مشكلة بصمة الموتورلوجان

**cementman** · 08-12-2009 10:25 AM

هل فعلا بصمة الموتور فى لوجان غير مقروءة؟؟؟ أو بمعنى أصح مش سهل موظف المرور ينسخها؟؟

**hesham_tawfiq** · 08-12-2009 11:35 AM

هى فعلا مكانها رخم اوى وراسربنتينة التكييف عدل

مكانها ضيق جدا ولازم العربيه تبئى بارده علشان العامل يعرف يوصللها

**amr.elsayed** · 08-12-2009 03:26 PM

الجنيه غلب الكرنيه الله يحرقهم هما التنين

**zkralla** · 08-12-2009 05:43 PM

كلمة السر 5 جنيه

**mostafabakry** · 08-12-2009 11:24 PM

انا لما كنت برخص العربية العسكري اللي بيرفع البصمة طلب مني اركن العربية و افتح الكبوت شوية عشان تبرد و يقدر ياخد البصمة لأنها مزنوقة و مكانها غبي شوية
المهم انا ركنت العربية وبعد شوية ظابط المرور اللي برا في الفحص قاللي ابعد العربية من هنا و شدينا ما بعض لدرجة و الدي قعد يزعق و قلب علي الوش الصعيدي و قاللي يالاا بينا مش مرخصين النهاردة و مشينا
المهم انا تضايقت جدا و كنت عاوز اخلص من العك دا و ارجع قنا لأني مرخص في الغردقة

ربنا الهمني اني اروح لوحد قريبي شغال في جراج المحافظة وهو اللي مسؤول علي كل توريدات المحافظة من عربيات و كاوتش و بطاريات و له خدمات جامة في المرور مع الظباط بالذات في حوادث عربياتهم و هو بيسويهالهم بدون مشاكل
المهم قريبي دا نادي علي ميكانيكي عنده في الجراج و قالوا عاوزين نحل المشكلة دي
قام الراجل باصص علي الموتور و قاللي احنا هنفك الجزء البارز دا و الرقم هيبان بسهولة و تروح انت للمرور و ترفع البصمة و ترجع تاني اربط البتاعة دي من تاني

بصراحة انا سمعت كلمة افك و اربط و شعر راسي وقف
عربية لسة زيرو اقوم العب فيها دا علي جثتي و عنها ما اترخصت

المهم الراجل اقنعني ان الجزء دا مالوش دخل نهائي باي حاجة بالموتور ما هو الا مجرد جزء بيزود سطح التبريد المعرض للهواء و مش هيأثر عالموتور
انا اضطريت امشي معاه و فعلا جاب مفاتح لقم و راح فكها و طلعت زي ما قال بالظبط
حتة حديد كدا عريضة ومافيهاش اي حاجة
انا طلعت عالمرور و العسكري بتاع البصمة اخدها و طبعا انا ظبطته بخمساية و الراجل شاف شغلة و اخدها اكتر من مرة

انا بصراحة مش عارف هل الكلام دا ينطبق عالي اللوجان اللي موتورها 8 صباب زي الي 16 صباب و لا بيختلف
انا موتور عربيتي 16 صباب فاشكله بيختلف عن ال8 صباب

عموما اي حد عربيته 16 صباب يجرب اللي انا قلته لو غلسه عليه في المرور