إبراهيم عيسى يكتب: وردة للسيدة وردة

وردة للسيدة وردة
إبراهيم عيسى

عيال مندفعة طائشة علي الإنترنت مع عدد من مذيعي برامج رياضية أكتر حاجة بيفهموا فيها هي إنهم مبيفهموش في السياسة وبعضهم لديه شهادة (نحو الأمية )، علي قطيع وبغبغنات حوّلوا ماتش كورة إلي حرب أهلية وياريت بيعرفوا يحاربوا، هؤلاء يسبون ويقولون بذاءات وكله شتيمة شتيمة مفيش ضرب، فيه جري، المهم في حمي الجهل والغوغاء والمزايدة وكله عايز يطلع في التليفزيون يعيط لأن مشجعاً جزائريًا أشار إليه بأصابعه بأنه سوف يذبحه، طلعت علينا دعوة فكرتنا بأيام جبهة الصمود والتصدي حيث قرروا يا سيدي أن ينتقموا من الجزائر بأن يقاطعوا وردة !

فنانتنا الكبيرة العظيمة قال إيه شجعت الجزائر!

حاجة غريبة (رغم إن أغنية «حاجة غريبة» بتاعة عبدالحليم وشادية ) إزاي عايزين واحدة اسمها وردة الجزائرية تشجع فريقاً غير الجزائر !! ما المفاجأة والمعجزة في أن الجزائرية تشجع الجزائر؟!

وخرج هبو وحمم التفاهة وإيشي ملحن محدش عارف اسمه يقرر عدم التلحين لوردة ودعوة لنقابة المهن الموسيقية لمقاطعة وردة وفنانون وصحفيون ومهووسون علي الإنترنت قاطعوا وردة

يا نهار أسود!

ثم نحرم نفسنا يا واد إنت وهوه من روعة وسحر وجمال:

«حلوة بلادي السمرا بلادي -لعبة الأيام -علي الربابة باغني -روحي وروحك حبايب من قبل دا العالم والله -اسأل دموع عيني -لولا الملامة - وحشتوني وحشتوني- اشتروني -احضنوا الأيام -حكايتي مع الزمان - بتونس بيك - حرمت أحبك -جرب نار الغيرة -في يوم وليلة -أوراق الورد -أنا عندي بغبغان» هوه البغبغان ده اللي ودانا في داهية، مصر كلها بقت بغبغانات نردد نفس الكلام بدون ما نفكر فيه، بدون ما ندرسه ونفصصه وننقده ونضعضعه، كل ده عشان كورة كَفر !

ربنا ما يحركم من الهطل العربي الذي يجري في دمنا مجري الكرات الدم الحمراء والبيضاء والمقلمة في العروق.

لتشجع وردة اللي عايزة تشجعه، مال أهلنا إحنا، ثم الست جزائرية وعاشت في مصر وغنت في مصر ولمصر وبتحب مصر لكن افرض إنها عايزة الجزائر تصعد لكأس العالم، أجرمت يعني، ما هي جزائرية يا أخ إنت وهوه !

ثم عندما لعبت أمريكا مع مصر ألم يكن دكتور زويل يشجع مصر ويريدها أن تفوز، هل أوباما حلف له بالطلاق إنه ما قاعد في أمريكا طالما معاه جنسية أمريكانية ونجح في أمريكا وخد منها نوبل بينما لو كان فضل في مصر كان ح يبقي مدرس فيزياء في مدرسة سيدي بشر الثانوية بنين بالإسكندرية.

لماذا أصبح أفقنا ضيقًا ودماغنا صغيرة قوي وصدرنا أسود خالص، تفتكر بسبب التلوث !

عمومًا، عن نفسي وعن أهلي (رغم أنني زملكاوي للأسف ) وبالنيابة عن الحزب الوحيد الذي أنتمي إليه، حزب محمد فوزي أعتذر للسيدة وردة الجزائرية المصرية المشتركة !

المصدر:
http://dostor.org/ar/templates/hood_...mages/logo.gif

هو احنا بنجيب مارشدير ولا ايه

كله بيرغي

اقتباس:

---

المشاركة الأصلية كتبت بواسطة ringoo

هو احنا بنجيب مارشدير ولا ايه

---

لأ يا باشا......بس فى ناس كده معاهم معاهم......عليهم عليهم.

