الحداية مبترميش كتاكيت !!!!
أنا مواطن مصري ، موظف بيحصلي الآتي:
1- بتتخصم مني الضرائب (نقول 10%) قيل ما امسك الفلوس في إيدي
2- لو أكلت في مطعم بادفع أكثر من 20% ضريبة
3- لو اشتريت عربية بادفع 130% ضريبة و جمرك
4- لو اشتريت عقار بادفع ضريبة تصرف عقاري
5- لو بعت العقار بادفع ضريبة تصرف عقاري
6- لو سبت العقار بادفع ضريبة عقارية
7- لو ورثت بيظبطولي الميراث و ياخدوا نسبة
8- و لو مت بياخدوا نسبة عشان عيالي ياخدوا فلوسهم
9- لو اشتريت حاجة بيبقي سعرها متحمل بالضرايب
10- كل كام سنة باعمل إقرار ذمة مالية أحسن أكون هربان من الضرايب
11- لو سافرت بره و اشتغلت بادفع هنا برضه ضرايب
12- و لو عيالي رجعوا عشان يدخلو جامعه بيدفعوا مصاريف زيادة (أكثر من الضعف) عشان جايين من بره
13- لو اشتريت خط محمول يطلع الخط الـ UNLIMITED في سياسة الإستخدام العادل و طلع lIMITED.
14- لو صدقت عرض المصرية للإتصالات بتاع أي محمول بـ 15 قرش يطلع العرض لمدة شهر بس
أنا مش قادر أكمل ، كملوا إنتوا . . . .
طيب أصدق مين . . . ، و الثقة تيجي منين
طيب أهاجر
. .
.
أموت
ماذا تفعل لو كنت مكاني ، مع إن إنت مكاني !!!!!!
يا رب