حد عندة فكرة عن اسعار ال day use فى العين السخنة بس من غير اقامة (من غير شالية او فندق) يوم على البحر او فسح
والاماكن وكدة
عرض للطباعة
حد عندة فكرة عن اسعار ال day use فى العين السخنة بس من غير اقامة (من غير شالية او فندق) يوم على البحر او فسح
والاماكن وكدة
الحقيقة معرفش بس اعتقد انه لازم يكون من خلال فندق او قرية لانها اولا مفهاش اماكن للفسح (البحر والقرية اللى انت فيها) وثانيا برده اعتقد مفيش شواطئ عامة
بس الناس اللى عندها خبرة هناك ممكن تفيدك
أنا اسمع ان دخول بورتو سخنة ب 50 للفرد
اللي سمعتة ان ال 50 جنية رسوم الدخول فقط يعني اكل شرب ترفية لية حسابات تانية
أنا كان ليا واحد صاحبى ليه شاليه فى ستيلا دى مارىوبيأجره بس هو دلوقتى بيعمله صيانه بعد انتهاء الموسم حضرتك ممكن تروح برتو السخنة وتقضى وقت كويس زى ما انا عملت فى العيد ومش لازم تنزل البحر يعنى مثلا انا روحت على 6 اخر النهار يكون دىجى اشتغل تنزل المشاية فى مطاعم كتير وكفيهات وفى محلات كتير للتسوق وبعد ماتخلص تعدى الطريق وتدخل االبيتش تعقد على البحر
ايه يا جماعه الكلام الغريب ده .. ومين اللى قال ان دخول بورتو السخنه ب 50 الفرد .. انا اول مره اشوف الكلام ده .. ومين قال انها مفهاش شواطئ عامه او شبه عامه
انا رحت العين السخنه السنه دى فى شهر 4 ولفيت فيها شويه ورحت بورتو السخنه لفيت فيها شويه انا وصحابى
وقضيت day use فى Portrait وده كان ب 120 جنيه ف اليوم للفرد من 9 الصبح ل 6 مساءا شامل وجبه غداء ( كانت حلوه جدا الصراحه ) وشامل البسين ( بسين تعبان) وطبعا الشاطئ ونزول البحر والحمامات .. بس كده ..
و انا ماشى شفت شواطئ عاديه مش قرى ولا حاجه وكان فيها كراسى كده على البحر ومكتوب الاسعار لكن للاسف مشوفتش بكام
وقبل ما نروح Portrait كنا عدينا على قريه اسمها Mena Oasis بس شكلها معفن واحنا كنا رايحين عشان نقضى يوم حلو ف فكسنا ليها مع ان الفرق ف ا لسعر كان جامد .. مينا اوسيس كانت ب 80 شامل الغداء
دى صوره ل البوابه بتاعت Portrait بكاميرتى الكانون .. ربنا يرحمها :((
http://s4.postimage.org/1MYAN9-da2eb...49f490a6bb.jpg
ودى من بورتو السخنه :
http://s2.postimage.org/Lxyl9-da2eb6...49f490a6bb.jpg
بورتو السخنه برضه :
http://s4.postimage.org/1MZxEA-da2eb...49f490a6bb.jpg
انا عايز برده اعرف مثلا لو اربع افراد وتقضى يوم هنا مثلا لومش يت من القاهره الساعه10 توصل كام ول مشيت من هنا 5 توصل القاهره كام بالسياره طبعا وايه مثلا حد اقصى للفلوس واماكن كويسه هناك تقضى فيه يوم حلو
طريق القطامية السخنة هو احسن طريق السرعة المسموح بيها هى 120 يعنى ممكن ساعة ونص ان شاء الله توصل بس خلى بالك بعد ما الطريق بيخلص الطريق بيبقى اتجاه واحد رايح جاى وفيه منحنيات كتير
فى مطعم كويس فى بورتو اسمه استوديو مصر ممكن تتغدى فيه
الاسعار شواية دجاج لفردين 80جنيه
شوايه جمبرى لفردين 180جنيه
زجاجة مياه كبيرة 8 جنيه
الكنز 13 جنيه
يضاف 10%ضريبة مبيعات و12%خدمة
السلام عليكم
الصوره ظاهره عندى برضه دلوقتى انا اتأكدت منها تانى ... ياريت حضرتك تجرب تانى ولو مظهروش هبعتهملك فى ميل او هرفعهم على موقع تانىاقتباس:
طب دخلت بورتو بفلوس ولا ازاى واى نظامها جوة
والصور مش باينة عندىة
اما بالنسبه لبورتو ف دخلنا عادى ركنا العربيه فى الباركنج بتاع بورتو وحسب ما افتكر على بوابه الباركنج اخد الرخصه .. مش فاكر بصراحه بس انا فاكر انه اخد حاجه من صحبى اللى كان سايق .. يمكن رخصه السواقه او البطاقه ... علما ترجع ... والموضوع من غير فلوس ولا اى حاجه ( طبعا اخر مره رحت زى ما زكرت فى شهر 4 .. و لا اعتقد ان النظام اتغير هناك )
وجوه النظام عادى دخلنا كان فيه محلات عاديه ومطاعم .. ومحدش كلمنا واحنا داخلين خالص ..