اقتباس:

---

المشاركة الأصلية كتبت بواسطة ringoo

هو احنا بنجيب مارشدير ولا ايه

---

بنجيب مارشدير للعودة إلى طريق "الحق" بعد أن كنا فاتحين على السادس في طريق "الباطل".
الإعلام الرائد والمقدم والعقيد اللى ولعهـــا وعايشنا في الوهـــم للطرمخة على الهزيمة وفشلنا الزيع في التأهل لكأس العالم، وللطرمخة أيضاً على أشياء أخرى ... صدرت له تعليمات وأوامر عليا "بالتهدئة" وإعادة الأمور لطبيعتها مع الجزائر .. ولو حضرتك تابعت البرامج الرياضية التليفزيونية وبرامج الـ Talk show وقرأت الصحف القومية هتلاحظ كده بنفسك
هقول تاني.. حسبي الله ونعم الوكيل في كل من أشعل هذه الفتنة البغيضة.

اقتباس:

---

المشاركة الأصلية كتبت بواسطة ringoo

هو احنا بنجيب مارشدير ولا ايه

---

اقتباس:

---

المشاركة الأصلية كتبت بواسطة mahora

هل ممكن تكون دى بداية تعامل محترف مع ازمة الجزائر؟ طبعا بعد ما اتكشفت حقيقة الكلام الفارغ بتاع العروبة و الاخوة و الوحدة العربية و الشقيقة الكبرى و الكلام الفارغ ده كله..... باقى ان احنا نطالب بحقنا بشكل رسمى و محترف..... و العلاقات بين الدول هى فى النهاية مصالح..... و نعمل زى ما الاسرائيليين بيعملوا كل ما حماس تضربلها صاروخ من بتوع العيد انها تجيب شوية عواجيز امام كاميرات الاعلام يقعدوا يولولوا و يعيطوا من الخراب و الدمار اللى عمله الصاروخ و هو اصلا معملش اى حاجة..... و يقعدوا يبتزوا العالم بالصور دى و يقلبوه علينا..... هل ممكن الخبر ده يكون بدايه تعامل محترف من الدبلوماسية المصرية مع الازمة؟ اسيبكوا مع الخبر.....

القاهرة (ا ف ب) - اكد وزير الدولة للشؤون القانونية مفيد شهاب ان مصر لن تعيد سفيرها الى الجزائر، التي استدعي منها في اوج الازمة التي اثارتها مباراتي كرة القدم بين البلدين في اطار تصفيات التأهل لمونديال جنوب افريقيا 2010، الا اذا حصلت على تعويضات عن الاضرار التي لحقت بالمصالح المصرية في هذا البلد.
وقال مفيد شهاب في تصريح لصحيفة "الشروق" الصادرة الاثنين "لن نعيد السفير المصري في الجزائر الا لو تم الاعتذار والتعويض عن الخسائر التي لحقت بالمصريين من مصالح وافراد".
وكان التوتر بين البلدين بدأ اثر مهاجمة حافلة كانت تقل اعضاء المنتخب الجزائري في القاهرة قبل مباراة المنتخبين الاولى والتي انتهت بفوز مصر بهدفين مقابل لا شيء، ما استدعى اقامة مباراة حاسمة في الخرطوم بعد تعادل الفريقين بعدد النقاط والاهداف في صدارة مجموعتهما المؤهلة الى كاس العالم.
وبعد مباراة القاهرة، هاجم متظاهرون في شوارع العاصمة الجزائرية 15 مكتبا لشركة محلية تابعة لمجموعة اوراسكوم المصرية للاتصالات، كما قاموا باعمال تخريب استهدفت مرتين مكاتب شركة مصر للطيران في الجزائر. واتخذ الجدل بعدا دبلوماسيا اذ استدعت مصر سفيرها في الجزائر للتشاور، كما استدعت السفير الجزائري في القاهرة للاحتجاج على الهجمات.
من جانبه قدر وزير الخارجية المصري احمد ابو الغيط الاحد حجم الخسائر المصرية بعشرات ملايين الدولارات، مضيفا ان الشركات المصرية المستهدفة ومن بينها مجموعة اوراسكوم للاتصالات ستطالب بتعويضات.
وقال ابو الغيط وفقا لبيان صادر عن وزارة الخارجية ان "الشركات المصرية سوف تطالب بتعويضات عن هذه الخسائر (...) ونأمل ان تقوم الحكومة الجزائرية والجانب الجزائري بالاستجابة لهذه الطلبات". واعرب عن الامل في ان "تتطور الامور في المستقبل (...) بين شعبين وبلدين تجمعهما دائما اواصر الاخوة والمودة".
مصر تريد اعتذارا وتعويضات من الجزائر قبل اعادة سفيرها الى هذا البلد

