الموضوع: محلات كماليات و إكسسوار السيارات في القاهرة

ممكن حضراتكم تدلوني عن أكبرو أفضل محلات كماليات و إكسسوار السيارات في القاهرة و يفضل مصر الجديدة و مدينة نصر من خبرتكم في التعامل معهم.
يعني أنا مثلاً أعرف السجان و القبطان و محلات شارع دمشق.
في سنتر أعتقد كبير في الشارع الكبير إلي ورا جنينة مول في مدينة نصر اللي بيطلع على شارع الطيران أمام مستشفي التأمين الصحي.
أرابكوم بتاع إسلام مشهور جنب سيتي ستارز.
و بيتهيألي كمان في في مدينة نصر محلات فرش علياء و مرجان.

و طبعاً عرفت عن طريق المنتدى سنتر سبير كار إللى أخونا إسلام شاهين عامل لينا أحسن واجب عندهم هناك بس أنا مستبعده عليا شوية لاني فهمت من المنتدي إن التركيب بيكون في الفرع الرئيسي في لاظوغلي.

في الحقيقة أنا متعاملتش مع حد منهم و معرفش الفرق بينهم كمستوى أو تركيب نضيف فيا ريت خبرتكم إنكم تقولوا مين أحسنهم كمكان تلف فيه و تلاقي حاجات كثير و كويسة و هل في محلات تاني مشهورة برضه؟
أنا يعني بتكلم في دواسات - فرش - ستارة خلفية - شوية معطرات - ممكن parking sensors - يعني مش حاجات كبيرة زي جنوط مثلاً.
و شكراً ليكم.