ازاي اعرف ان المساعدين بايظة او عايزة تتغير

عرض للطباعة

09-12-2009, 01:12 PM
mummy_47

ازاي اعرف ان المساعدين بايظة او عايزة تتغير

انا اسلت نفسي السؤال ده لاني ملقيتش في جدول الصيانة للنوبيرا اي حاجة مذكورة عن صيانه العفشة للسيارة...هو مش الصح ان العفشة بيكون ليها ميعاد تغيير ..ولا بتتغير لما تبوظ..طيب انا ازاي انها باظت..مع ملاحظة جهلي بالميكانيكا وخلافه...يعني مثلا انا عرفت من الزملاء في هذا المنتدى الرائع اني لما اسمع صوت تزييق يبقى جلود المقصات عايزة تتغير ..وفعلا عملت كده...طيب ماذا عن باقي العفشة..يعني ازاي اعرف ان.
المساعدين بايظة مع العلم اني لما بدوس عليهم بيبقوا ناشفين جدا جدا..على عكس الخلفي بيبقوا طراي شوية....كمان انا سمعت حاجة اسمها (بلي عحل امامي) مش فاهم هي ايه...فياريت حد يتبرع ويقولنا اعراض تلف اجزاء العشة المختلفة بالنسبة للنوبيرا من الاخوة المستشاريين واعضاء المنتدى الكرام ...الذي استفدت منه اكبر استفادة...لاني رايح اعمل الصيانة وكنت عايز اغير عفشة كاملة يعني طقم مساعدين منرو+مقصات اسباني+طنابير sk الماني لان مفيش بريمبو(مش موجوده من سنه-كلام ابو الحسن) للاسف...وطبعا ده خلاف الصيانه المعتادة للا 40 الف فالتكلفة هتكون كبيرة جدا وانا مستحرم الصراحة وعايز نصيحتكم....

واسف للاطالة
مع خالص شكري
09-12-2009, 01:14 PM
AHMEDCAR

تعالى نحيه المساعد اللى انت شاكك فيه و هز العربيه من اعلى للاسفل و سيبها مره واحده لو توقفت بعديها يبقى المساعد كويس لكن لو فضلت تتهز فتره يبقى المساعد خفيف
09-12-2009, 01:26 PM
mummy_47

اقتباس:

المشاركة الأصلية كتبت بواسطة ahmedcar

تعالى نحيه المساعد اللى انت شاكك فيه و هز العربيه من اعلى للاسفل و سيبها مره واحده لو توقفت بعديها يبقى المساعد كويس لكن لو فضلت تتهز فتره يبقى المساعد خفيف

اشكرك جدا ...انا هجرب اللي حضرتك قولت عليه...
09-12-2009, 10:33 PM
A.Saad

انت بتضغط بايدك عليها من عند الطرف
لحد ماتنزل وتشوف الرد بتاعها ازاى
زى ما ابو حميد قال
10-12-2009, 12:28 AM
abo_lamar

طيب انا مغير المساعدين من حوالي 4 شهور( لانوس 2000) بس دلوقتي حاسس بصوت خبطه جامدة جايه من وراء لما باخد مطب أو بمعنى تاني بحس بحديد بيخبط في بعضه بعكس لما ركبي عربية موديل 2008 برضه لانوس كنت مش بسمع صوت خالص لنا العربية بتاخد مطب .
10-12-2009, 01:17 AM
khalid9411

خليه يتاكد من تركيبهم كويس وانهم مش بيحكوا فى شئ ويتاكد من ثبوت الياى كويس وتربيطهم ما هو التخبيط مش هيجى الا من المساعدين مع الياى والصاج وننتظر رائ مهندسينا الكبار
10-12-2009, 09:13 AM
memoo305

اقتباس:

المشاركة الأصلية كتبت بواسطة mummy_47

المساعدين بايظة مع العلم اني لما بدوس عليهم بيبقوا ناشفين جدا جدا..على عكس الخلفي بيبقوا طراي شوية........

خالي بالك مش شرط المساعدين البايظين بيقوا خفاف (لما تضغط علية وتسيبة تلاقية بيروح ويجي) .ممكن يكون المساعدين محجرين أن ناشفين قوي ولما تأخد المطب تلاقية بيرزع في العربية قوي.وفي الحالين يبق مفروض تغيرهم.
على العموم الفيصل في الموضوع عفشجي يكون أمين
10-12-2009, 09:19 AM
mummy_47

اقتباس:

المشاركة الأصلية كتبت بواسطة elakawy

طيب انا مغير المساعدين من حوالي 4 شهور( لانوس 2000) بس دلوقتي حاسس بصوت خبطه جامدة جايه من وراء لما باخد مطب أو بمعنى تاني بحس بحديد بيخبط في بعضه بعكس لما ركبي عربية موديل 2008 برضه لانوس كنت مش بسمع صوت خالص لنا العربية بتاخد مطب .

طيب حضرتك ركبت مساعدين نوعهم ايه....ويا ترى حد جرب مساعدين منرو

مع خالص شكري