---

تحياتى يا عمرو بك

أنا شايف إن الراجل بيتكلم صح ..... إنت لو مصري واتربيت في الجزاير حتبقى عايز مين يكسب يعني...مصر طبعا حتى لو بتموت في الجزاير..اللي عملته ده منطقي.....

صوت العقل فى زمن الفوضى العارمة
وتحيــــــا مصــــر واحنــــا فــى دهيـــة

لو مصر ادت لامريكا علي دماغها وحصل مهما حصل فزويل دا عالم بيفيدهم
وبيخترع ويكتشف حاجات بتساعدهم علي التطور والتقدم
انما ورده هانم عملت ايه ؟؟؟؟؟؟؟؟؟
زودت ايه
اضافت ايه لمصر ؟؟؟؟؟؟
يعني هي لو مكانتش قالت انا علي الربابه بغني كانو حيلغوا الربابه مثلا ؟؟؟
ولا كانو مش حيلاقوا حد تاني يغنيها

فياريت منقارنش
ومنجيبش ورا علشان شكلنا حيبقي وحش

اقتباس:

---

المشاركة الأصلية كتبت بواسطة Ahmed A.Maksoud

تحياتى يا عمرو بك

---

ربنا يباركلك يا باشا على طول مفهمنى الليلة ماشية ازاى

اقتباس:

---

المشاركة الأصلية كتبت بواسطة shnory

لو مصر ادت لامريكا علي دماغها وحصل مهما حصل فزويل دا عالم بيفيدهم
وبيخترع ويكتشف حاجات بتساعدهم علي التطور والتقدم
انما ورده هانم عملت ايه ؟؟؟؟؟؟؟؟؟
زودت ايه
اضافت ايه لمصر ؟؟؟؟؟؟
يعني هي لو مكانتش قالت انا علي الربابه بغني كانو حيلغوا الربابه مثلا ؟؟؟
ولا كانو مش حيلاقوا حد تاني يغنيها
:E_braces[1]:
فياريت منقارنش
ومنجيبش ورا علشان شكلنا حيبقي وحش:w6266d

---

:Ta_clap[1]:

عسل يا ابراهيم يا عيسى

أنا شايف ان الراجل بيتكلم صح

يعني هل وردة شتمت في مصر ؟؟؟ أو حتى مشيت مع موجه الصحف الجزائرية في الردح لمصر

الاجابة : لا .....

طيب يبقى نقاطعها ليه ... عشان قالت انها بتشجع الجزائر ؟؟؟ طب ماهي جزائرية يبقى طبيعي انها نشجع فريق بلدها

