المشاركة الأصلية كتبت بواسطة northernstar
العربية 2010 الريموت فيه زرارين واحد قفل والتاني فتح ,العربية فيه ا أنذار وممكن تتأكد من وجود الهورن جنب مكان زيت الفرامل , وممكن تدوس علي زرار القفل دوسة طوييلة فيشتغل الأنذار وديه طريقة ممكن تعرف بيه مكان العربية لو راكن في حتة زحمة .
الأ نذار مش بيقفل لوحده ألا في حالتين واحدة انك تفتح بالريموت ومتفتحش أي باب من الابواب الأربعة , في الحالة ديه الأنذار بيقفل العربية بعد 30 ثانية , اما لو نزلت من العربية ومقفلتش فالعربية حتديك فلاشر بالأنتظار 3 مرات , الحالة التانية أنك تركب وتدور العربية وتدوس فرامل فده بيقفل السنتر اتوماتيكا .
الأنذار حساس وحساسيته ممكن توصل لدرجة انه لو عربية تانية عدت بس جنبها الأنذار يشتغل
ممكن تتحكم في حساسية الأنذار من زرار في علبة السنتر تحت عجلة القيادة عامل زي زرار ضبط الساعة والوسط أفضل شئ عشان متصدعش .
الكرس مش بيتغير كأرتفاع بس عجلة القيادة بيتغير أرتفاعها