبارح لاقيته ب70 و ب50 بس ابو50 ده شكلو مريحنيش على العموم انا عاوز اعرف ميين بيبع قطع غيار ليها و لو فى حد يعرف اسعار يكتبها بس ابعدو عن التوكيللللللللللللللللللل للللللللللللللل اخر مره كنت بسئل على زرار االازاز لاقيته ب430ج طبعا كتييييييييييييير جدا رحت بجته استيراد من الحرفيين ب50

أنا رأيى تتعامل مع التوكيل فى فلتر الهواء و السيور و تيل الفرامل حتى لو اغلى شويه

لانهم قطع معمره.. مثلا تيل الفرامل لو ب 300 جنيه و جبته من بره ب 100 هتوفر 200 لكن ممكن بصفر و يكون الاداء اقل من الاصلى و فى الاخر الطنبوره تتاكل و تكلفك اكتر من فرق السعر

بالنسبة لفلتر الهواء هتلاقيه فى التوكيل قريب من السعر اللى ذكرته

و عندك حاجه زى فلتر الزيت و زيت شل نفسه سعره فى التوكيل ارخص من بره

لكن بالنسبة لزراير الابواب او مرايه او غيره من الحاجات المكلفة هاتها من بره

و ممكن البوجيهات كمان تجيبها من بره لانهم ب 25-30 جنيه الاربعة و هتلاقى التوكيل عامل الطقم 60 جنيه او اكتر

ده مجرد رأى و انا عامل كده فى الماتريكس و مش بتعامل مع التوكيل لكن بشترى الحاجات الاصلية و اركبها و مغير كل الحاجات دى من حوالى 15000 كم.. و العربية كانت ماشه حوالى 58 او 60 ألف كم بقطع غيارها الاصلية (فلاتر و سيور...) الحمد لله علشان كده قررت اركب الاصلى لانهم زى القطع اللى عاشت 60 ألف كم عند التغيير.. بس كده ده رأيى و لك حرية التصرف

Spyman_2007

ياريت تقولنا فين المحل ده فى أحمد سعيد

سلام عليكم
انا متشكر اوى monmonmon على النصيحه وانا كمان كلامك ده اتاكد لما عرفت ان التيل بره ب100ج حسيت انه اكيد مضروب و موضوع التيل ده فى واحد صحبى معاه بروتوت جين2 اتبهدل من الموضوع ده و الطنابير باظت فعلا و ديما التيل بيصفر بس برده المشكله ان التيل فى التوكيل ب 430ج
فى اوحد موزع معتمد فى التوفيقيه تقريبا اسمه جورج انا لسا مسئلتش عنده بس كل الناس بتقلى هتلاقى حاجت الجيتس عنده

اما tmhami
فى واحد اللى انا جبت من عنده فلتر الهوا ب45 بس معندوش حاجتها كلها ده اسمه ياسر عباس ده هتلاقيه على اليمين و انت رايح نحية مصر و السودان فى واحد تانى ده قلى عندى معظم حاجتها بس مكنش لسا جاب فلاتر الهوا اسمه الفرسان ده موجود على اليمين بس لو انت جاى من مصر و السودان

ألف شكر على الرد spymany_2007

المشاركة الأصلية كتبت بواسطة monmonmon

أنا رأيى تتعامل مع التوكيل فى فلتر الهواء و السيور و تيل الفرامل حتى لو اغلى شويه

لانهم قطع معمره.. مثلا تيل الفرامل لو ب 300 جنيه و جبته من بره ب 100 هتوفر 200 لكن ممكن بصفر و يكون الاداء اقل من الاصلى و فى الاخر الطنبوره تتاكل و تكلفك اكتر من فرق السعر