أحمد الدسوقي - مصراوي - تعيش الفنانة وردة الجزائرية أوقاتا عصيبة هي الاصعب في حياتها على الاطلاق فالنجمة المحبوبة على صعيد الوطن العربي باكمله والتي ينتظر عشاقها ومحبيها صدور البومها الجديد خلال الفترة المقبلة من المؤكد انها احد أكبر الخاسرين من تداعيات مباراة مصر والجزائر والاعتداءات الهمجية للمشجعين الجزائريين على الجمهور المصري الاعزل في شوارع مدينة ام درمان السودانية.
وردة نجحت من خلال تصريحاتها التي سبقت مباراة القاهرة والمباراة السابقة ان تنسف كل المودة والحب التي يكنه لها الجمهور المصري الذي شن عليها هجوما حادا وطالب بمقاطعة البومها الجديد بل وطردها من مصر.
وقالوا انه يحق لها تشجيع منتخب بلادها دون الاساءة لمصر او استفزاز جمهور المنتخب المصري وهو ما لم يحدث، فبدلا من الاشادة بالمصريين وان توجه الدعوة لتلطيف الاجواء قبل المباراة الفاصلة قللت من فوز مصر في المباراة الاولى واكدت في تصريحات اعلامية ان فرحة المصريين لن تطول وان العبرة بالخواتيم وان منتخب الجزائر هو الافضل وسيصعد الى كأس العالم على حساب مصر.
تلك التصريحات التي خلت من الدبلوماسية جعلت المصريون يصبون جم غضبهم على وردة التي اعتبروها واحدة منهم ومنحوها الشهرة والنجومية التي جعلتها تحلق في سماء الفن العربي.
وبعد الاعتداءات الهمجية انتظر المصريون من وردة اعتذارا عما فعله ابناء جلداتها الا انه ذلك لم يحدث فقد اغلقت هاتفها المحمول رافضة الرد على اي سؤال يدور حول المباراة بل وصفت في احد الحوارات التي خصت بها جريدة النهار الجزائرية الإعلاميين المصريين بالحمقى ?وطالبت الجزائريين بعدم الانزلاق لمستوي? ?المصريين.
الحرب على وردة الجزائرية احتلت موقع الصدارة في الساحة الغنائية سواء داخل الوسط الفني او عبر المنتديات والمواقع الاليكترونية وتزايدات المطالبات الخاصة برحيلها من مصر خاصة وانها كانت تنوي من قبل الاستقرار في دبي والرحيل عن مصر الا انها تراجعت - حسب تصريحاتها - لوجود الاستوديوهات في مصر لذا يري عدد كبير من الغاضبين ومنهم نقيب الموسيقيين منير الوسيمي الذي أكد ان وردة فنانة عظيمة ولكن خانها ذكائها وكان عليها التزام الحياد او انتهاج الدبلوماسية في هذا الموقف العصيب.
موقف وردة الجزائرية وقرار المقاطعة الذي اتخذته نقابة الموسيقيين المصريين بقطع العلاقات الفنية بينها وبين الجزائرية وعدم دعوة اي مطرب جزائري للغناء في مصر أو العكس يجعل من الصعب استمرار وردة في مصر لذا أصبحت شركة روتانا في ورطة ومن المتوقع ان تؤجل اصدار البوم وردة الجديد الى حين أن تهدأ الامور بين البلدين لانه من الصعب المجازفة باصدار الالبوم وسط غضب مصري عارم لذا ستركز الشركة على التسويق له في منطقة الخليج العربي والمغرب العربي.
كما انه من المتوقع ان يرفض عدد كبير من الملحنين والموزعين والشعراء العمل في البوم وردة الجديد كذلك ستشهد الفترة المقبلة اعتذار نجوم الغناء المصري عن مشاركة وردة في الدويتوهات الفنية مما يجعل موقف الفنانة الجزائرية عصيبا فهل تشهد الايام المقبلة قرارا منها بمغادرة مصر؟

الرابط في العنوان :

هل ترحل وردة عن مصر بسبب تداعيات مباراة مصر والجزائر؟

اقتباس:

---

المشاركة الأصلية كتبت بواسطة shnory

انما ورده هانم عملت ايه ؟؟؟؟؟؟؟؟؟
زودت ايه
اضافت ايه لمصر ؟؟؟؟؟؟
يعني هي لو مكانتش قالت انا علي الربابه بغني كانو حيلغوا الربابه مثلا ؟؟؟
ولا كانو مش حيلاقوا حد تاني يغنيها
فياريت منقارنش
ومنجيبش ورا علشان شكلنا حيبقي وحش

---

يا راجل يا شنوري بذمتك مش عارف وردت اضافت ايه لمصر ؟؟؟؟؟؟؟
طب اسئل عادل ادهم والمشير وهما يقولوا لك هي ادت اد ايه لمصر

اقتباس:

