طقم صوت جامد جدا باقل من 360 جنية يابلاش

بسم الله الرحمن الرحيم

الاخوة الافاضل كل سنة وانتوا طيبيبن على كل اهل جمهورية نايل موتورز والعيد الجاى ان شاء الله يكون كل واحد محقق اللى نفسة فية

نخض فى الموضوع
أنا بحكم طبيعة عملى بتعامل مع سواقين النقل والنهاردة شوفت واحد منهم عامل طقم صوت باقل من360 جنية :dzey: طبعا ليكم حق يجيلكم صرع من اللى بقولة
نيجى بقى للشرح
الراجل كل اللى عملة انة جاب صب ووفر كرياتف 1*4 وجاب mp4شحن ببطارية نوكيا ووصل الليلة دى على كهرباء العربية هو كل اللى عملة ان فى محول بيجى مع الصب اللى بيركب فى الكهرباء هو مركبوش ووصل الصب على كهرباء 12vاللى هى كهرباء العربية بس الصوت ماشاء الله علية صوت جامد طحن ياريت اللى لة راى فى الموضوع دة يقولنا بس بلاش والنبى اللى هيقول ان البايونير احسن وان حاجة الكمبيوتر للكمبيوتر والعربيات ليها حاجات تانية انا بقول على الطريقة دى للناس اللى عايزة طقم صوت حلو وفى نفس الوقت مش مكلف واحسن من الكاسيت الصينى العجيب

اسف على الاطالة ومستنى اراكم المشجعة علشان انا عايز اعملة

م- محمد حامد

شوفت تاكسي عامل نفس الموضوع والصوت رائع رائع
خصوصا ان كريتيف الصب اللى معاه محترم جدا جدا

انا فكرت فى الفكرة دى اول مانزل الصب دة بس انا حاجتين بس اللى خلونى معملوش
اول حاجة مكنتش عارف ازاى هوصل البور للصب لانة بيجي بادبتور يتركب فى الفيشة فدى ممكن ليها حل بس انا معرفوش
والمانع التانى الصب ذات نفسة احطة فين لانة بيكون كبير كدة احطة فين دة
دول الحاجتين اللى حجمونى لكن لوصب 4,1 نضيف على mp4 او اى حاجة نضيفة هيعمل صوت جامد جدأ
وبالنسبة للمرور اية الكلام :khd:

شكرا لردكم السريع بس بالنسبة للمرور مالوش حاجة وبالنسبة للمكان ممكن يتحط تحت الكرسى ومستين بقيت الاراء

الصب حلاوته فى شنطه العربيه
والسماعات توزعها فى الاربعه اركان ورا وقدام

هههههههههه
فرقتو ايه عن السواقين وبتوع التكاتك والميكروباصات كده ؟؟
طب ما تجيبو سى دى روم بالمره .. واكبتو ورا على العربيه
ربنا يحميكى من الميكانيكى

اقتباس:

---

المشاركة الأصلية كتبت بواسطة kasten

هههههههههه
فرقتو ايه عن السواقين وبتوع التكاتك والميكروباصات كده ؟؟
طب ما تجيبو سى دى روم بالمره .. واكبتو ورا على العربيه
ربنا يحميكى من الميكانيكى

---

ميرسى جدا لذوق حضرتك احمنا مضربناش حد على ايدية علشان يعمل كدة احنا بنعرض افكارنا اللى تعجبة يعملها واللى متعجبوش ياريت يوفر رائية لنفسة وبعدين سواقين الميكروباص دول بردوا بنى أدمين يعنى مش جايين من كوكب تانى ولا بيمشوا على اربع رجلين
وعموما شرفتنا فى موضوعنا المتواضع ومستنين اراء خبراء الصوتيات

طيب ايه اللي بيتعمل عشان اعرف اشغلوا علي 12 فولت
وبجد فكره تحفه

اقتباس:

---

المشاركة الأصلية كتبت بواسطة bazed2006

ميرسى جدا لذوق حضرتك احمنا مضربناش حد على ايدية علشان يعمل كدة احنا بنعرض افكارنا اللى تعجبة يعملها واللى متعجبوش ياريت يوفر رائية لنفسة وبعدين سواقين الميكروباص دول بردوا بنى أدمين يعنى مش جايين من كوكب تانى ولا بيمشوا على اربع رجلين
وعموما شرفتنا فى موضوعنا المتواضع ومستنين اراء خبراء الصوتيات

---

انا مقولتش حاجه عن سواقين الميكروباص .. بس انت راكب ملاكى المفروض يعنى
وعموما ربنا يوفقكم وكل واحد حر فى عربيته فعلا

