حاول تبتسم مع المساطيل :)

**m_aash** · 27-11-2007 12:04 PM

منقول

مدرس حشاش كان بيعلم التلاميذ في الفصل ج ضمه ج جوزه ح فتحه ح حشيش ب فتحه باء بانجو .
ـــــــــــــــــــــــــ ــــــ
3 بيحششوا في متحف برونز حصل كبسه الثلاثة عملوا تماثيل أول واحد الضابط ضربه بالقلم قال أي الضابط خده تانى واحد الضابط ضربه بالقلم قال أي الضابط خده ثالث واحد الضابط بيضربه بالقلم راح قايل تنننننننننن .
ـــــــــــــــــــــــــ ــــــ
فار محشش قاعد يقول كل القطط تحت جزمتى بيبص وراه لقي قط أسود كبير أوى راح قايل ماعدا أبو سمره حبيبي .
ـــــــــــــــــــــــــ ــــــ
مسطول راح المحكمة فالقاضي بيقوله أنت متجوز قاله أيوة،القاضي قاله متجوز مين؟ المسطول قاله واحده القاضي قاله أنت هتهرج ؟ في حد بيتجوز راجل ؟ قاله أيوه أختي .
ـــــــــــــــــــــــــ ـــــ
مسطول بيقول لصاحبه إمبارح شفت فيل أحمر طاير فوق عمارتنا صاحبه قاله ياكذاب هو فيه فيل أحمر .
ـــــــــــــــــــــــــ ــــــ
مسطول راح محطة بنزين لقي شلة بنات واقفه حب يترسم قاله إملالي بـ 500 جنيه بنزين .
ـــــــــــــــــــــــــ ــــــ
مسطول أتصل بنمرة قالهم محمود موجود قالوله لأ النمرة غلط قالهم مادام غلط بتردوا ليه .
ـــــــــــــــــــــــــ ــــــ
2 مساطيل دخلوا متحف لقوا هيكل عظمي مكتوب عليه 1600 ق .م فواحد بيسأل الثاني إيه 1600 ق.م دي قاله تلاقيها رقم العربية اللي خبطته .
ـــــــــــــــــــــــــ ــــــ
مسطول ماشى لقي زحمة جامدة أوي فبيسأل فيه إيه قالوله دول بتوع الأرصاد بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال راح قايلهم أهه الهلال أهه أنبسطوا منه أوى وأدوله 10 جنيه فرح أوى راح باصص الناحية التانيه وقايلهم فيه هلال تانى أهه .
ـــــــــــــــــــــــــ ــــــ
مسطول بيقول لصاحبه تعالي نروح فلسطين نضرب لنا حجرين ونرجع علطول .
ـــــــــــــــــــــــــ ــــــ
مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
ـــــــــــــــــــــــــ ــــــ
مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية أتسرقت بعد شويه أتصل بالقسم قالهم ألغوا البلاغ أصل أنا كنت راكب ورا .

**eng_mkhalaf** · 27-11-2007 12:46 PM

ملهاشى لازمة فى المنتدى نكت على المساطيل والمحشاشين لأنها من ادنى فئات المجنمع والمنتدى أرقى من ذكرهم فية - وكمان الموضوع دة مكانة قسم الأخبار المنقولة مش هنا

أرجو من الأدارة بعد أذن صاحب الموضوع طبعا - حذفة

**m_aash** · 27-11-2007 01:02 PM

أخى الفاضل محمد خلف
نحن لا نأخذ الحكمة من أفواه أو أفعال المساطيل وأمثالهم حتى نتجنب أو نخاف من ذكرهم , وإنما نضحك و نسخر من أفعالهم و مواقفهم فقط .
كما إننا ا فى منتدانا هذا نتكلم عن السلبيات و الإيجابيات اللى فى مجتمعنا و نتناولها بالنقد أحيانا و أحيانا أخرى بالسخرية و هؤلاء هم أحد السلبيات التى فى مجتمعنا بل وفى العالم كله , لذلك أنا مش شايف ضرورة لطلبك بحذف الموضوع .
وعموما ده رأيى الشخصى و إذا كانت إدارة المنتدى ترى أن الموضوع غير لائق بأى صورة فلا مانع من حذفه.
وشكرا

**eng_mkhalaf** · 27-11-2007 01:15 PM

عزيزى m_aash
أنا بعبر عن رأى شخصى والأمر للة ثم بعد ذلك ليك والأدارة -أنا مقدرشى أغصب حد على حاجة بس أنا شايف مفيشى داعى نتكلم ونعلق ونضيع وقت على فئة من المفروض تجاهلها تماما سواء بالمدح أو الذم ودة واجبنا كأصحاب دينات سماوية سواء مسلم او مسيحى واجبنا فقط تجاهم هو النصح والأرشاد غير كدة لا.
أرجو عدم الرد على كلامى لعدم تحويل الموضع إلى أتجاة أخر غير محسوب العواقب وشكرا

**m_aash** · 27-11-2007 01:33 PM

أنا إسمى محمد عبدالمعز أخوك فى الإسلام
عموما الإختلاف فى وجهات النظر لا يفسد للود قضية ;) وربنا يجمعنا على الخير دايما

**eng_mkhalaf** · 27-11-2007 01:42 PM

أنا إسمى محمد عبدالمعز أخوك فى الإسلام

أنا سعيد بمعرفتك وأسلوبك الحضارى فى الحوار - ومعرفة خير أن شاء اللة وياريت أشوفك المقابلة القادمة يوم 7-12 فى دينا الساعة 10 الصبح ياريت تحاول أهية جية يوم جمعة ومن أول النهار يعنى مفيشى حجة خالص

**Dr Ahmed** · 27-11-2007 01:46 PM

شكرا أستاذ محمد عبد المعز.. نكت ظريفة جدا جدا جدا

**m_aash** · 27-11-2007 01:52 PM

المشاركة الأصلية كتبت بواسطة eng_mkhalaf

أنا إسمى محمد عبدالمعز أخوك فى الإسلام

أنا سعيد بمعرفتك وأسلوبك الحضارى فى الحوار - ومعرفة خير أن شاء اللة وياريت أشوفك المقابلة القادمة يوم 7-12 فى دينا الساعة 10 الصبح ياريت تحاول أهية جية يوم جمعة ومن أول النهار يعنى مفيشى حجة خالص

إن شاء الله هاحاول آجى , والله أنا نفسى علشان أتعرف على الناس والشخصيات الجميلة اللى فى المنتدى ده , حضرتك و د/أحمد و كريم منير والسبعاوى و حسام حسن و اامهاتما و طبعا إسلام شاهين و إسلام المصرى , ........... إيه ده ؟ دا الحبايب كتير والواحد مش واخد باله , ربنا ييسر الأمور و آجى.

**Dr Ahmed** · 27-11-2007 01:53 PM

تكرار

**Dr Ahmed** · 27-11-2007 01:53 PM

الظاهر انا انسطلت من النكت
تكرار تانى

الموضوع: حاول تبتسم مع المساطيل :)

LinkBack

أدوات الموضوع

عرض

حاول تبتسم مع المساطيل :) - انشر الموضوع فى :

-

-

-

-

-

-

-

-

-

المواضيع المتشابهه

حاول تعمل كده فى رمضان

حاول تعرف الخطأ فين.......

حاول تعرف الخطأ فين.......

احد حاول الزحمه فى القاهره

حاول تبتسم مع بلدياتنا :)

الكلمات الدلالية لهذا الموضوع

المفضلات

المفضلات

ضوابط المشاركة