---

المشاركة الأصلية كتبت بواسطة col. Eng. Khaled

وقالوا انه يحق لها تشجيع منتخب بلادها دون الاساءة لمصر او استفزاز جمهور المنتخب المصري وهو ما لم يحدث، فبدلا من الاشادة بالمصريين وان توجه الدعوة لتلطيف الاجواء قبل المباراة الفاصلة قللت من فوز مصر في المباراة الاولى واكدت في تصريحات اعلامية ان فرحة المصريين لن تطول وان العبرة بالخواتيم وان منتخب الجزائر هو الافضل وسيصعد الى كأس العالم على حساب مصر.
تلك التصريحات التي خلت من الدبلوماسية جعلت المصريون يصبون جم غضبهم على وردة التي اعتبروها واحدة منهم ومنحوها الشهرة والنجومية التي جعلتها تحلق في سماء الفن العربي.
وبعد الاعتداءات الهمجية انتظر المصريون من وردة اعتذارا عما فعله ابناء جلداتها الا انه ذلك لم يحدث فقد اغلقت هاتفها المحمول رافضة الرد على اي سؤال يدور حول المباراة بل وصفت في احد الحوارات التي خصت بها جريدة النهار الجزائرية الإعلاميين المصريين بالحمقى ?وطالبت الجزائريين بعدم الانزلاق لمستوي? ?المصريين.
انها كانت تنوي من قبل الاستقرار في دبي والرحيل عن مصر الا انها تراجعت - حسب تصريحاتها - لوجود الاستوديوهات في مصر
موقف وردة الجزائرية وقرار المقاطعة الذي اتخذته نقابة الموسيقيين المصريين بقطع العلاقات الفنية بينها وبين الجزائرية وعدم دعوة اي مطرب جزائري للغناء في مصر أو العكس يجعل من الصعب استمرار وردة في مصر لذا أصبحت شركة روتانا في ورطة ومن المتوقع ان تؤجل اصدار البوم وردة الجديد الى حين أن تهدأ الامور بين البلدين لانه من الصعب المجازفة باصدار الالبوم وسط غضب مصري عارم لذا ستركز الشركة على التسويق له في منطقة الخليج العربي والمغرب العربي.
كما انه من المتوقع ان يرفض عدد كبير من الملحنين والموزعين والشعراء العمل في البوم وردة الجديد كذلك ستشهد الفترة المقبلة اعتذار نجوم الغناء المصري عن مشاركة وردة في الدويتوهات الفنية مما يجعل موقف الفنانة الجزائرية عصيبا فهل تشهد الايام المقبلة قرارا منها بمغادرة مصر؟

الرابط في العنوان :

هل ترحل وردة عن مصر بسبب تداعيات مباراة مصر والجزائر؟

---

باتجيب الخلاصة يا جنرال
اللى بيقولوا من حقها تشجع بلدها عندهم حق ومحدش فينا يقدر يعترض على كدة وعندك امير سعيود اللاعب الجزائري في الاهلى قال انه يتمني فوز الجزائر لكنه لن يشجع الجزائر في الاستاد لانه لا يريد ان يغضب منه الجمهور المصري الذي يحترمه وانه يتمني ان الفائز يمثل العرب احسن تمثيل في كاس العالم
يعني عيل صغير كان دبلوماسي جدا وقدر يكسب حب الجمهور واحترامه رغم انه لسة ماخدش حاجة من مصر
انما الهانم اللى مكانش حدي هيعرفها ولا يبقي ليها قيمة الا بمصر وعايشة حياتها كلها في مصر على قفانا جاية تتريق علينا وتستفزنا وهي عايشة في بلدنا
خلاص شايفة انهم احسن مننا قاعدة عندنا ليه ؟؟؟؟؟؟؟؟
من الاخر الولية دي كبرت وخرفت وللاسف الله يرحمه عادل ادهم مات كان عقلها شوية

اقتباس:

---

المشاركة الأصلية كتبت بواسطة cairo2005

يا راجل يا شنوري بذمتك مش عارف وردت اضافت ايه لمصر ؟؟؟؟؟؟؟
طب اسئل عادل ادهم والمشير وهما يقولوا لك هي ادت اد ايه لمصر



