يعني ايه الموبينة؟

**الصيداح** · 09-12-2009 12:43 AM

سلام الله عليكم

ممكن لو سمحتم حد يقول لي يعني ايه الموبينة ووظيفتها؟

جزاكم الله خيرا

**samirayad** · 09-12-2009 01:05 AM

ملف الأشعال ....البوبينا
عباره عن محول كهربى ....يقوم بتحويل جهد البطاريه المنخفض (12 فولت )
الى الجهد العالى الازم للأشعال ...وتتراوح عملية رفع الفولت داخل البوبينا من 15 - 25 ألف فولت كهربى
يتكون من رقائق من الحديد المطاوع ( القابل للمغنطه المؤقته ) ....حيث يتم لف ملفات الملف الثانوى للبوبينا ذو المقطع الدقيق للغايه حول هذا القلب ....وتكون ملفات الملف الثانوى مصنوعه من النحاس المعزول بماده عازله مناسبه لتحمل درجات الحراره الناتجه من مرور التيار العالى فى الشده داخل ملفات الملف الثانوى
فوق الملف الثانوى يقع الملف الأبتدائى ذو عدد اللفات القليله ومقطع السلك الكبير
حيث يصنع من سلك نحاسى أيضا ذو قطر أو مقطع أكبر
يوجد بداخل بعض ملفات الأشعال (البوبينا ) زيت بهدف تبريد الكويل بسبب تأثير الحراره الغير مرغوب فيها على ملفات الكويل ....وذلك حيث أن مرور التيار يولد حراره غير مرغوبه ...تؤثر على العزل الكهربى للملفات

أذا الحراره مش كويسه على البوبينا ....علشان كده بنلاحظ أن أكتر حاجه بتؤثر على آداء البوبينا هى الحراره
علشان كده بنحط فوطه مبلوله على البوبينا .....علشان نعرف العيب منها ولا لا ....
لما بنلاقى صعوبه فى الدواره والمكنه ساخنه
لأن معروف أن السخونه بترفع مقاومة الموصلات أو الملفات بصفه خاصه....ممايعنى مقاومه أكبر لمرور التيار ( حسب قانون أوم الكهربى )

**الصيداح** · 09-12-2009 01:15 AM

جزاك الله كل خير
وفيت وكفيت

بس هل ليها علاقة بسخونة الماتور ولا لما تبوظ أو تسخن إيه اللي يحصل للعربية؟

**samirayad** · 09-12-2009 01:22 AM

الله يخليك

أذا الحراره مش كويسه على البوبينا ....علشان كده بنلاحظ أن أكتر حاجه بتؤثر على آداء البوبينا هى الحراره
علشان كده بنحط فوطه مبلوله على البوبينا .....علشان نعرف العيب منها ولا لا ....
لما بنلاقى صعوبه فى الدواره والمكنه ساخنه

لما تبوظ أو تسخن إيه اللي يحصل للعربية؟

لما بتبوظ بسبب السخونه والعمر الأفتراضى وكفاءة التصنيع
بتبرجل المكنه طبعا وبينعكس على السحب والآداء عامة ( فى صورة صعوبة دواره والمكنه سخنه وممكن تقطيع مفاجىء وممكن عدم أستطاعة الدواره بعد مشوار معين والركنه لأحضار طلب معين )
وبنلجأ لعمل الأختبار اللى موجود فى الأقتباس فى الرد الحالى

**الصيداح** · 09-12-2009 01:30 AM

تمام الله ينور عليك

جميل بس أنا عندي مشكلة في سيارتي مش لقيلها حل

أني بمجرد أما أروح مشوار ولو 500متر وأقفلها العربية مش بترضى تشتغل
غير لما أشيل البطارية وأحطها على الشاحن لمدة يوم ولا حاجة علشان العربية تشتغل وتمشي كمان مشوار وتقف وهكذا

وكل الكهربائية قالولي الدينامو شغال كويس
هل العيب دا ممكن يكون خارج نطاق البطارية مع سلامة الدينامو؟