ممكن حد يقولي اصلح الخبطة دي فين وازاي وبكام؟

السلام عليكم جميعاً ياآل نايل موتورز الكرام :Ob_mak1[1]:
طبعا استكمالاً لمسلسل الخبطات والحوادث اللي عربيتي النيو اكسنت حبيبة قلب ماما :36_1_35[2]: بتلعب دور البطولة فيه :dzey:
النهاردة عايزة اخد رأيكو في خبطة حصلتلي من فترة كدة ومرضيتش اعملها ولا احكيلكوا عليها لإني خلاص يئست واتعودت اني اتخبط كل شهر :rfds: فمحبتش ادوشكوا معايا :11:
بس للأسف لاقيت انها مع الوقت ابتدت تكون طبقة صدا خفيفة فخفت لو سبتها اكتر من كدة الوضع يتفاقم وتعمل بارومة مثلا ولا حاجة فقلت ادوشكوا بقي وأمرى لله:shyy: .
الخبطة بإختصار جت في العتب والباب الشمال بتاع السواق من تحت :120146b
وكانت بسبب حجر او بمعنى أصح حجرين كبار من بتوع الرصيف اللي الناس المؤذية اللي منهم لله واللي حسبي الله ونعم الوكيل فيهم :fdsa: بيحطوها عشان يحجزوا بيها مكان لعربياتهم قدام البيوت :majd(4):والمشكلة انهم محطوطين في شارع جانبي مبعديش فيه كتير بس حظي اني عديت فيه يومين ورا بعض بس في اليوم اللي قبل الخبطة كان في عربية مركونة والدنيا بيييس :36_1_58[1]: فمكنتش مدية خوانة يعني وداخلة الشارع عادي جدا :B4_048:، و اذ بي افاجئ بخبطة رهيبة وصوت مُدوّي قمت وقفت العربية ونزلت اشوف في ايه :majd(4): لاقيتهم زراعين حجرين ويمكن تلاتة كمان في نص الشارع ومفيش حد سايق بياخد باله منهم لإنهم مش في مرمى بصر السائق تماماً وكمان نص الحجر مغروز في الأرض فمش باينين تماماً :B4_556: طبعا مبقتش عارفة اقول ايه ولا أعمل ايه بس اتحسبنت ومشيت :H_angry[1]:.
المهم دلوقتي الخبطة شديدة زي ماهو واضح في الصور :stink[1]: وهاتحتاج سمكرة ورش للعتب كله والباب مش عارفة بيترش كله ولا لحد الباكتات الجانبية بس ماعلينا.

http://www.up-00.com/h1files/pME66600.jpg

http://www.up-00.com/h1files/AKY66600.jpg

http://www.up-00.com/h1files/nVv67001.jpg

http://www.up-00.com/h1files/pRk67001.jpg

وفي كمان حكة لذيذة كدة في الرفرف الشمال ورا بسبب عربية نص نقل كان واقفة في مدخل شارع والمكان أصلاً ضيق جدا وكنت مستعجلة وللأسف كان لازم عشان اعدي اضحي يإما اخبط العربية من قدام في حجر في الأرض يإما تتحك من الجنب في النص النقل الحيوانة اللي كانت واقفة في المكان الغبي ده :fdsa:.
بصوا عليها برده وقولولي اعمل ايه فيهم وبكام .

http://www.up-00.com/h1files/53M67001.jpg

http://www.up-00.com/h1files/Gue67133.jpg

في نقطة كمان اني اتصلت بالتوكيل عشان احاول اشتري اللون بتاع العربية اللي بيرشوا بيها عشان يطلع نفس الدرجة وميكونش مختلف في الشمس بس قالولي انهم مش بيبعوه لإنهم بيستخدموه في الرش
فهل هالاقي نفس الدرجة دي عند السمكري ولا هايخلط هو اللون بالرقم بتاعه وانا وحظي بقي يطلع افتح سنة ولا اغمق سنة ولا إيه.
كمان مش هاينفع اعملها على حساب التأمين لإني كلفتهم في خلال 3 شهور من عمل الوثيقة حادثتين بإجمالي حوالي 7 الاف جنيه دفعوا منهم 5,500 جنيه وانا اتحملت الباقي فمندوب التأمين لما كلمته اصلا كلمني بسخافة وقالي مينفعش وكدة عشان ممكن لو صلحتي دي على حساب التأمين (مش بس مش هايرضوا يجددولك السنة الجاية ) لأك كمان بعد مايعملوها ممكن يبعتولك جواب لإلغاء الوثيقة قبل معاد انتهائها بحجة اني عميل سيئ وحاول يقنعني ان البند ده موجود في الوثيقة وقاللي طالما بسيطة اعمليها على حسابك بقي :H_angry[1]:
فمضطرة دلوقتي اعملها كلها على حسابي بره :stink[1]:
في سمكري انا بتعامل معاه في المنطقة الصناعية في مدينة نصر قاللي هاتيها وهاتاخد يومين يوم سمكرة وفيلر وتاني يوم دوكو هو راجل كويس ومحترم لكني معرفش بالنسبة لرش الدوكو ونفس اللون هايكون الموقف ايه لإني جربته في عربيتي القديمة وعملها كويس (بس هي كانت قديمة ومكنتش فارقة معايا اوي تطلع Perfect يعني) بس خايفة اغامر بالعربية الجديدة بقي.
كمان روحت مركز خدمة معتمد من هيونداي بص عليها وقاللي هاتتكلف في حدود الف جنيه (وكده يعتبر كارمني كمان :O_stupid[1]: ) ولما قلتله طب لو سمكرتها بره ورشيتها عندك (على اساس انه يقدر يجيب درجة اللون نفسه من التوكيل) قاللي رش بس هايكون 600 جنيه :8954[1]: (مرضيتش اقولك 750) لأن القطعة عندي اقل سعر للرش 300 جنيه (مع انها في التوكيل بـ 275 جنيه) ودول 3 قطع عتب وباب ورفرف.
وقال هاتاخد 3 ايام وقت

دلوقتي قولولي اقتراحاتكم بقي اعمل ايه ؟

معلش هاتعبكوا معايا بقي بس اعمل ايه ماليش خبرة :stink[1]:

معلش يامان قدر الله ومشاء فعل كويس تلحقها قبل الصدا
بص ياسيدى الفاضل فى سمكريه بتفتح تحت العتب من اسفل العربيه فتحه صغيره وترد بيها الخبطه دى وفى منهم كتير فى الحرفيين
بالنسبه للون هيجى عن طريق الرقم بالكمبيوتر فى محل نظيف وان كان برضوا هيحتاج يتظبط شويه علشان اكيد الشمس والجو غيروا شويه فى لونها الاصل

انتى ساكنة فين يا رانا

سمكرى نظيف يرجعهالك زى الاول بالظبط ..

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

اقتباس:

---

المشاركة الأصلية كتبت بواسطة col. Eng. Khaled

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

---

انا فعلا كمان محتاج حد في القاهرة

اقتباس:

---

المشاركة الأصلية كتبت بواسطة lada2010

انتى ساكنة فين يا رانا

---

نواحي عين شمس كده :stink[1]:

اقتباس:

---

المشاركة الأصلية كتبت بواسطة ash_rsi

معلش يامان قدر الله ومشاء فعل كويس تلحقها قبل الصدا
بص ياسيدى الفاضل فى سمكريه بتفتح تحت العتب من اسفل العربيه فتحه صغيره وترد بيها الخبطه دى وفى منهم كتير فى الحرفيين
بالنسبه للون هيجى عن طريق الرقم بالكمبيوتر فى محل نظيف وان كان برضوا هيحتاج يتظبط شويه علشان اكيد الشمس والجو غيروا شويه فى لونها الاصل

---

ماهو في ناس قالتلي ببتصلح بطريقتين
يأما بيفتح العتب من جوه زي ماحضرتك قلت بس دي مفضلهاش عشان هاتعيب العربية
يأما بيسخن مسمار باين او بيكون عنده أداه شفط كده بتتلزق ويشد العتب لبره فيتفرد تاني وبعدين يسمكر بقي ويرش.
هي العربية لحقت تغير لونها دي مكملتش 4 شهور لسة؟
عموما ربنا يسهل والاقي حل قريب وميرسي على اهتمامك

اقتباس:

---

المشاركة الأصلية كتبت بواسطة col. Eng. Khaled

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

---

ربنا يخليك ياسيادة العقيد انا عارفة ان حضرتك شخص خدوم بس المشكلة اني بنت ومينفعش اسافر مخصوص لاسكندرية عشان اصلح العربية وكمان هاتاخدلها يومين تلاتة شغل فهايكون صعب.
عموما ربنا يسهل ونلاقي حل كويس في القاهرة.
وميرسي على اهتمام حضرتك جداً

ربنا يكون فى عونك شكل العربية واخدة عين جامدة شوية قدر ولطف اهم حاجة تاخدى بالك و الاحسن وعن تجربة فى فيرنا فيفا روحى التوكيل افضلك ويبقى شغل انضف علشان متحسيش بفرق ملحوظ فى لون العربية باذن الله ترجع زى الاول واحسن

بسيطة مش صعبة خالص انت عيزة سمكرى كويس انا كان عندى نفس المشكلة وعملتها عند السمكرى بتاعى هو ايدة كويسة وبشتغل فى عربيات فخمة وهو قلى عملى عربيتى الاوبل وكمان عملنا عربيات كتير باسات وجتا وبيجو ونوبيرا بصراحة هو كويس فى سعرة وهو فى الاربعة ونص لو عيزة مكانة ابعتلك العنوان بالنمرة وبالنسبة للدوكو انتى بتجيبى ارقام اللون من جوة العربية فى رقم جوة العربية درجة اللون وتروحى تجيبى اللون بالكمبيوتر زى العربية تمام وممكن تجبية اسكنز كمان مش مطفى حسب الدوكو بتاع عربيتك بس انا عن نفسى معنديش بتاع دوكو كويس ورخيص قلى عندى غالى اوى بس نضيف منصحش حد بية فى ناس كتيرافضل منة انا عربيتى كان فيها شغل فى العتب واربع رفارف ووش العربية والرفرفين قلى قدام اتعدلو عشان جبت للعربية فونيس اسبورت خد منة 250 وكمان رشيت العربية سعتها 4 الرفارف والعتب بالكسدمات والمريات خد سعتها 500 والصورة فى التوقيع وربنا ميوريك عضم الاوبل عامل ازاى صعب جدا التشكيل فية من قوتة متعرفش تحرك سنتى متر واحد فية

ممكن تتعمل في الحرفييين طالما حضرتك قريبه منهم بس بلاش ترشي الباب او نص الباب علشان كده كده اللون هايفرق مهما قالوا ممكن ترشي العتب بس و خلاص و الحته اللي في الباب تستعدل و تتساب كده او تتاخد بقطنه من نفس اللون اللي هايترش بيه العتب اصلها حته صغيره اوي و مش هاتبان و طالما حضرتك مجربه السمكري اللي جنبك يبقي هو احسن من غيره بس بلاش ييجي جنب الباب هو يرش العتبه كلها و بس
و ممكن حل اظرف حضرتك ممكن تمشي بيها كده شويه اهي حاجه تاخد العين و كل ماحد ييجي يباركلك علي العربيه تقوليلي شوفت ليسه مخبوطه من عيون الناس بقي:H_angry[1]: و كده

اية دة العربية اتخبطت تانى :( :(

ما دام شركة التأمين بتنح تناحة بتناحة ما تعمليها فى التوكيل على حساب شركة التأمين وساعة لما تيجى تجددى رخصة العربية ابقا غيرى شركة التأمين

بسيطه دي ولا يهمك شوفي حد كويس وشاطر يعملها بس يا ريت ياشباب تقولو تروح فين بزبط ف مكان قريب

اقتباس:

---

المشاركة الأصلية كتبت بواسطة r a n a

السلام عليكم جميعاً ياآل نايل موتورز الكرام :ob_mak1[1]:
طبعا استكمالاً لمسلسل الخبطات والحوادث اللي عربيتي النيو اكسنت حبيبة قلب ماما :36_1_35[2]: بتلعب دور البطولة فيه :dzey:
النهاردة عايزة اخد رأيكو في خبطة حصلتلي من فترة كدة ومرضيتش اعملها ولا احكيلكوا عليها لإني خلاص يئست واتعودت اني اتخبط كل شهر :rfds: فمحبتش ادوشكوا معايا :11:
بس للأسف لاقيت انها مع الوقت ابتدت تكون طبقة صدا خفيفة فخفت لو سبتها اكتر من كدة الوضع يتفاقم وتعمل بارومة مثلا ولا حاجة فقلت ادوشكوا بقي وأمرى لله:shyy: .
الخبطة بإختصار جت في العتب والباب الشمال بتاع السواق من تحت :120146b
وكانت بسبب حجر او بمعنى أصح حجرين كبار من بتوع الرصيف اللي الناس المؤذية اللي منهم لله واللي حسبي الله ونعم الوكيل فيهم :fdsa: بيحطوها عشان يحجزوا بيها مكان لعربياتهم قدام البيوت :majd(4):والمشكلة انهم محطوطين في شارع جانبي مبعديش فيه كتير بس حظي اني عديت فيه يومين ورا بعض بس في اليوم اللي قبل الخبطة كان في عربية مركونة والدنيا بيييس :36_1_58[1]: فمكنتش مدية خوانة يعني وداخلة الشارع عادي جدا :b4_048:، و اذ بي افاجئ بخبطة رهيبة وصوت مُدوّي قمت وقفت العربية ونزلت اشوف في ايه :majd(4): لاقيتهم زراعين حجرين ويمكن تلاتة كمان في نص الشارع ومفيش حد سايق بياخد باله منهم لإنهم مش في مرمى بصر السائق تماماً وكمان نص الحجر مغروز في الأرض فمش باينين تماماً :b4_556: طبعا مبقتش عارفة اقول ايه ولا أعمل ايه بس اتحسبنت ومشيت :h_angry[1]:.
المهم دلوقتي الخبطة شديدة زي ماهو واضح في الصور :stink[1]: وهاتحتاج سمكرة ورش للعتب كله والباب مش عارفة بيترش كله ولا لحد الباكتات الجانبية بس ماعلينا.

http://www.up-00.com/h1files/pme66600.jpg

http://www.up-00.com/h1files/aky66600.jpg

http://www.up-00.com/h1files/nvv67001.jpg

http://www.up-00.com/h1files/prk67001.jpg

وفي كمان حكة لذيذة كدة في الرفرف الشمال ورا بسبب عربية نص نقل كان واقفة في مدخل شارع والمكان أصلاً ضيق جدا وكنت مستعجلة وللأسف كان لازم عشان اعدي اضحي يإما اخبط العربية من قدام في حجر في الأرض يإما تتحك من الجنب في النص النقل الحيوانة اللي كانت واقفة في المكان الغبي ده :fdsa:.
بصوا عليها برده وقولولي اعمل ايه فيهم وبكام .

http://www.up-00.com/h1files/53m67001.jpg

http://www.up-00.com/h1files/gue67133.jpg

في نقطة كمان اني اتصلت بالتوكيل عشان احاول اشتري اللون بتاع العربية اللي بيرشوا بيها عشان يطلع نفس الدرجة وميكونش مختلف في الشمس بس قالولي انهم مش بيبعوه لإنهم بيستخدموه في الرش
فهل هالاقي نفس الدرجة دي عند السمكري ولا هايخلط هو اللون بالرقم بتاعه وانا وحظي بقي يطلع افتح سنة ولا اغمق سنة ولا إيه.
كمان مش هاينفع اعملها على حساب التأمين لإني كلفتهم في خلال 3 شهور من عمل الوثيقة حادثتين بإجمالي حوالي 7 الاف جنيه دفعوا منهم 5,500 جنيه وانا اتحملت الباقي فمندوب التأمين لما كلمته اصلا كلمني بسخافة وقالي مينفعش وكدة عشان ممكن لو صلحتي دي على حساب التأمين (مش بس مش هايرضوا يجددولك السنة الجاية ) لأك كمان بعد مايعملوها ممكن يبعتولك جواب لإلغاء الوثيقة قبل معاد انتهائها بحجة اني عميل سيئ وحاول يقنعني ان البند ده موجود في الوثيقة وقاللي طالما بسيطة اعمليها على حسابك بقي :h_angry[1]:
فمضطرة دلوقتي اعملها كلها على حسابي بره :stink[1]:
في سمكري انا بتعامل معاه في المنطقة الصناعية في مدينة نصر قاللي هاتيها وهاتاخد يومين يوم سمكرة وفيلر وتاني يوم دوكو هو راجل كويس ومحترم لكني معرفش بالنسبة لرش الدوكو ونفس اللون هايكون الموقف ايه لإني جربته في عربيتي القديمة وعملها كويس (بس هي كانت قديمة ومكنتش فارقة معايا اوي تطلع perfect يعني) بس خايفة اغامر بالعربية الجديدة بقي.
كمان روحت مركز خدمة معتمد من هيونداي بص عليها وقاللي هاتتكلف في حدود الف جنيه (وكده يعتبر كارمني كمان :o_stupid[1]: ) ولما قلتله طب لو سمكرتها بره ورشيتها عندك (على اساس انه يقدر يجيب درجة اللون نفسه من التوكيل) قاللي رش بس هايكون 600 جنيه :8954[1]: (مرضيتش اقولك 750) لأن القطعة عندي اقل سعر للرش 300 جنيه (مع انها في التوكيل بـ 275 جنيه) ودول 3 قطع عتب وباب ورفرف.
وقال هاتاخد 3 ايام وقت

دلوقتي قولولي اقتراحاتكم بقي اعمل ايه ؟

معلش هاتعبكوا معايا بقي بس اعمل ايه ماليش خبرة :stink[1]:

---

مش مستاهلة اوى انها تتعمل
مادام بتقولى كل شوية بتتخبط ريحى نفسك انتى فى مصر

0192266337]ده رقم سمكرى كويس فى الماظه هعملهالكويرجعها زى الجديده وربنا يوفقك اسمه محمد يسرى

اقتباس:

---

المشاركة الأصلية كتبت بواسطة ice_wolf

ربنا يكون فى عونك شكل العربية واخدة عين جامدة شوية قدر ولطف اهم حاجة تاخدى بالك و الاحسن وعن تجربة فى فيرنا فيفا روحى التوكيل افضلك ويبقى شغل انضف علشان متحسيش بفرق ملحوظ فى لون العربية باذن الله ترجع زى الاول واحسن

---

التوكيل قاللي سعر الرش للقطعة الواحدة 275 جنيه يعني لو هارش العتب والباب والرفرف هادفع 750 جنيه رش فقط؟
ده غير انه لما يشوف خبطة العتب ده هايقولي ميتصلحش ويتغير (التوكيل معروف بالحركة دي من تجربة سابقة في الحادثة اللي فاتت كان في خبطة تقيلة في الباب من تحت غيرلي الباب كله رغم اني صلحته بعد كدة بره واتصلح عادي) .
يعني الموضوع لو اتعمل في التوكيل هايتكلف مبلغ وقدره ده غير انها هاتاخد وقت طبعا اطول مش اقل من اسبوع مثلا.
وكمان شركة التأمين انا بصراحة خايفة احملهم الخبطة دي يلغولي الوثيقة لو البند ده موجود فعلا :B4_592:.

اقتباس:

---

المشاركة الأصلية كتبت بواسطة tamertamer

بسيطة مش صعبة خالص انت عيزة سمكرى كويس انا كان عندى نفس المشكلة وعملتها عند السمكرى بتاعى هو ايدة كويسة وبشتغل فى عربيات فخمة وهو قلى عملى عربيتى الاوبل وكمان عملنا عربيات كتير باسات وجتا وبيجو ونوبيرا بصراحة هو كويس فى سعرة وهو فى الاربعة ونص لو عيزة مكانة ابعتلك العنوان بالنمرة وبالنسبة للدوكو انتى بتجيبى ارقام اللون من جوة العربية فى رقم جوة العربية درجة اللون وتروحى تجيبى اللون بالكمبيوتر زى العربية تمام وممكن تجبية اسكنز كمان مش مطفى حسب الدوكو بتاع عربيتك بس انا عن نفسى معنديش بتاع دوكو كويس ورخيص قلى عندى غالى اوى بس نضيف منصحش حد بية فى ناس كتيرافضل منة انا عربيتى كان فيها شغل فى العتب واربع رفارف ووش العربية والرفرفين قلى قدام اتعدلو عشان جبت للعربية فونيس اسبورت خد منة 250 وكمان رشيت العربية سعتها 4 الرفارف والعتب بالكسدمات والمريات خد سعتها 500 والصورة فى التوقيع وربنا ميوريك عضم الاوبل عامل ازاى صعب جدا التشكيل فية من قوتة متعرفش تحرك سنتى متر واحد فية

---

معقول رش 4 رفارف وعتب واكصدمات ومرايات ب 500 جنيه بس؟ :girlsthink:
وده شغله كويس فعلا؟:U_thin1[1]:
عموما ابعتلي عنوان بتاع الدوكو ورقمه واشوف هايقول ايه
بس المهم يكون شغله مضمون عشان انا مسألة اللون دي بالنسبة ليا مهمة جدا جدا.
وبالنسبة للسمكري برده ابعتلي بياناته وانا اشوف برده.
وميرسي على اهتمام حضرتك جدا :satelite:

بسيطة إن شاء الله اللى اعرفه سمكري كويس في الماظه انما بتوع الدوكو بحالات مرة يطلع شغل كويس ومرة لأ، ولو اني شايف انك تسيبيها شويه تاخد العين وتعمليها على الصيف مثلاً، أنا عارف الخبطات والحكات دى بضايق جداً خصوصاً لما العربيه تكون لسه جديدة والواحد بيبقي زعلان على شكل العربية المشوه بس انا من كتر ما اتخبطت والعربيه واقفه فا خلاص بسيبها زى ماهيا الا لما يكون في ضرر ملحوظ مثلاً الرفرف بيحك في كوتش او الباب مش بيفتح كويس من تأثير الخبطه او خبطه شديدة لقدر الله انما حكات كده وتجاريح عادى عشان بكون متأكد انها مش هتكمل شهر ولازم تتجرح خصوصاُ الاكصدامات.

معلش يا جميل هو كاس وكلنا بنشرب منه :shyy:
يا رب تكون اخر الاحزان :ask:

بصى يا مش مهندسة رنا السمكرى بيعمل 3 طرق بيفتح فتحة فى الجزء السليم ويخل قالب حديد علشان ينتر الجزء المضغوط وبعدين يقفل والحل التانى انة بيعمل حوالى 20 50 خرم فى المكان الى بايظ وبعدين يدخل عمود حديد كدة وفى اولة مسمار يمسك فى كل خرم ويبتدى يشد لبرة ويعمل كدة فى الاخرام كلها لغايت ما يتظبط والحل السهل انة بيقطع المكان الى باظ ويحط مكانة جزء جديد ويلحمة ويصنفر وحركات كدة المهم خدى بالك ومتعمليش كدة تانى وخلى بالك

اقتباس:

---

المشاركة الأصلية كتبت بواسطة r a n a

نواحي عين شمس كده :stink[1]:

---

فين بالظبط في عين شمس
يمكن اقدر اساعد اصل انا بتعامل مع ناس هناك بردو

اولا قدر الله ماشاء فعل ... بس انا من رأيي تعمليها في التوكيل اضمن ... حتى لو زي ماحضرتك قولتي ترديها بره والدهان يكون في التوكيل ... لاأني اسمع ان الالوان بره غالبا بيطلع فيها اختلاف

لما اعرف بالصدفه ان حصل كدة معاكى ومش تقوليلى حقى ازعل ولالا ؟؟؟؟!!!!!! بجد زعلااااان منك اوووووووووووووى.اعرف سمكرى ودوكو كويس اوووووووى

هتعملى ايه طيب

شكلنا حسدناكى يا رنا بعد ماشوفنا الفرش بتاع العربيه و الفار الصغير إلى كان نايم دة بين الكرسيين و الباسكيت أبو ودان و يتهئ لى أننا إلى حسدتك لأن جيبت عيلتى كلها تتفرج على الفرش الجديد لما كنت قاعد على الكمبيوتر :taz:

بالنسبه للى حصل بصى يا ستى أولا التوكيل ممكن يقولك عايزة باب جديد و رفرف جديد و عتب جديد لان أنتى عارفة انهم هيستفيدوا أكتر لما يبيعوا الحاجات دى أكتر من تصليحها
بالنسبه للتأمين أحمدى ربنا بعد الحادثة إلى غطوا معظم تكاليفها دى دا أنتى لو عايزة منهم حاجة تانى ممكن يقتلوكى بس برضة انا أسمع أنهم مجبورين على تصليحها و حتى المشاركة بنسبه معينه بس فعلا ممكن تتحسبى فى شركة التأمين أنك متعمدة المشاكل دى لما بتبقى ورا بعض
ثالثا إلى أقدر أفيدك بيه هوا أنك تردى العتب و الخبطة دى و يفضل أنها تترد على البارد و لازم تتصنفر شوية و تترش تانى و الرش كدة كدة هيبقى قريب من لون العربيه لكن مش هوا هوا يعنى مش هيبان إلا فى الشمس و بسيط جدا كمان

متشكرة جدا جدا لاهتمامكوا ياجماعة والحمد لله قدر الله وماشاء فعل
انا صلحتها من بدري ورجعت زي الاول والحمد لله مش باينه خالص
ومكلفتنيش كتير كمان
ومش موضوع حسد ولا حاجة بالعكس انتوا ناس عينيكوا مليانة وطيبين وعمركوا ماتحسدوا ابدا بس هو قدر العربية كدة بقي

ميرسي لكل الناس اللي ردت واهتمت وخلاص الموضوع عدي على خير

اقتباس:

---

المشاركة الأصلية كتبت بواسطة r a n a

متشكرة جدا جدا لاهتمامكوا ياجماعة والحمد لله قدر الله وماشاء فعل
انا صلحتها من بدري ورجعت زي الاول والحمد لله مش باينه خالص
ومكلفتنيش كتير كمان
ومش موضوع حسد ولا حاجة بالعكس انتوا ناس عينيكوا مليانة وطيبين وعمركوا ماتحسدوا ابدا بس هو قدر العربية كدة بقي

ميرسي لكل الناس اللي ردت واهتمت وخلاص الموضوع عدي على خير

---

الحمد لله إنها جت على أد كدة والله أنا أصلا زعلت جدا لما شوفت الصورة بتاعة الخبطة بس بعد كدة خلى بالك لأن أنتى مش فى أيطاليا أو فرنسا و الطرق نضيفة يعنى و كمان لو أنتى قصيرة حاولى تعلى الكرسى فوق عشان تشوفى الطريق لأن أنا عشان قصير شوية ببقى مش شايف أى حاجة تحت

اقتباس:

---

المشاركة الأصلية كتبت بواسطة ama

الحمد لله إنها جت على أد كدة والله أنا أصلا زعلت جدا لما شوفت الصورة بتاعة الخبطة بس بعد كدة خلى بالك لأن أنتى مش فى أيطاليا أو فرنسا و الطرق نضيفة يعنى و كمان لو أنتى قصيرة حاولى تعلى الكرسى فوق عشان تشوفى الطريق لأن أنا عشان قصير شوية ببقى مش شايف أى حاجة تحت

---

الحمد لله على كل شئ

هي المشكلة ان معظم العربيات الحديثة انت مش بتشوف تحت العربية كويس ورؤوية الكبوت والاكصدام الامامي مش بتكون واضحة وبعدين الحجر محطوط بطريقة غبية جدا عمري ماشوفت حد زارع 3 حجارات جنب بعض بالعرض في الشارع
وكمان في ملف والدنيا ضلمة كمانم يعني مش في مرمي بصر اي سواق ابدا حتى لو راكب عجلة.
يالا بقي حسبي الله ونعم الوكيل في اللي حاططهم بالطريقة دي

طيب ممكن تقولى حضرتك عملتيها فين بالضبط وعنوان السمكرى او رقم تلفونه لان انا عندى نفس الخبطات اللى عند حضرتك فى عربيتى الافيو هاكون شاكر لو ساعدينى