باتجيب الخلاصة يا جنرال
اللى بيقولوا من حقها تشجع بلدها عندهم حق ومحدش فينا يقدر يعترض على كدة وعندك امير سعيود اللاعب الجزائري في الاهلى قال انه يتمني فوز الجزائر لكنه لن يشجع الجزائر في الاستاد لانه لا يريد ان يغضب منه الجمهور المصري الذي يحترمه وانه يتمني ان الفائز يمثل العرب احسن تمثيل في كاس العالم
يعني عيل صغير كان دبلوماسي جدا وقدر يكسب حب الجمهور واحترامه رغم انه لسة ماخدش حاجة من مصر
انما الهانم اللى مكانش حدي هيعرفها ولا يبقي ليها قيمة الا بمصر وعايشة حياتها كلها في مصر على قفانا جاية تتريق علينا وتستفزنا وهي عايشة في بلدنا
خلاص شايفة انهم احسن مننا قاعدة عندنا ليه ؟؟؟؟؟؟؟؟
من الاخر الولية دي كبرت وخرفت وللاسف الله يرحمه عادل ادهم مات كان عقلها شوية

---

مع أنى بموت على روحى من الضحك :C_laugh[1]: من موضوع عادل أدهم ده بس برضه مننساش يا دوك.....أذكروا محاسن موتاكم....ولا أيه :)

اقتباس:

---

وصفت في احد الحوارات التي خصت بها جريدة النهار الجزائرية الإعلاميين المصريين بالحمقى

---

مدحت شلبي، خالد الخندور، شوبير، مصطفى عبده، عمرو أديب... حمقى!!!!!!! لا لا لا لا لا مالكيش حق يا ست وردة "دا لو كنتي قلتي كده فعلاً" ...
على كلٍ ... مفيش رد بعد مقال إبراهيم عيسى ... جاب الخلااااااااااااصة.

[QUOTE=Everlasting;3872181016]
مدحت شلبي، خالد الخندور، شوبير، مصطفى عبده، عمرو أديب... حمقى!!!!!!! لا لا لا لا لا مالكيش حق يا ست وردة "دا لو كنتي قلتي كده فعلاً" .
مين يعرف إنها تقصد دول :B4_592:

العلم عند الله وحد

طيب ما يقاطعوها و لا حتى يرحلوها .... :mahf(5):
يعني هي دي اول مرة تترحل ..؟؟؟!!!
تشجع بلدها ... اه من حقها طبعا .
انما تغلط في اللي ربوها و اكلوها و غذوها و ظبطوها و عملوها فنانة ... تبقى قلة اصل.
مع ان قلة الاصل مش غريبة على اي جزائري.:44:

اقتباس:

---

المشاركة الأصلية كتبت بواسطة shnory

يعني هي لو مكانتش قالت انا علي الربابه بغني كانو حيلغوا الربابه مثلا ؟؟؟
ولا كانو مش حيلاقوا حد تاني يغنيها

---

الله يرحمك يا ريس متقال

مصر طول عمرها كانت بتدى ومتاخدش , وجه الوقت اللى عمالين ناخد فيه من كل من هب ودب :khd:

اقتباس:

---

المشاركة الأصلية كتبت بواسطة shnory

لو مصر ادت لامريكا علي دماغها وحصل مهما حصل فزويل دا عالم بيفيدهم
وبيخترع ويكتشف حاجات بتساعدهم علي التطور والتقدم
انما ورده هانم عملت ايه ؟؟؟؟؟؟؟؟؟
زودت ايه
اضافت ايه لمصر ؟؟؟؟؟؟
يعني هي لو مكانتش قالت انا علي الربابه بغني كانو حيلغوا الربابه مثلا ؟؟؟
ولا كانو مش حيلاقوا حد تاني يغنيها

فياريت منقارنش
ومنجيبش ورا علشان شكلنا حيبقي وحش

---

هي تعتبر واحده من اللي بيخلو المصريين يقولو ان مصر هي هوليوود الشرق :biggrin24:

"علي فكره انا لا بحبها ولا بسمعلها ولا بحب الاغاني دي اساسا"

للأسف نحن نعاني من داء الشيفونية المزمن ربنا يشفينا منه.

والشيفونية بإختصار:
تعني المغالاة في حب الوطن والتعامل بصورة إستعلائية مع الأمم و الشعوب الأخرى.
إحنا! إحنا! إحنا!
عايشين على أطلال الماضي إحنا "كنا" كذا! طيب ودلوقتي "بقينا" إيه.
العيش على ذكريات الماضي هو اللى جايبنا للوراء.
العالم كله عربي وغربي في تقدم وصعود وإحنا في تخلف وإنحدار.
إحنا إستفدنا إيه من حضارة 7000 سنة؟!
لحد إمتى هنفضل نردد شعارات جوفاء في حب مصر ونغني في حب مصر.
عايزين حال البلد يتصلح بالأفعال مش بالغناء والشعارات والتحقير من الآخرين.

