هو امن الدوله ملوش اى علاقه بالسفر لاسرائيل لان امن الدوله بيختص بالامن الداخلى ... المختص بالموضوع هو جهاز المخابرات .. يعنى الاخ صاحب الموضوع يروح اقرب مكتب للمخابرات ويسألهم ايه اللى المفروض يحصل قبل سفره
عرض للطباعة
الخلاصة ، واضح ان ماحدش هنا عنده فكرة عن المعلومات اللى طلبتها
أعتقد ان السؤال فى شركات السياحة ممكن يديك طرف الخيط
علي فكرة انا مش بفتي، لأني أعرف ناس راحوا اسرائيل و كان منهم صحفيين، و طالما بتقدم المبررات الكافية لظابط الإتصال اللي بتروحلة محدش بيعملك حاجة، و علي فكرة في التسعينات ناس كتير سافرت عادي جدا و ناس كتير عملوا اللي الراجل طلبة و راحو القدس، من بعد إنتفاضة 2000 بقي في مشكلة في السفر بس من ناحية الأمن المصري
كمان بالنسبة لفكرة الباسبور التاني، انت مش بتعملة من نفسك ظابط الإتصال هو اللي بقولك تعمل كدة و لو تلاحظ و تبص في باسبورك حتلاقية مكتوب فية مصرح بالسفر لجميع دول العالم ماعدا اسرائيل
ahmed4000 انا متريقتش علي الناس، انا انتقدت رأيهم و أعتقد دة شئ موضوعي و من حقي، زي ما اي حد فينا بيختلف مع حد تاني علي رأية في ميكانيكي مثلا، و في النهاية انا بحترم كل الناس حتي لو كنت بختلف معاهم، مش معني اني اقولك رأيك بالنسبة ليا كلام بطيخ يبقي انا بغلط فيك، و بعدين يا سيدي انا اسف لو كان حد زعل من اسلوبي
و بالنسبة للناس اللي بتقول امن الدولة ملوش علاقة دة حقيقي بدرجة ما، بس المسألة اصلا بتبدأ من عند الداخلية لأني مش متأكد ان جهاز المخابرات لة مكاتب مباشرة للتعامل مع الجمهور، حتي في السفارات المصرية في الخارج
I have the ONLY advice for you.....
IF AND ONLY IF you are able to get the visa.....
GET A NEW PASSPORT and put the visa in that passport and never EVER use this passport anywhere else.......
use it like a one time thing......
you will NEVER be able to go to Saudi at all if you use that passport to get a saudi visa or even enter dubai or any GCC countries....
[OVERLINE]شـــــــــكــــــــراً[/OVERLINE]
مازالت الردود كلها غير مقنعة، لا يوجد رد شافي حتى الآن.
كان يا مكان .. من بعض السنوات .. كنت شاب فاقد و مقطع البطاقة .. و كان فيه باند من باندات رزع الحلل اللي لا يمكن تيجي مصر عاملة حفلة في إسرائيل .. قلت لصحابي يالا نروح إسرائيل .. قالوا قشطة ! رحت لأبو واحد صاحبنا يشغل مركز مرموق في الدولة قلتله يا أونكل عايزين نسافر .. قاللي فين يا حبيبي ؟ قلتله تل أبيب .. قاللي ماشي بس إعتبر دي أخر سفرية في حياتك و إحتمال حياة أهلك كلهم عشان هتتحط تحت الميكروسكوب .. بس هتروح !.. و قعد يرغي في شوية كلام كدة مش فاكره و في الأخر إتخنقت منه و نزلت dvd live للباند و خلاص .
فا إنت هتروح بعد شوية متاعب كتير مقاس إكس لارج .. الأزمة الحقيقية بعد الرجوع.
طبعا يا سيدى الفاضل طلب حضرتك فى باطنه رائع وكلنا وانا شخصيا نفسى ازور المسجد الاقصى يا رب فى حياتنا بس للاسف ظاهره بيكون صعب وغريب
احترم جدا رغبتك بس مشاكل هذا الموضوع جمه وعديده وغير محموده
انا لو مكانك ادورعلى شخص بيعمل فى المخابرات العامه المصريه شوف فى كل دائرة معارفك حد يعرف حد من المخابرات وقله رغبتك بشكل ودى وشوف رده
طبعا عواقب الموضوع غير معرفه
الامن يضايقك ممكن
طبعا ابنك مش حيدخل الجيش بأى صوره او شكل(مجند اوضابط) (حصلت مع حد اعرفه).
الباسبور طبعا (سوريا لبنان السعوديه اكيد بخ)مش عارف مين تانى
مضايقات امنيه فى كل شئ فى حياتك اى تعين حكومى ليك واولادك واخواتك بخ بخ
رأى الشخصى
سيدى الفاضل انت حر فى نفسك طبعا بس فكر فى اخواتك واولادك واقاربك
لو حد للاسف اضر بسبب هذه الزياره
اعتقد انه حيزعلك
يا سيدى الفاضل صبرا جميلا لعل الله يغير الحال
ويكون هذا الموضوع اسهل وايسر وأمن
عاوز تروح اسرائيل بدون مشاكل امنية والرحلة تكون مدفوعة من الدولة وتتعاقب لو مروحتهاش ؟
اشتغل في وزارة الزراعة
تأشيرة بني صهيون الأرهابية ( ستضعك في قائمة سوداء ) في دول كثيرة في العالم على الأٌقل أوروبيا و عربيا و خصوصا مصريا ستكون مُلاحق من أجهزة الأمن المصري ( و عندهم حق ) .