فكره حلوة الى الامام يارجال

اقتباس:

---

المشاركة الأصلية كتبت بواسطة kasten

هههههههههه
فرقتو ايه عن السواقين وبتوع التكاتك والميكروباصات كده ؟؟
طب ما تجيبو سى دى روم بالمره .. واكبتو ورا على العربيه
ربنا يحميكى من الميكانيكى

---

يا باشا فى ملاكي مركب سي دي روم كمان

الفكره ان كل واحد بيصرف على قد ما هو محدد، يعنى مثلا فى واحد محدد 400 جنيه لليله كلها، يا اما يجيب حاجه تعبانه جدا سي دي وسماعات رايحه فى داهيه يا اما يظبت نفسه بالفلوس القليله دي واقصى امتاع ممكن

السماعات دي بالصب ب 200 او قريب لكده، المقابل سماعات وجي ام وصب باكتر من 1000 جنيه ... طبعا انا معاك فى فرق فى الصوت، بس برده فى فرق فى الفلوس

فكره كويسه قوى

فكرة حلوة بس مش عملية..لأن طقم صوت العربيات المفروض فيه مقاومة للصدمات وتحمل للظروف الجوية الصعبة مثل الحرارة الشديدة..وده مش متوافر في طقم الصوت المقترح في الموضوع على الرغم من وجاهة الفكرة

فكره حلوه أنا كنت عاملها والصوت كان طالع حلو جوه العربيه إنما متنتظرش صوت يطلع بره العربيه خاااااااالص أو هتسمع حاجه كأنك مشغل سماعات هيد فون وقابلنى عيب آخر إن الصب مالوش مكان جوه العربيه فكان محطوط كده على الأرض وطريقة التوصيل سهله كيك الصب الكريتيف بييجى معاه الأدابتور خارج الصب هتقص السلك وتركن الأدابتور على جنب وتخلى الجاك بتاعه وتوصله ب البطاريه أو ممكن تشترى أدابتور ب 7 جنيه وتقص الجاك بتاعه وتركبه فى الصب علشان متبوظش الأدابتور وياريت تركبله فيوز متوصلوش بالبطاريه على طول علشان الصب بيتحرق واللى أحسن من الحوار علشان مايحصلش كعبله فى محول بيتباع فى كارفور أو ميركاتوا أو أى كهربائى كبير أو تكنولوجى مول بياخود من الولاعه بتاعت العربيه وبيديك 220 فولت على طول وريح دماغك وده أنضف من حوار السلك من البطاريه

100 100 عليك يا wasta ربنا يخليك لينا :F_eyeb1[1]:

ويارب تنفع الفكرة الجامدة دى ونقدر ننافس الاخرون :3mla:

الله يخليك يا نجوم أنا فى الخدمه :033102bigblink_1_pr

فكره حلوة

بالنسبه للصب ممكن يتعمله كيت خشب أو فايبر و يبقي في شنطة العربيه هيبقى شكله شيك خاصة انه مش هيبان منه غير مخرج الصوت

والأربع سماعات ممكن برده يتظبط ل إتنين منهم تقفيله فايبر في رف السماعات الخلفي و برده ميكونش ظاهر منهم غير مخرج الصوت بس و الإتنين التانيين يتثبتوا تحت الكرسي الأمامي
بس أهم حاجه تصميم كيت الفايبر للصب و للسماعات الخلفيه يبقى من خامات نظيفة و تفنيشه حلو

مشكوووووور والله يعطيك الف عافيه

فكرة جميلة وحل سريع ورخيص خصوصا لما يكون الصب كريتف لأن بيشتغل 12 فولت على طول

طب لو عندك صب فانتوم كبير بس بفيشة كهربا ممكن احولة ازاى

بص يا أستاذ يحيا قطب معظم أو كل صب كمبيوتر أو سماعات أساسا هوه بياخود 12 فولت بس فى محول جوه بيخفض من 220 ل 12 فولت بس هوه علشان فى المنزل عاملينلوا المحول ده والمحول ده موجود جوه الصب هتفك الصب هتلاقى المحول ده والسلك بتاع الفيشه واصل فيه من ناحيه ديه اللى بتاخود ال 220 والناحيه التانيه فيها سلكتين دول تقطعهم وتوصلهم ببطارية العربيه بس طبعا مش هيشتغل بنفس الكفاءة علشان 1- التردد بتاع البيت فى الكهرباء مستمر إنما بطاريت العربيه متردد 2- الإمب ثرى أو الإمب فور الخارجى بتاعه أضعف من كارت الصوت بتاع الكمبيوتر وياريت تعمله فيوز علشان ماتحرقش الصب والأحسن والأنضف إنك تركب محول فى العربيه بيشتغل على الولاعه ده بيديك 220 فولت كأنك قاعد فى البيت وفى حل تانى إن لو إنت لسه مشتريتش الصب ده فى صبات بتاعت كمبيوتر بتتباع فى العتبه بتشتغل على بطارية العربيه على طول منغير أى حوار بس هيه عيبها إنها كبيره شويه لازم تتحط فى شنطة العربية

