الحمد لله على سلامة صاحب العربية وقدر الله وما شاء فعل وربنا يديله عربية تانية احسن منها
عرض للطباعة
الحمد لله على سلامة صاحب العربية وقدر الله وما شاء فعل وربنا يديله عربية تانية احسن منها
بعد اذن حضرتك ياتكتب بالعربي عشان نفهمك يامتكتبش لأن اللغة اللي بتكتب بيها لغة الجهلة اللي مايعرفوش يكتبوا english او عربي لا الأجانب هايفهموها ولا احنا هانفهمها وبعدين لازم نعتز بالغة بتاعتنا منحرفهاش وألاهانضيعها زي ماضيعنا حاجات كتير بسبب التقليد الأعمي للأجانب وياريت بنقلد صح كنا زمنا من احسن الشعوب وبعدين اللغة دية ممنوع الكتابة بيها في المنتدي وأقرأ الشروط والأحكام لعضوية المنتدي معلش انا بقولك الكلام دة علشان كلنا نستفاد ممكن المعلومة اللي انت كتبتها بالفرانكو أرب زي ماانتوا سمتوها واخترعتوها مفيدة وغيري او صاحب الموضوع اللي بترد عليه محتاجها ومايعرفش يفهم اللغة والرموز اللي بدل الحروف يبقي انت ضيعت علينا معلومة مفيدة نتشارك بيها وضيعت وقتك في كتابة الغاز مستفدش بيها حد ولا حتي صاحب الموضوع علي الرغم انك مقدم معلومة مفيدة علي حد فك طلاسم كلامك ان وانت معدي في طريق جنزور في سكة طنطا قطع الشارك متقطعة عند واحد اسمة محمود وهو في نص طريق جنزور ممكن تشوفة بردة علي فكرة انا ترجمتها علشان ممكن يستفاد بيها صاحب الموضوع لوحصل ان المشاركة بتاعتك اتشالت ارجو متكونش زعلت مني انا قصدي المنفعة العامة الكل يستفاد
ربنا يخليك يا باشا بس الحقيقة مش انا ده صاحبي هو اللي عمل الحادثة بس الحمدلله هو أحسن كتير .. وسبب الحادثة سرعة مع مطب هوا مع عدم ربط حزام امان العربية عومت دخلت في الرمل وفي عامود الكهربا اللي بيبقى في الشارع ده .. بس الحمدلله على كل حال .. ربنا يحفظكم جميعا والف شكر على ذوقك
ربنا يخليك يا باشا .. وفعلا قدر الله وما شاء فعل
ألف شكر ان شاء الله نحاول نبقى نشوف عنده
لا اله الا الله محمد رسول الله
اولا قدر الله وما شاء فعل الحمد لله على كل شئ وحمد لله على سلامتك صديقك وان شاء الله ربنا هياجره في مصيبته وهيخلفها له بخير منها
ثانيا : انا واحد شوقت الشارك مش علشان والله الموضوع والي عامله الحادثه لانسر شارك بس بحس بسنه تعويمه فيها وخصوصا بقى لو فيه تراب او رمل او زي ما حضرتك بتقول كده مطب هواء فياريت لكل الي معاهم العربيه دي يقولوا هل بيحسوا بنفس الاحساس ده ولا ايه ؟؟؟؟؟؟
قدر الله وماشاء فعل وربنا يعوض علية خيرا منها
الحمدلله ان صاحبها لسه بخير
ربنا يعوض عليه
ربنا يكرمك
فعلا والله قدر الله وما شاء فعل .. وربنا يخليك يا باشا .. بص يا باشا انا بردو سقتها وصاحبي ساقها كتير .. بس بصراحة العربية جميلة .. موتور mivec لما تعمل كيك داون بتلاقيها شدت شدة حلوة رغم انها 1500 سي سي !!
وثباتها كويس على الطريق .. بصراحة عربية جميلة واللي استغربناه كلنا ان فتح فيها اير باج جانبي جهة السواق مع ان التوكيل كان قايل مفيهاش غير اير باج واحدة قدام في التارة ؟!! ..
انت عارف هي الغلطة .. تجري بسرعة على مطب هوا وصاحبي كان طاير للأسف .. وانت عارف شوارع مصر كلها مفاجات يا حفرة يا مطب والعربية تروح تتصلح ..
والغلطة كمان متحطش الحزام والملفات تاخدها بسرعة عالية .. هتلاقي العربية ديلها حدف او عومت منك .. ربنا يحفظك يارب يا باشا.. والف شكر على ردك
ربنا يبارك فيك .. الف شكر على ذوقك
ربنا يخليك يا باشا ألف شكر على ذوقك
بلاش تصلحها عمرها ما حترجع ذى الاول
i know in europe that all the lancer shark has 9 air bag ..or may be they send to egypt the badest option for the egency safe money ..or because we are poor country or what .../ any way big salute for your friend ...accedent like this in hyundai accent or daewoo or.... the result will be ....