استفسار بخصوص الضريبة على الدخل من المنبع

ازيكم يا جماعة
مش عارف هل حتكون عندكم فكرة ولا لا بس عندى استفسار فى موضوع الضرائب

اعمل فى وظيفة شبه حكومية وطبعا تخصم الضريبة من المنبع
وفى نفس الوقت فاقوم بتقديم بعض الدورات التدريبية فى وقت الفراغ
وعندما احصل على العائد الخاص بى من الدورة يتم خصم من 10%- 20% من الدخل من المنبع

فهل فى هذه الحال هل انا مطالب بتقديم اى اقرارات ضريبية؟

البعض قال لى ان المصلحة يمكن ان تقول انك اعطيت كورس وحصلت على الف جنيه مثلا ويفترضوا انى بدرس عشر كورسات فى الشهر ويحاسبونى عليه؟ هل ده صحيح ولا مدام بيتخصم من المنبع خلاص مش مطالب اعمل اى حاجة

واخيرا هى نسبة الضريبة فى الحالة دى كام (10% ولا 20% ولا حسب المبلغ؟) لانى كل مرة الاقيها مختلفة

وشكرا لكم

1/2% على السلع و البضائع
2% على الخدمات ( الي انت بتعمله ) يعني المفروض يتخصم عليك 2% بس
5% على الاستشارات
و انت المفروض بتاخد أشعار خصم بالمبالغ الي اتخصمت دي و يكون مختوم بختم الشركة الي خصمت

شكرا يا ابو اسرعلى ردك
بس ساعات بيتخصم منى لغاية 20% وهى جهة حكومية فمش حيسرقونى اعتقد...بس ياترى لازم اقدم اى نوع من الاقرارات

اقتباس:

---

بس ساعات بيتخصم منى لغاية 20% وهى جهة حكومية فمش حيسرقونى اعتقد...بس ياترى لازم اقدم اى نوع من الاقرارات

---

بص انا الي اعرفه عن نسب الخصم هو الي انا كتبته
و بصراحة مش بحب افتي
فا مش عارف في اي اقرار انت حتقدمه و لا لاء
هو المفروض في اقرار لضريبة الدخل
بس مش عارف حالتك دي يترتب عليها الكلام ده و لا لاء

خد المنتدى ده و اكيد هتلاقي حد يجاوبك بالمفيد
JPS Accountants Directory

اقتباس:

---

المشاركة الأصلية كتبت بواسطة ahmed4000

ازيكم يا جماعة
مش عارف هل حتكون عندكم فكرة ولا لا بس عندى استفسار فى موضوع الضرائب

اعمل فى وظيفة شبه حكومية وطبعا تخصم الضريبة من المنبع
وفى نفس الوقت فاقوم بتقديم بعض الدورات التدريبية فى وقت الفراغ
وعندما احصل على العائد الخاص بى من الدورة يتم خصم من 10%- 20% من الدخل من المنبع

فهل فى هذه الحال هل انا مطالب بتقديم اى اقرارات ضريبية؟

البعض قال لى ان المصلحة يمكن ان تقول انك اعطيت كورس وحصلت على الف جنيه مثلا ويفترضوا انى بدرس عشر كورسات فى الشهر ويحاسبونى عليه؟ هل ده صحيح ولا مدام بيتخصم من المنبع خلاص مش مطالب اعمل اى حاجة

واخيرا هى نسبة الضريبة فى الحالة دى كام (10% ولا 20% ولا حسب المبلغ؟) لانى كل مرة الاقيها مختلفة

وشكرا لكم

---

السلام عليكم ورحمة الله وبركاته أخى الكريم الموضوع بسيط وما فيهوش تعقيد ولا حاجة بالنسبة لشغلك الحكومى فالمكان اللى حضرتك شغال فيه هو الملتزم انه يخصم الضريبة من مرتبك و يسددها عنك للضرايب ودى اسمها ضريبة كسب العمل أو ضريبة الدخل فبكدا طالما شغلك بيخصم الضريبة ويسددها فانت مش محتاج انك تقدم إقرار وبالنسبة لشغلك التانى لو الشغل برده بيخصم منك الضرايب ويسددها للمصلحة فأنت مش مطالب بتقديم إى إقرارات إلا لو انت بتمارس نشاط تجارى أو صناعى وا حدش بيقدر يحدد دخلك منه إلا انت فانت هنا ملتزم بتقديم الإقرار أو لو عندك أى مصدر دخل تانى غير الشغل الحكومى و مكان الكورسات وانت مش معرف الضرايب وموضوع النسبة ده بيختلف حسب المبلغ الخاضع للضريبة وانا هحاول اقولهالك ببساطة عشان ما ادخلكش فى حوارات معقدة
المفروض انك بتاخد اعفاء سنوى 9000 ج من الإيراد بتاعك وبيتخصم التأمينات الإجتماعية اللى بتسددها للحكومة ما زاد عن كده
لو فى حدود من 1 جنيه حتى 5000 لا يخضع للضريبة
من 5001 حتى 20000 ج يخضع بنسبة 10 %
من 20001 حتى 40000 يخضع بنسبة 15%
لأكتر من 40000 يخضع بنسبة 20%
وطبعا عشان ما يبقاش فى لبس فى الموضوع فالمبالغ دى سنوية يعنى صافى دخلك فى السنة بعد خصم الإعفاء 9000 سنويا وحصتك فى اقساط التأمينات فى السنة واللى يفيض من اجمالى دخلك السنوى تحسبه على النسب اللى فاتت
أتمنى اكون قدرت اوضح الموضوع بشكل مبسط ولو فى أى استفسار انا فى خدمتك

