متهيألي يا جماعة كدة بقى فيه مقارنة شبه كاملة بين الواجا والبرسونا.. أنا هاحاول أجمع أوجه المقارنة دي مع بعضها واستخلصها من بين كل المشاركات..
بس لسة مسألة استهلاك البنزيز محتاجة تأكيد من أصحاب العربيتين..
وحاجة تانية مهمة ولازم ندخلها في المقارنة وتشاركوا برأيكوا..
دلوقتي البرسونا لسة جديدة وأعتقد قدامها سنين علشان موديلها يتغير أو يتوقف.. بينما الواجا بقى فيه كلام على تعديلها أو تغييرها سواء بالتعاون مع ميتسوبيشي وتصنيعها على شاسيه اللانسر شارك.. أو بتصميم آخر.. أو أو.. في النهاية واضح الواجا بتصميمها الحالي لن تستمر.. ويمكن اللي يأكد الكلام ده إن 2010 منها لغاية دلوقتي ما نزلتش وفي التوكيل بيقولو مارس أو أبريل..
المه اللي عاوز أقوله إن ده جانب مهم لازم ناخده في اعتبارنا واحنا بنقارن بين الواجا والبرسونا ولا إيه رأيكم؟
علشان معنى وقف إنتاج الواجا أو تغيير تصميمها إن الشكل الحالي [اللي هو نادر أصلاً ومش منتشر في مصر] هايفضل على حاله في قلة قطع الغيار.. بل سيزداد وضعه سوءاً بمرور الوقت
وفي المقابل فإن انتشار البرسونا هايزيد ده غير طبعاً إنها من دلوقتي مستفيدة من الاشتراك في قطع الغيار مع الجين.. يعني المستقبل لسة قدامها..
مش تفتكرو معايا إن المسألة دي تفرق كتير في المقارنة وفي اتخاذ قرار الشراء؟ ولا إيه؟
مستني آراؤكم علشان أضيفها للمقارنة.. وياريت لو حد من الخبراء عنده معلومة جديدة بخصوص تطوير أو تعديل أو أي شيء بالنسبة للواجا يعرفنا بسرعة..
المفضلات