استفسار عن زيت الموتور

**funy76** · 14-05-2007 09:31 PM

بعد التحية عندي لانوس 2003 ماشية 40000 - انا بحط زيت موبيل XHP وبغير الزيت كل 2800 كيلو - بقالي كذا مرة ونا بغير الزيت عامل المحطة وهو بيسحب الزيت القديم من خلال جهاز سحب الزيت بدل فك الطبة بيقولي الزيت عندك ناقص نص لتر تقريبا او اقل شوية - قمت بفحص السيارة من الاسفل يمكن يكون في تسريب وفحصت الموتور من فوق بردو مش لاقي اي حاجة ولا تسريب ولا حاجة وشفت مية الرادياتير لقيتها نظيفة وناحية الجوانات بردو مفيش حاجة وناحية بوجيهات العربية بردو مفيش حاجة , مش عارف ايه السبب مع العلم اني غيرت الزيت في محطتين مختلفتين وعمال المحطة قالوليلي نفس الكلام أرجو الافادة مع الشكر والتحية لكل أعضاء المنتدى الكرام

**khalidsdk** · 15-05-2007 10:44 AM

أولا: يفضل فك الطبة لنزول الرواسب والشوائب
ثانيا: افحص عادم السيارة جيدا ، ممكن يكون الموتور بيحرق أو بياكل زيت وبيطلع في العادم ، لازم لون العادم يكون شفاف ليس أبيض أو أزرق أو أسود عند الضغط على البنزين ولا يصدر دخنة.
ثالثا: ممكن وهو بيغيرلك الزيت بيكون ناقص من الأساس يعني مش مليه كويس من البداية
رابعا : لا تأخذ على كلام الصنيعية ، ممكن يكون عايز يعمل عليك شغل
خامسا: تأكد مره أخرى من عدم وجود تسريبات للزيت

**funy76** · 15-05-2007 11:04 AM

انا بشكرك جدا - ونا فعلا حاسس ان الصنايعي بيعمل شغل - لأن ولا حاجة من الحاجات اللي قلت عليها حاصلة , بمعنى ان العادم فعلا شفاف ولا يصدر اي لون وفعلا يا سيدي الفاضل انا بفك الطبة كل مرتين او تلاث مرات غيار عشان انزل الشواب بس ميزة جهاز السحب اني مش كل مرة هفك الطبة وبالتالي مش هتبوظ بسرعة او يحصل تسريب , انت عارف يعني ان كتر الفك والتركيب بيبوظ الطبة -- على العموم انا شاكر جدا لردك

**mohamed yousry** · 15-05-2007 02:49 PM

حضرتك ممكن تقيس الزيت بنفسك بعد ما تحطة مباشرة وتشوفه واصل للعلامة F ولا لأ ...وكل اسبوع او اتنين تقيسة وتشوفة بينقص ولا لأ...وبكدة تبقى قطعت الشك باليقين.......

**MMamdouh** · 17-05-2007 11:30 AM

انا عربيتى عاملة 110 الف و الحمد لله مفيش نقص زيت... يبقى ازاى موتور عامل 40000 بينقص زيت؟؟؟

الزيت يا اما حيتسرب برة الموتور و حتشوفة على جسم الموتور او على الارض و اما حيتسرب داخل الموتور و حتشوفة فى مياه التبريد او محروق مع العادم... غير كدة يبقى اللى قالك كدة بيفتى فتية من العيار الثقيل

شفط الزيت قطة فاشلة بلاش منها و لاحظ ان فية فلتر زيت شايلة يجى ربع لتر لوحدة

MMamdouh