أنا الحمد لله خلاص عملت العربيه
عرض للطباعة
أنا الحمد لله خلاص عملت العربيه
اتكلفت كام
٥٠ جنيه والموضوع من زمان
الراجل إسمه إيه أصل روحت هناك لاقيت كذا واحد
فعلا يا ريت اسمه ورقمه لان هناك منطقه صناعيه و ممكن اى حد يشتغلك
للأسف مش فاكر لإن الموضوع قديم جدا
موضوع قديم بس الراجل صنايعي وصنعته حلوه
بما ان الموضوع أترفع تانى
كنت عايز أعرف الخبطات اللى فى الرفرف الخلفى بتترد أزاى ؟؟
لازم يقطع فى الصاج من جوه ولا بجهاز ولا أيه ؟
لو صنايعى عنده ضمير اوى اوى ياعنى اكيد هايتعب شويه بس مقابل ان الصح يتعمل ونادر جدا لو لقيت حد يعمل الصح فى مكان زى ده (الرفرف الخلفى )
اغلب الصنايعيه يفك العجله ويفتح فتحه فى سقف الكارتيره ويبداء شغل ويقفل تانى وده اضراره فيما بعد هى انتشار البارومه والصدا فى المنطقه دى وطبعا لازم يحسسك انه عمل معاك واجب وردلك الخبطه على البارد
بعض الصنايعيه فى حاله انك هاترش بيفتح فى الرفرف نفسه ويستعدل ويرقع ويلحم ما انت كده كده هاترش
اللى عنده ضمير بقا بيفك العجله وبعد كده يفك حته صغيره من خلال الدوران بتاع الرفرف ويدخل سانده طويله ويبداء يرد على البارد ويضم مكان الفتحه تانى ولا كان فى اى حاجه حصلت فى العربيه