فى هناك استوديو مصر
و Chili's
طبعا ازايز الميه والحاجات دى احنا اشتريناها هناك من محل عادى وكانت اسعاره عاديه جدا جدا جدا الكانز ب 2 جنيه وشوكولاته سنيكرز ب 3 ونص !
وبالنسبه للغداء انا كنت متغدى فى القريه اللى اخدنا فيه ال Day use عشان كده اما رحنا بورتو اخدنا حاجات خفيفه من المحل اللى قلت عليه وهو كان محل نظيف اوى شبه مترو كده بس على صغير
لو مشيت 10 توصل على 11 ونص وفعلا خلى بالك من الطريق هناك عشان هو حاره رايح وحاره جاى وفى ناس كتير بتستهبل فى السواقه هناكاقتباس:
انا عايز برده اعرف مثلا لو اربع افراد وتقضى يوم هنا مثلا لومش يت من القاهره الساعه10 توصل كام ول مشيت من هنا 5 توصل القاهره كام بالسياره طبعا وايه مثلا حد اقصى للفلوس واماكن كويسه هناك تقضى فيه يوم حلو
وبالنسبه للفلوس حسب احتياجك .. يعنى انا كنت واخد معاى 200 جنيه وصرفنا هناك 120 ف القريه وقول كل واحد 10 جنيه شويه حاجات من المحل والبنزين ف العربيه كنا مشتركين فيه كل واحد 20 جنيه ورجعنا من السخنه اتعشينا ف القاهره ب 30 يعنى اليوم كله صرفت فيه 180 .. طبعا لو انت اتعشيت هناك او اتغديت بره القريه فى مطعم زى استوديو مصر ( الاخ شريف قالك لانى مكالتش فيه قبل كده ) .. او chili's اعمل حسابك فى 80 جنيه مثلا فى الاكله بتاعته ومعاها كبايه المشروب Re Fill .. حكايه ال Re Fill دى اكتر حاجه عجبانى عموما ف Chili's عشان انا كيييف بيبسى :biggrin2:
يعنى حسب الاكله لو وجبه هتبدأ من حاجه واربعين
ولو ساندوتشات اعتقد هتبدأ من 30
والمشروب Re Fill ب 12 جنيه ( عدد لا محدود من ال Fill :10D5C8~1107:)
يعنى تقريبا لو ساندوتش ومشروب هيبقى ف حدود 60 بالخدمه
ولو وجبه فى حدود 80 بالخدمه ...