و لكن الخطوة نفسها لا غبار عليها ...بس للآسف بني صهيون مش دولة طبيعية علشان ينطبق عليها الكلام اللي أنت بتقوله .... دول شوية ارهابيين على حرامية على قطاع طرق على قتلة .
و الناس اللي بتقول تطبيع ...
طيب ما المنتدى مليان نصايح لا نهاية لها لشراء المنتدى الأمريكي !!!!
هو ده حلو .......... مش أمريكا هي الأصل ......... مش أمريكا هي الأساس ......... هي جذور المشكلة ؟؟؟
هي دولة الصهاينة بدون الدعم اللامحدود من أمريكا تسوى حاجة ؟؟؟؟
اللي عايز يقاطع ........ أو ميطبعش ........... متجزأش المقاطعة ....
ألمانيا هي مورد الغواصات للصهاينة و التي تحمل صواريخ نووية ( غواصات مجهزة لضرب المدن الساحلية العربية زي الأسكندرية و بورسعيد و السويس و الأسماعيلية و طرابلس اللبنانية و بيروت ........... الخ .
أيطاليا من أكبر الدول التي تستورد من اليهود منتجات و فاتحة الأسواق على البحري علشان خاطر سواد عيونهم و علشان خاطر يخلوهم أقوياء و أحنا ضعفاء .....
بقية دول الأتحاد الأوروبي من درجة لآخر بتعمل نفس الكلام ....
ما شفتش و لا بني آدم هنا بيقول ما تشتروش عربية أوروبي .......ز
مش هما دول جذور وجود اليهود عندنا ؟؟؟؟؟؟ ......... بدونهم ( أمريكا و أوروبا ) ........ كانت إسرائيل هاتبقى نووية ؟؟؟ كانت هايبقى عندها كل السلاح ده ؟؟؟؟ ......... كانت هاتقدر تدخل أرض فلسطين أصلا ؟؟؟؟؟؟؟
التطبيع أو عدمه مش مع اليهود بس ........... و لكن مع داعميهم كمان .....
الاخ / توت عنخ امون
كلام حضرتك جميل جدا بس ايه المغزى ؟؟؟؟؟؟؟
انت معايا فى السفر !! ولا معترض !! ولا معترض على السفر لكل داعمى الصهيونية !!
بردو مفيش رد واحد مقنع.
الاخ الفاضل صاحب الموضوع ممكن يكلمنى على الخاص وانا هقولك على الطريقة الامثل والانسب فى ظل هذه الظروف لكن فيها بعض المخاطر. أنا من أبناء سيناء وأعيش فى مدينة العريش
السلام عليكم
اسف لاني لسه شايف الموضوع يمكن جاي انا متأخر شوية
والله يا استاذ wma انت حركت حلم في كل اللي ردوا حتي بالرفض
و طبعا ماحدش يقدر يشكك في غرض حضرتك .. ولان غرض حضرتك ديني في المقام الاول... انا هاتكلم من المنطلق ده
اولا نية حضرتك ان شاء الله تجزي عنها خير.. ويا رب ان شاء الله تقدر تحققها
ثانيا . منطقيا انت ممكن تسافر.. ماهو فيه سكك و خطوط طيران عادي.. و فيه اتفاقيات و فيه سفارة
ولكن
مافيش علي حد علمي شركات سياحة في مصر بتعمل النوع ده من السفريات
كمان موضوع التأشيرة ده مش سهل اطلاقا مش زي ما حضرتك متخيل
الاهم من ده .. قوائم الترقب شغالة و اللي يقول غير كده يبقي معلومته مش كامله .. واللي حضرتك ماتعرفهوش يمكن ان القوائم دي مش لاسرائيل بس.. كمان ايران ... اللي يسافر ايرام بيتمنع تطلعله تأشيرة تاني قبل فترة معينه و بيفضل فترة في قوائم امن الدولة
وللي ما يعرفش امن الدولة مختص بالموضوعات دي.. بل هو جهة الاختصاص الاولي بيها مش المخابرات ولا حاجه
حاجه كمان للاستاذ الفاضل اللي كان بيقول لحضرتك ان اللي معاه تأشيرة اسرائيل ما يترفضش سفرة لاي دولة اوروبية محترمة .. ده مش مظبوط
لان معظم الدول المحترمة بتسأل حضرتك في الابلكيشن بتاعك انت سافرت اماكن نزاعات سياسية ولا لا ... طبعا بالاضافة الي ايران والدول المغضوب عليها
السفر ممكن
طبعا .. لكن العواقب ما تستدعيش ان حضرتك تضحي في رأيي
و بعدين حضرتك بتتكلم انك تسافر حضرتك و المدام .. اعتقد ده بيضاعف المشكلة نسبيا
عموما ربنا يوفقك في قرارك ايا كان واختيارك ... وان شاء الله لو رحت تدعيلنا ... و مين عارف يمكن انا اروح و ادعيلك :)
تحياتي