الميكانيكى بتاعى اشار عليا لعمل طبة عند الخراط لكارتيرة زيت الفتيس عند الخراط علشان تبقى اسهل فى
تغيير الزيت مستقبلا بدلا من فك الكارتيرة وتغيير الجوان
انا بصراحة خفت اعملها , بس عاوز اعرف رايكم هل الفكرة حلوة وتستحق التجربة ولا هتبوظ الدنيا
عرض للطباعة
الميكانيكى بتاعى اشار عليا لعمل طبة عند الخراط لكارتيرة زيت الفتيس عند الخراط علشان تبقى اسهل فى
تغيير الزيت مستقبلا بدلا من فك الكارتيرة وتغيير الجوان
انا بصراحة خفت اعملها , بس عاوز اعرف رايكم هل الفكرة حلوة وتستحق التجربة ولا هتبوظ الدنيا
سيبك من الاختراعات دى و خلليها زى ما هى
MMamdouh
انا شايفها فكره كويسه ...
بس على العموم زيت الفتيس مش بيحتاج يتغير كتير ... يعنى قول مثلا كل 60,000 كم ...
+1اقتباس:
سيبك من الاختراعات دى و خلليها زى ما هى
شكرا لخبراء الدايو على الردود , بس بصراحة الفكرة عجبتنى لان فى الفيورا فيه طبة زى دى ومريحة فى التغيير لكن امتنعى كان خوف
للخراط يبوظ الكارتيرة + ان الزيت بيتغيير كل 40 : 60 الف
فيه سوال بيدور فى دماغى وهو ليه كتالوج الدايو مكتبش اى حاجة عن تغيير زيت الفتيس و عدم وجود طبة للتفيير بيقول اننا مفروض
منغيروش رغم ان تغيير الزيوت عموما بيحافظ على الاجزاء الميكانيكية , تانى حاجة لى واحد صاحبى معه كورسا سيدان بيعمل شغل
عربيته كله فى التوكيل لما راح يغيير زيت الفتيس قالو له مبيتغيرش علشان ملوش طبة + توصيات من الشركة الام بعدم تغييره
ايه رايكم فى الكلام ده؟؟
اى زيت فى الدنيا بيفقد خصائصه مع الشغل و الاجهاد الحرارى عليه ...
بصراحه انا مبفهمش مصنعى السيارات الى بيوصو بعدم تغيير الزيت دول ...
ده بالاضافه الى انى بحس ان الفتيس بيبقى احسن و انعم و هو متغيرله زيت ... مش عارف بقى ...
شوف اساتذتنا الكبار الاتنين هيقولو ايه ...
كلام باتفايزر صح... هو فعلا الكتالوج مبيقولش اى حاجة عن تغيير زيت الفتيس الا ان فى تجربتين ليا شخصيا... تغيير زيت الفتيس بعد حوالى 60 الف كيلو بيخللى النقلات انعم
كمان انا فكرت فى حاجة... اكيد خلال ال60 الف دول الفتيس زعق معاك مرتين تلاتة اربعة.. و ممكن بسبب احتكاك التروس طلع رايش من احتكاك سنان التروس ببعض... و الرايش دة حيفضل متعلق فى الزيت و يلف على كل البلى و المكونات المتحركة فى الفتيس... اذا التغيير حاجة صحية فى الحالة دى...
و ممكن الواحد يحطلة مغناطيس ولا حاجة فى قعر الطبة عشان يلم الرايش دة من الزيت و يمنع انتشارة على اجراء الفتيس...
MMamdouh
بعد اذن حضرتك وبدون ما اكون بعدل على مستشارنا اللى كلنا بنعتز بيه
انا عندى زي ما حضرتك اقترحت بالظبط الطبة بتاعة مقاس زيت الفتيس فيها مغناطيس من ناحية الزيت وعند قياس زيت الفتيس بقف مع الراجل الطيب يفك الطبة ويدهانى انضف المغناطيس بفوطة فى الوقت اللى هو سادد الطبة بصباعه والراجل ده هو اللى علمنى القصة دى لانى كنت بسأله على تغيير زيت الفتيس واول مرة عملنا انا وهو القصة دى العربية كانت العربية عاملة 130 الف كم ولقينا كمية رايش كبيرة جدا مجمعة على قطعة المغناطيس فنضفناها لكن بعد كل 10 الاف كم كشف تقريبا مبقاش فى اى اثر للرايش.
وقطعة المغناطيس دى على شكل اسطوانة صغيرة قطر قاعدتها 5مم وارتفاعها 8مم والظريف انك ممكن تخلعها من الطبة علشان تنضفها وبعدين بتلزق تانى من اى ناحية فى الطبة بحكم انها مغناطيس والطبة حديد
السؤال المهم دلوقتى هل قطعة المغناطيس دى موجودة فى كل العربيات ولو مش موجودة هل ممكن انها تتجاب وتركب فى الطبة ؟
اسف انى طولت عليكم
حلوه فكرة المغناطيس دى يا محمد ... يا ترى ممكن تتطبق ولا ايه ! بيتهيقلى صعبه ... لانك لو جبت مغناطيس اى كلام و لحمته هيبوظ ! و لو جبت مغناطيس قوى ممكن يشوشر على الوحدات الالكترونيه ... على فكره اجمد مغناطيس انا شوفته ... هو المغناطيس الى جوه الهارد ديسك بتاع الكمبيوتر .... و ده حديد جامد ممكن يتلحم يعنى ... هل فى حد جرب الفكره دى ولا ايه ؟
مش لازم تلحمة... مهو حيلزق لوحدة فى اى جسم حديد... و غالبا الناس بركبة على فلتر الزيت عشان الرايش يتجمع فى الفلتر و تتخلص منة و انت بتغير زيت الموتور و الفلتر
بالنسبة للفتيس فا اعتقد الاسن يتلزق فى اوطى نقطة فى الكارتيرة لحين ما تغير الزيت بعد عمر طويل
MMamdouh