طبعا الاسعار اللى قلتها تقريبيه لانى بقالى 6 شهور مروحتش اكلت ف Chili's بس انا قلت رينج تقريبى
وعين السخنه عامه البحر بتاعها جميل اوى
السلام عليكم
يا جماعه احب اضيف نقطه مهمه لانى قابلت الشباب صحابى اللى كانوا معاى فى العين السخنه وعرفت منهم انى فى حته معينه دخولها بفلوس اللى هيه جوه بتشوف فيها اهرامات وحاجات كده .. لكن الحته بتاعت المطاعم وكده دى عاديه من غير فلوس ..وطبعا احنا طلعنا على السطح عادى ومشينا جنب البسين اللى فوق السطح ومحدش كلمنا ساعتها لكن مش عارفين هل المفروض كنا نخش بفلوس ولا لا ...
عامه ده تليفون بورتو السخنه لو حد عاوز يسأل
+
206232110100
الزائد بعدين الرقم طبعا عشان هنا بتتعكس
بورتو تذكرتها ب 10 جنيه للفرد لحد الساعة 8
و من بعد 8 بالليل ب 20
ممكن حضرتك بقى توضح ايه فى بورتو عشان انا اما دخلتها لفيتها كانت الساعه تقريبا 7 مساءا مثلا .. وتقريبا كده احنا على اساس الكلام ده ان احنا مليفناهاش كلها .. انا بس عاوز اعرف هيه فيها ايه جوه تانى لانى اما رحت كنت فاكر ان احنا شوفنا كلنا حاجه لاننا لفينا فينا اما رجلينا اتكسرت فعلا !
لو عايز يوم على البحر و متصرف كتير أقولك ,
انا رحت من اسبوع مع تلاتة اصحابي , جيبنا حاجتنا من كارفور علشان منشتريش حاجة من هناك و وصلنا على 10 ص ,
رحنا لفندق جراند هايتس و ده بعد بورتو بـ 7ك تقريباً ,
و احنا دخلنا الشط و ده بتدخله بالعربية لغاية الشمسية و الكراسي ,
الدخول بـ 30ج للفرد شاطئ بس ,
لكن احنا نزلناها لـ 15 ج للفرد ,
و قضينا يومنا و نزلنا البحر و على الساعة 3:5 خدنا دش و مشينا على 4 و رحنا السويس كلنا سمك و كملنا السهرة هناك ,
و كان يوم رائع .
و طبعاً لو عامل حسابك و واخد أكل من البيت يبقى تمام و تقدر تمشي من هناك براحتك ,
و على فكرة اللي ماسك الشط اسمه محمد و ده اتصاحبنا عليه ,
يعني لو هتروح ابعتلك رقم تليفونه .
ما شاء الله .. احلى حاجه هنا تبادل الخبرات والله
ربنا يكرمك يا استاذ اكرم على مشاركتك
فيه برضه قرية بالميرا افتكر الday use دلوقتى ب 140 جنيه شامل الغداء
على العموم قبل ما تروح كلمهم و احجز
رقم التيلفون بتاعهم للحجز 022732010
انا روحت برضه قبل كده قرية اسمها اميجو تعبانه شوية
كان الليلة البيات فيها ب 250 جنيه للغرفه المزدوجة
من غير اكل
و رحت اتخديت بره القرية فيها كذا مطعم اكتر من رائع
فيه مطعم اسمه حاتى محمد المصرى شيك و اكله حلة
و مطعم سمك تانى اسمه كاستلو برضه رهيب و عنده قاعده open air رائعة (زى جراند كافيه بالظيط)
و ممكن تقعد تشرب مشروبات بس موش شرط تاكل
رقم تيلفون اميجو 062341004
أذا كنت عايز قاعده على البحر و مكان حلو يبقي ستيلا دي ماري وفيها 3 فنادق " sea club / grand hotel/ gulf" و يجي بعدها بالميرا و كمان فيه جنب ستيلا على طول قريه اسمها الوادي فيها فندق اسمه هوريزون الوادي وday use فيهم الثلاثه شامل وجبة غذاء
ابعد بقي عن أميجو و واحة مينا و بورتيريه بس من الآخر الوقت ده من السنه مش بتاع قاعده على البحر فأنصحك ببورتو
كل جمعه في بورتو بيبقى في حفله لمطرب من المطربين و والدخول مجاني
على فكرة تليفونات ستيلا sea club: 0623250200
0623250100 Grand Hotle