لحد امتي اقدر امشي بطقم الدبرياج و هو تعبان (إلي سمير عياد و سبعاوي)

انا عملت كل حاجة كشفت علي الباكيهات و علي الفلاتر و لسة مغير سير الكاتينة و غيرت زيت الفتيس

فأعتقد ان المسألة دخلت في طقم دبرياج

الأول بيعمل 20 و يبدأ الصوت يعلي جدا و مع الكبس بيعمل 30

التاني بيعمل 35 و يبدأ الصوت يعلي بس ساعات بيوصل لـ 50

التالت 55 و يبدأ الصوت يعلي لكن ممكن يجيب 80 رغم أنة زمان كان بيوصل لـ 130

الرابع أخرة 90 و يكون الصوت عالي

الخامس من 100 - 110 و خلاص علي كدة


السؤال بقي هل الطقم حالتة صعبة قوي ولا ممكن يمشي عادي شوية كمان

و هل ممكن اسافر بيها و لا يستحسن بلاش؟ ولا ممكن اسافر و مقرصش علي العربية أنا في الغالب ابعد حاجة ممكن اسافرها اسكندرية و بريح في النص

يعني انا عارف اني كررت السؤال اكتر من مرة بس فعلا محتاج نصيحة نهائية و بصراحة اليومين دول مفيش فلوس تخليني اغير و اركب الأصلي لأني مش بحب الحاجات اللي نص نص و الفارق بين سعر الأصلي و النص نص (اللي هو ايطالي برضة) تقريبا الضعف

للعلم العربية فيات اونو 98

اقتباس:

---

و بصراحة اليومين دول مفيش فلوس تخليني اغير و اركب الأصلي لأني مش بحب الحاجات اللي نص نص و الفارق بين سعر الأصلي و النص نص (اللي هو ايطالي برضة) تقريبا الضعف

---

حقولك على حاجه يا أستاذ : عمرو

ممكن تمشى حالك شويه اليومين دول
بس على شرط
متقرصش على المكنه كتير وأنت سايق
وخللى نقلك بدرى بقدر الأمكان

طالما أنت عارف الوضع عندك ومقرب خلاص على عمرة دبرياج
لو أتبعت الأسلوب ده فى النقل مع ملاحظة أبعاد موضوعك من خلال فهمى
مش حيبقى فيه أى مشاكل أن شاء الله
ومش مهم أما العربيه تاكل بنزين شويه على ماتبقى تعمر الدبرياج

الف شكر يا ريس علي ردك، و علي العموم انا فعلا مش بقرص خالص علي الماتور اليومين دول و مريحة علي الأخر، هو في العام انا اصلا مش بتاع قرص و شد

الأعراض اللا انت وصفتها قد تشير الى تآكل الدبرياج وقد تشير الى اى مشكلة اخرى فى الموتور، علشان تتأكد انه دبرياج جرب أطلع بالعربية على الرابع وحاول تسايسها لحد ما تطلع، لو طلعت معاك يبقى فعلا الدبرياج بايظ ويبقى اتبع التعليمات اللى قال لك عليها بشمهندس سمير، لو العربية بطلت منك مهما حاولت انك تطلعها على الربابع يبقى استثنى مشكلة الدبرياج فى الوقت الحالى ونفكر فى حاجة تانية

اقتباس:

---

المشاركة الأصلية كتبت بواسطة sab3aawy

الأعراض اللا انت وصفتها قد تشير الى تآكل الدبرياج وقد تشير الى اى مشكلة اخرى فى الموتور، علشان تتأكد انه دبرياج جرب أطلع بالعربية على الرابع وحاول تسايسها لحد ما تطلع، لو طلعت معاك يبقى فعلا الدبرياج بايظ ويبقى اتبع التعليمات اللى قال لك عليها بشمهندس سمير، لو العربية بطلت منك مهما حاولت انك تطلعها على الربابع يبقى استثنى مشكلة الدبرياج فى الوقت الحالى ونفكر فى حاجة تانية

---

سبعاوي دية مش طلعت علي الرابع، دية كان ناقص تأمرك علي الرابع، منا عرفت من الحكاية دية انة دبرياج

المهم أخبار البنت اية اتمني تكون صحتها كويسة و مستني تدوينة جديدة و فكر مليا في حكاية انك تعمل كتاب لأني زي ما قولتلك قبل كدة انت حرام فعلا متكتبش

سايسها
وداديها بأه ياباشا
على ماتعمر

اعانى من نفس المشكلة بس انا بسايس العربية على قدر الامكان وطبعا ماشى على نصائح الاستاذ سمير عياد والبشمهندس سبعاوى اللى ذكروها

اقتباس:

---

المشاركة الأصلية كتبت بواسطة aymansaad

اعانى من نفس المشكلة بس انا بسايس العربية على قدر الامكان وطبعا ماشى على نصائح الاستاذ سمير عياد والبشمهندس سبعاوى اللى ذكروها

---

منا برضة بعمل كدة يا أيمن، نظرا أني مفيش قدامي غير حلين يا إما اساسيسها لأروح للميكانيكي اكع 500 جنية و اليومين دول الحكاية نيلة خالص و خاصة ان المحروسة شكلها كدة عايزة 2 مساعدين ورا فالمصايب لما بتهل بتهل كلها مرة واحدة

بس هو انا معايا فعلا لسة مبدأتش تاكل بنزين عالي قوي، يعني بتاكل زيادة حبتين بس مش المقابل المرعب يعني و خاصة ان العربية في العام عندي مش بتاكل بنزين كتير قوي