بالنسبة لفلتر الهواء هتلاقيه فى التوكيل قريب من السعر اللى ذكرته

و عندك حاجه زى فلتر الزيت و زيت شل نفسه سعره فى التوكيل ارخص من بره

لكن بالنسبة لزراير الابواب او مرايه او غيره من الحاجات المكلفة هاتها من بره

و ممكن البوجيهات كمان تجيبها من بره لانهم ب 25-30 جنيه الاربعة و هتلاقى التوكيل عامل الطقم 60 جنيه او اكتر

ده مجرد رأى و انا عامل كده فى الماتريكس و مش بتعامل مع التوكيل لكن بشترى الحاجات الاصلية و اركبها و مغير كل الحاجات دى من حوالى 15000 كم.. و العربية كانت ماشه حوالى 58 او 60 ألف كم بقطع غيارها الاصلية (فلاتر و سيور...) الحمد لله علشان كده قررت اركب الاصلى لانهم زى القطع اللى عاشت 60 ألف كم عند التغيير.. بس كده ده رأيى و لك حرية التصرف

أؤيدك بشدة با monmonmon و أنا بعمل زيك بالضبط و فى رأيى ده أحسن حل للسيارات فى مصر (بعيدا عن الالمانى طبعا) بس انا بحس ان التوكيل كل فترة طويلة مهم ياعنى عشان بيرفعوا العربية و يربطوا عفشة و شوية حركات , يا ريت يا جماعة أى حد يعرف مركز بيعمل الحركات ديه بره و حنين يقولى عليه بسررررعة

سلام عليكم
shouk_1987 حضرتك ممكن تعمل صيانه فى مركز صيانه معتمد من هونداى زيه زى غبور و انا رحت سئلت فى مركز صيانه اسعاره كانت حلوه جدا كانت لو تفتكر زى اسعار غبور القديمه يعنى مثلا صيانة ال40 الف كانت ب 140ج او 130ج مش فاكر كام بالظبط بس كانت فى الحدود ديه و كمان لو عاوز تجيب قطع غيار من عندهم او تجبها من بره و هم يركبوهالك اللى انت عاوزه المركز ده كان فى ميدان التجنيد اللى هوه عند التجنيد اللى فى جسر السويس يعنى انت هتخش من جنب التجنيد يمين هتلاقى ميدان المركز هيكون على الشمال بس على فكره انا مجربتوش ومقدرش اقول انه حلو او وحش هى الفكره انه معتمد واسعاره كويسه واللى جرب يقولنا

يا جماعه اللى يعرف حاجه عن شبورة الجيتس يقلى عشان انا دايخ عليها فى ناس كتير قالتلى انك ممكن تركب بتاعت الفيرنا و شوفت ناس كتير عملاها لو حد عنه فكره عن الموضوع ده

المشاركة الأصلية كتبت بواسطة spyman_2007

سلام عليكم
shouk_1987 حضرتك ممكن تعمل صيانه فى مركز صيانه معتمد من هونداى زيه زى غبور و انا رحت سئلت فى مركز صيانه اسعاره كانت حلوه جدا كانت لو تفتكر زى اسعار غبور القديمه يعنى مثلا صيانة ال40 الف كانت ب 140ج او 130ج مش فاكر كام بالظبط بس كانت فى الحدود ديه و كمان لو عاوز تجيب قطع غيار من عندهم او تجبها من بره و هم يركبوهالك اللى انت عاوزه المركز ده كان فى ميدان التجنيد اللى هوه عند التجنيد اللى فى جسر السويس يعنى انت هتخش من جنب التجنيد يمين هتلاقى ميدان المركز هيكون على الشمال بس على فكره انا مجربتوش ومقدرش اقول انه حلو او وحش هى الفكره انه معتمد واسعاره كويسه واللى جرب يقولنا

ألف شكر على مساعدتك spyman_2007, أنا فعلا سألت فى مركز خدمة معتمد قريب منى و فعلا أسعارهم شكلها حلوة بس قالولى لو انا عايز أجيب فطع الغيار لازم تكون أصلى.