مبرووووووك اخييييييييييرا نزلت انا اتصلت بالشركة النهاردة وقالولي الأسعار:
الفئة الأولى GL بـ 59900
الفئة الثانية GLi بـ 62900
بس مفيش GLXi
مبرووووووك اخييييييييييرا نزلت انا اتصلت بالشركة النهاردة وقالولي الأسعار:
الفئة الأولى GL بـ 59900
الفئة الثانية GLi بـ 62900
بس مفيش GLXi
أولا مساء الخير على كل الزملاء الواحد من زمان مقلش حاجة علشان مفروس و متغاظ من الجماعة دول هما فاكرين الموضوع سر حربى خطير ولا أيه ولا خايفين حد يأخذ سبق صحفى منهم علشان يسربو المعلومات عن سعر السيارة بهذا الأسلوب . فين الدعاية فى وسائل الأعلام التى يجب أن تسيق نزول السيارة على الأقل بشهر أن لم يكن أكثرعلشان الناس تتعرف على العربية السرية byd f3 اللى الواحد بيتشرف بأمتلاكها.
شكرااا للمعلومات والافاده
ربنا يوفق
انا اخ معاكو من لادا (بحكم اني معاكم في نفس التوكيل بس بقف في الطابور التاني هههه)....
انهارده انا كنت في توكيل الامل اللي في روكسي سألت عليها قالي ب 63000 جنيه و كانت فيها Air Bag ...
هي التقفيل المصري الصراحه محترم و مش وحش ولا مرعب كما كنت اسمع بس لاحظت ان اللحامات اللي في الحوض باينه شويه (تنقصها الحرفيه الدقيقه) و الاكر بتاعه الباب ضعيفه...
بس الصراحه عربيه بالشكل دا و الكماليات دي و ادائها و تقيمها من الملاك و قطع الغيار اللي بتديلك الحريه بين انك تركب القطع بتاعتها و قطع غيار الكورولا او المتسوبيشي (سألت ميكانيكي بالنسبه لقطع للعفشه تركب كورولا و الموتور متسوبيشي) ب 63000 جنيه اعتقد انها هتكون منافس شرس جداً و اتوقع لها انشار هائل ....
و ايضاً لفت نظري انهم نزلوا لادا جديده اسمها 2170 شبه الفرنا الفيفا و لسه لم يحدد ليها سعر....
من الواضح ان الفتره الجايه هيبقي في تغيير في سياسه توكيل الامل و هنسمع له صوت قريب...
يا رب اكون افدت
المقالة دي نزلت في كنتاكت كارز:
أعلنت شركة "الأمل" للتجارة الخارجية وكيل سيارات byd الصينية في مصر طرح السيارة f3 المجمعة محلياً بدأً من الأسبوع القادم.
وزودت byd الأوتوماتيك بمحرك "ميتسوبيشي" سعة 1600 سي سي بقوة 108 حصان مزودة بجميع الكماليات من تكييف هواء و سنتر لوك وزجاج كهربائي وباور ستيرنج و وحدة عدادات معدنية و فوانيس شبورة وعواكس خلفية ، إلى جانب إريال مدمج في الزجاج الخلفي و الراديو كاسيت سي دي وجنوط رياضية.
كذلك تم تزويد سيارات byd f3 الجديدة بفرامل مانعة للإنزلاق و 3 وسائد هوائية إضافية بالإضافة إلى دعامات فولاذية في الأبواب ومقاعد خلفية قابلة للإنطواء.
وتم إنتاج byd الجديدة في مصاع شركة "الأمل" في مدينة العاشر من رمضان.
وتبدأ أسعار byd المنتجة محلياً من 59900 جنيه وحتى 62900 جنيه.
هي نزلت اوتوماتيك ولا ايه حد يعرف؟؟؟؟
يا جماعة هى العربية المجمعة فيها اتوماتيك ولا لا
السلام عليكم
السادة الأفاضل منتظري السيارة byd
معلش طال إنتظاركم لكن نعمل إيه الوكيل محدش فاهم إستراتيجيته إيه في الدعاية
المهم كلام الزملاء سليم 100 %
السيارة معروضة الآن تجميع محلي في معرض الأمل بشارع النزهة أمام الرقابة الإدارية
ومنها نوعين فقط
g-i نفس كماليات الموديل الصيني وسعره 59900 جنيه مصري
و gl-i وبرضه نفس كماليات الموديل الصيني وسعره 62900 جنيه مصري
ولا يوجد من الإنتاج المحلي أتوماتيك وليس هناك نيه لإنتاجه محليا
والموديلين مزودين بجنوط سبور
وعموما الفرق بين الموديلين يتلخص في الإيرباج وفرامل abs + ebd وجهاز الإنذار
والبيع بنظام الحجز والإستلام بعد 15 يوم
والصراحة الأسعار دي قنبلة بمعني الكلمة وأنا شخصيا مكنتش متوقعها
ومبرووووووك عليكم جميعا
هو سؤالك في محله جداً و مسأله التأثير دي برضه نسبيه....
اكيد مع المدي الطويل ممكن شكل اللحامات يبان اكثر في الحوض كشكل....
اما من حيث التأثير هي ممكن لا قدر الله تفك و يطلع المساعد بالبطاحه بس دي اكيد لو لا قدر الله دخلت في نقره او مطب من الانواع الخطره وعلى سرعه (عشان الواحد يقول الحق هو مش سيئ جداً يعني اللحامات مش بلبان و اسف في اللفظ)...
يا رب اكون افدت
طب معلش هي الصيني من ال byd كان فيها الموضوع دا ولا دا ظاهر بس في التجميع المصري