ياريت حد يجرب ويقيملنا النتيجة علشان الكل يستفيد

هو فى حل بديل وانا شايف انه افضل
كاسيت سياره ماركة (dst) ب220جنيه بيشتغل بكارت ميمورى
او فلاشه وصوته هاى باور مخرج ل4 سماعت 50وات
وتجيب 4 سماعات صينى محترمين ب120جنيه
يبقى التكلفه كلها 340جنيه فقط واسمه كاسيت عربيه برضه
وعلى فكره انا جربته وصوته ممتاز
ومعاه ضمان (14)شهر

اقتباس:

---

المشاركة الأصلية كتبت بواسطة wasta

بص يا أستاذ يحيا قطب معظم أو كل صب كمبيوتر أو سماعات أساسا هوه بياخود 12 فولت بس فى محول جوه بيخفض من 220 ل 12 فولت بس هوه علشان فى المنزل عاملينلوا المحول ده والمحول ده موجود جوه الصب هتفك الصب هتلاقى المحول ده والسلك بتاع الفيشه واصل فيه من ناحيه ديه اللى بتاخود ال 220 والناحيه التانيه فيها سلكتين دول تقطعهم وتوصلهم ببطارية العربيه بس طبعا مش هيشتغل بنفس الكفاءة علشان 1- التردد بتاع البيت فى الكهرباء مستمر إنما بطاريت العربيه متردد 2- الإمب ثرى أو الإمب فور الخارجى بتاعه أضعف من كارت الصوت بتاع الكمبيوتر وياريت تعمله فيوز علشان ماتحرقش الصب والأحسن والأنضف إنك تركب محول فى العربيه بيشتغل على الولاعه ده بيديك 220 فولت كأنك قاعد فى البيت وفى حل تانى إن لو إنت لسه مشتريتش الصب ده فى صبات بتاعت كمبيوتر بتتباع فى العتبه بتشتغل على بطارية العربيه على طول منغير أى حوار بس هيه عيبها إنها كبيره شويه لازم تتحط فى شنطة العربية

---

هو انا عندى الصب وحجموكبير بس خايف اشترى المحول الى حضرتك بتقول علية يكون خارجة مش كويس فيعمل زنة فى الصب لو التردد بتاعو ضعيف وابقى دفعت فلوسة على الفاضى
ولو كدا يبقى كمان ممكن اوصلة على الrca بتاع كاسيت العربية ويشغل السماعات بتاعة العربية كمان من خلال الصب
ياريت لو الى انا بقولة ممكن حد يقولى مظبوط ولا لا

اقتباس:

---

المشاركة الأصلية كتبت بواسطة pop3

بالنسبه للصب ممكن يتعمله كيت خشب أو فايبر و يبقي في شنطة العربيه هيبقى شكله شيك خاصة انه مش هيبان منه غير مخرج الصوت

والأربع سماعات ممكن برده يتظبط ل إتنين منهم تقفيله فايبر في رف السماعات الخلفي و برده ميكونش ظاهر منهم غير مخرج الصوت بس و الإتنين التانيين يتثبتوا تحت الكرسي الأمامي
بس أهم حاجه تصميم كيت الفايبر للصب و للسماعات الخلفيه يبقى من خامات نظيفة و تفنيشه حلو

---

يا باشا الصب ده عندى و فكيته حتة حتة

اولا السماعات ممكن تتثبت فى الرف اللى وراء , ازاى سماعات الكرييتف ليها شفاتين و ما بينهم فاضى

ولما تفك مسامير السماعة من وراء الشفاتين دول بيبعدوا عن بعض لحد ما ينفصلوا فى حالة خلع

جميع المسامير و بكده ممكن تقطع قد مكانهم فى الرف

ثانيا الصب السماعة بتتفك من قدام و البوردة اللى وراء بتتفك ب 4 مسامير و بكده ممكن تاخد سماعة

الصب و تركبها فى الرف او تسيب الصب زى ما هو

و انا وصلت على الصب اكتر من مرة اكتر من كاسيت بتوع عربية بس فى البيت ولاحظت انا الصوت حلو

بس مش بقوة كارت الصوت بتاع الكمبيوتر