اقتباس:

---

المشاركة الأصلية كتبت بواسطة أبـو آســـــر

1/2% على السلع و البضائع
2% على الخدمات ( الي انت بتعمله ) يعني المفروض يتخصم عليك 2% بس
5% على الاستشارات
و انت المفروض بتاخد أشعار خصم بالمبالغ الي اتخصمت دي و يكون مختوم بختم الشركة الي خصمت

---

اسمحلى أوضح نقطة صغيرة لحضرتك وأقولك أن النسب اللى حضرتك ذكرتها دى تخص ضريبة الخصم والإضافة مش ضريبة كسب العمل اللى الأخ العزيز كان بيسأل عليها هما الإتنين ضرائب خصم من المنبع لكن دى تخص حاجة ودى تخص حاجة تانية خالص

اقتباس:

---

عمل فى وظيفة شبه حكومية وطبعا تخصم الضريبة من المنبع

---

هو ذكر انها ضريبة خصم من المنبع
و هي بالنسبة للجهة الخاصمة لهدذه الضريبة هي ضريبة خصم و اضافة ( اي ان الخصم و الاضافة و الخصم من المنبع هي ضريبة واحدة)
تكون خصم من المنبع للجانب المدين و خصم و اضافة للجانب الدائن

اقتباس:

---

المشاركة الأصلية كتبت بواسطة أبـو آســـــر

هو ذكر انها ضريبة خصم من المنبع
و هي بالنسبة للجهة الخاصمة لهدذه الضريبة هي ضريبة خصم و اضافة ( اي ان الخصم و الاضافة و الخصم من المنبع هي ضريبة واحدة)
تكون خصم من المنبع للجانب المدين و خصم و اضافة للجانب الدائن

---

أخى العزيز انا اخدت بالى كويس من اللى الأخ العزيز كتبه وكمان تعليق حضرتك هو بيتكلم على اقرار ضريبة الدخل وإذا كان مطالب انه يقدم إقرار وذكر إن الجهة اللى هو شغال فيها بتخصم منه الضريبة بإنتظام الضريبة اللى بتتخصم منك ومنه ومنى كل شهر وبتدفع للحكومة بتتصنف انها ضمن ضرائب الخصم من المنبع لأن سيادتك بيوصلك فى ايدك الصافى بتاعك وما بتكونش مطالب انك تدفع منه حاجة تانية لأن الجهة اللى انت شغال فيها بتخصم من المنبع ضريبة كسب العمل وبتسددها هى للحكومة أما الضريبة التانية اللى حضرتك ذكرت نسبها فدى برده ضريبة بتتصنف على انها ضريبة خصم من المنبع لكنها غير ضريبة المرتبات وانا مش عايز ادخلكم فى تفصيلات محاسبية بس هقول مثال صغير عشان اوضح الموضوع شوية
لو انا شركة بتشتغل فى مجال الإستثمارات العقارية والسياحية وعنى موظفين بياخدو مرتبات وعندى ناس شغالة فى التسويق بتاخد عمولات على اى بيعة بتتباع الموظفين انا بخصم منهم كل شهر ضرايب كسب عمل و بديلهم صافى المرتب بتاعهم وبكده بكون خصمت من المنبع واللى بيشتغل بالعمولة بخصم منه على كل بيعة 5% ضريبة خصم واضافة واورها باسمه فى مصلحة الضرايب وعليه هو انه يروح امصحلة يسدد باقى ربط الضريبة لأنه اساسا المفروض هو بيسدد 20% انا بخصم 5% واوردهمله وهو يسدد ال 15 % الباقيين أسف إذا كنت طولت لكن انا حاولت اوضح الموضوع بشكل مبسط لأن الحمد لله احنا اكتر بلد فى الدنيا عندها ضرايب

اقتباس:

---

اعمل فى وظيفة شبه حكومية وطبعا تخصم الضريبة من المنبع
وفى نفس الوقت فاقوم بتقديم بعض الدورات التدريبية فى وقت الفراغ
وعندما احصل على العائد الخاص بى من الدورة يتم خصم من 10%- 20% من الدخل من المنبع

---

شكراً لردك و اهتمامك
هو واضح ان انا فهمت غلط
انا اعتقدت انه بيتكلم على ضريبة الخصم من المنبع عن الدورات الي هو بيعملها ( بأعتبارها خدمات )