أتمنى من الله عدم التعميم

إضغط العنوانين :-

انتصار إبراهيم عيسى للتشيع (1) - المنتدى فرسان الحق :: فرسان السُـنة :: خير الناس أنفعهم للناس ::

انتصار إبراهيم عيسى للتشيع (2) - منتدى فرسان الحق :: فرسان السُـنة :: خير الناس أنفعهم للناس ::

اقتباس:

---

المشاركة الأصلية كتبت بواسطة everlasting

للأسف نحن نعاني من داء الشيفونية المزمن ربنا يشفينا منه.

والشيفونية بإختصار:
تعني المغالاة في حب الوطن والتعامل بصورة إستعلائية مع الأمم و الشعوب الأخرى.
إحنا! إحنا! إحنا!
عايشين على أطلال الماضي إحنا "كنا" كذا! طيب ودلوقتي "بقينا" إيه.
العيش على ذكريات الماضي هو اللى جايبنا للوراء.
العالم كله عربي وغربي في تقدم وصعود وإحنا في تخلف وإنحدار.
إحنا إستفدنا إيه من حضارة 7000 سنة؟!
لحد إمتى هنفضل نردد شعارات جوفاء في حب مصر ونغني في حب مصر.
عايزين حال البلد يتصلح بالأفعال مش بالغناء والشعارات والتحقير من الآخرين.

---

طيب يا ريت يا باشا تعملنا خطة تخلصنا من الشوفينية و تحطنا علي طريق التقدم من تاني غير اننا نتغطي بعلم الجزائر و احنا نايمين

اقتباس:

---

المشاركة الأصلية كتبت بواسطة Ahmed A.Maksoud

مع أنى بموت على روحى من الضحك :C_laugh[1]: من موضوع عادل أدهم ده بس برضه مننساش يا دوك.....أذكروا محاسن موتاكم....ولا أيه :)

---

المهم اني ضحكتك يا احمد بيه
وبعدين ما دي من حسناته انه كشفها لنا (والمعني في بطن الشاعر) الله يرحمه ويرحم الجميع

اقتباس:

---

المشاركة الأصلية كتبت بواسطة Everlasting

مدحت شلبي، خالد الخندور، شوبير، مصطفى عبده، عمرو أديب... حمقى!!!!!!! لا لا لا لا لا مالكيش حق يا ست وردة "دا لو كنتي قلتي كده فعلاً" ...
على كلٍ ... مفيش رد بعد مقال إبراهيم عيسى ... جاب الخلااااااااااااصة.

---

العجوز الشمطاء وردة قالت الكلام ده لجريدة الشروق اللى فيها قمة التعصب والسفالة ضد مصر والمصريين
وقالت الاعلاميين المصريين ولم تحدد يعني كلامها يشمل الكل ومنهم ابراهيم عيسي نفسه ده لو بيفهم زي ما بيدعي

[QUOTE=Col. Eng. Khaled;3872181281]

اقتباس:

---

المشاركة الأصلية كتبت بواسطة Everlasting

مدحت شلبي، خالد الخندور، شوبير، مصطفى عبده، عمرو أديب... حمقى!!!!!!! لا لا لا لا لا مالكيش حق يا ست وردة "دا لو كنتي قلتي كده فعلاً" .
مين يعرف إنها تقصد دول :B4_592:

العلم عند الله وحد

---

كل واحد يحاسب على كلامه وهي كلامها كان عام ييشمل جميع الاعلاميين ولم تحدد اشخاص بعينهم
وبعدين لو انت تقصد دول علشان عملوا اثارة في مصر طيب ليه مسمعناش منك كلمة توحد ربنا في الشروق وغيرها من الجرايد اللى كل يوم شتيمة واشاعات كدب على مصر

اقتباس:

---

المشاركة الأصلية كتبت بواسطة SOBKY

طيب ما يقاطعوها و لا حتى يرحلوها .... :mahf(5):
يعني هي دي اول مرة تترحل ..؟؟؟!!!
تشجع بلدها ... اه من حقها طبعا .
انما تغلط في اللي ربوها و اكلوها و غذوها و ظبطوها و عملوها فنانة ... تبقى قلة اصل.
مع ان قلة الاصل مش غريبة على اي جزائري.:44:

---

يا باشا الترحيل بالنسبة لها بقة عادي متعودة دايما وزي ما اترحلت ايام النكسة يا عالم المرة دي هتترحل امتي
وبعدين تترحل متترحلش هي خلاص منتهية من زمان بس هي حلاوة روح مش اكتر

اقتباس:

---

المشاركة الأصلية كتبت بواسطة PRO-DRIVE

هي تعتبر واحده من اللي بيخلو المصريين يقولو ان مصر هي هوليوود الشرق :biggrin24:

"علي فكره انا لا بحبها ولا بسمعلها ولا بحب الاغاني دي اساسا"

---

اقتباس:

---

المشاركة الأصلية كتبت بواسطة Everlasting

للأسف نحن نعاني من داء الشيفونية المزمن ربنا يشفينا منه.

والشيفونية بإختصار:
تعني المغالاة في حب الوطن والتعامل بصورة إستعلائية مع الأمم و الشعوب الأخرى.
إحنا! إحنا! إحنا!
عايشين على أطلال الماضي إحنا "كنا" كذا! طيب ودلوقتي "بقينا" إيه.
العيش على ذكريات الماضي هو اللى جايبنا للوراء.
العالم كله عربي وغربي في تقدم وصعود وإحنا في تخلف وإنحدار.
إحنا إستفدنا إيه من حضارة 7000 سنة؟!
لحد إمتى هنفضل نردد شعارات جوفاء في حب مصر ونغني في حب مصر.
عايزين حال البلد يتصلح بالأفعال مش بالغناء والشعارات والتحقير من الآخرين.

---

والله الواحد ما عارف كان هيعرف شرح المعاني دي ازاي لولا وجوده في المنتدي
ويا تري اللى بيعانوا من داء الدونية وهو الحط من شأن الذات وجلد الذات دول نعالجهم ازاي ؟
اللى شايفين نفسهم وبلدهم اقل من كل الدنيا دول نعمل فيهم ايه ؟
حضارة ال7 الاف سنة هي اللى العالم كله استفاد منها مش احنا بس
ولو مش دارس كفاية تعرف ان كل علماء اليونان اللى قامت على جهودهم الحضارة الغربية هم اصلا نتاج مدرسة الاسكندرية القديمة
اما التغني بحب البلد فليس قاصر على المصريين فقط فكل دول تفتخر بنفسها وتري انها اعظم الدول ومشفناش حد بيقولهم ان ده عيب ولا غلط

اقتباس:

---

المشاركة الأصلية كتبت بواسطة dodino2006

طيب يا ريت يا باشا تعملنا خطة تخلصنا من الشوفينية و تحطنا علي طريق التقدم من تاني غير اننا نتغطي بعلم الجزائر و احنا نايمين

---

انا كمان مستني الخطة معاك اي خطة انشالله حتي تبقي خارطة الطريق بس بلاش حكاية علم الجزائر دي انا مش بحبه في ناس تانية متيمة بيه

اقتباس:

---

المشاركة الأصلية كتبت بواسطة Everlasting

بنجيب مارشدير للعودة إلى طريق "الحق" بعد أن كنا فاتحين على السادس في طريق "الباطل".
الإعلام الرائد والمقدم والعقيد اللى ولعهـــا وعايشنا في الوهـــم للطرمخة على الهزيمة وفشلنا الزيع في التأهل لكأس العالم، وللطرمخة أيضاً على أشياء أخرى ... صدرت له تعليمات وأوامر عليا "بالتهدئة" وإعادة الأمور لطبيعتها مع الجزائر .. ولو حضرتك تابعت البرامج الرياضية التليفزيونية وبرامج الـ Talk show وقرأت الصحف القومية هتلاحظ كده بنفسك
هقول تاني.. حسبي الله ونعم الوكيل في كل من أشعل هذه الفتنة البغيضة.

---

بس ابراهيم عيسى مابيخدش اوامر من حد:dontudear: