لو داخل ملف وان دايس فرامل فى عربيه عاديه قوه الفرمله اللى هتأثر على العجل ناحيه اليمين غير اللى هتأثر ناحيه الشمال
ده علشان لو انت مثلا بتلف يمين وزن العربيه كله هيترمى ناحيه الشمال فالعجل الشمال عليه وزن اتقل من اليمين فهيقف قبله بفعل ضغط الوزن عليه
اهو النظام ده هيخف شويه الفرمله من الشمال ويشدها قوى على اليمين علشان يخلى العربيه تفضل فى نفس اتجاه التوجيه
طبعا النظام مش شغال يمين وشمال بس ده كمان فى فرمله الخط المستقيم بيبقى مركز على قدام وورا علشان العربيه متترميش قدام قوى ويبقى العجل اللى ورا ملوش لزمه ومش مساعد
لو عملتها فى ملفات على سرعه مش خطر مش هتحس بيها طبعا هتبقى محتاج مغامره علشان تشوف اذا كان شغال ولا لا ودى حاجه منصحش بيها
لو طالبه معاك اوى تعرف , ممكن ترمى شويه زيت فى الارض فى مكان واسع وتمشى عليهم بناحيه واحده من العجل بسرعه 80 مثلا , وانت فوق الزيت دوس فرامل جامد جدا لو العربيه رمت ناحيه الزيت يبقى النظام كفائته مش قويه او مش فعال , لو العربيه فضلت فى خط مستقيم يبقى كدا النظام اشتغل كويس وقدر يوزع قوه الفرمله صح
بشكل عام انصحك متجربش الحاجات دى وان شاء الله متحتاجش النظام خالص , وبرده متتخدعش فيه وتعتمد عليه بشكل كلى لأنه مجرد بيوزع قوه الفرامل لكن مش بيعدل من مسار العربيه وقت الخطر
المفضلات