طب أنت ممكن تفكر فى المستعمل ولا أنت عايز زيرو
عرض للطباعة
طب أنت ممكن تفكر فى المستعمل ولا أنت عايز زيرو
اشكرك اخى العزيز
لكن الماروتى صغيره وشنطتها صغيره و 800 سى سى
الالتو لحد ما كويسه لكن سعرها 58 الف
سبارك ايضا فوق الخمسين
128 كويسه لكن مش موجوده الان وبيقولوا هتنزل بعد فتره ب 48 الف وده حرام
الشاهين بحوالى 58 - فاكثر
الاكسنت القديم ممتازه بس سعرها كام ؟
الايديا انا كنت معجب بيها لكن الناس خوفتنى منها
الكليسا صغيره وغاليه
علشان كده انا لقيت اللادا كويسه من ناحيه السعر والحجم والقوه صحيح انها فقيره فى الكماليات لكن ماباليد حيله على قد فلوسك مد رجليك
يا باشا كسر الزيرو بيعتبر زيرو - طب أنت اخرك كام فى العربية
يعنى ايه كسر الزيرو ؟
بيطلق على ايه يعنى استعمال
اما عن اخرى فالمشكله انى معايا فقط مبلغ حوالى 15 الف هاادفعهم مقدم والباقى اقساط شهريه
معلش انا عارف انى تعبتكم معايا
يا أبو خلف سيب الراجل في الزيرو لأنه ناوي يقسط (فمش ينفع مستعمل )
يا ابراهيم انا قاري سعر الألتو في المصرية 41900
و سعر ال128 38000
و سعر الشاهين 54000
و الاكسنت نفس تمن الشاهين تقريبا
باشمهندس احمد
ال 128 مش موجوده اصلا بالبنك وهيكون سعرها 48 كما ذكرت سابقا
الشاهين سعرها فى موقع كونتاكت 58 الف سيبك من اعلانات المصريه ده لانه طلع كلام فارغ انا رحت لقيت الاسعار غير ماهما كاتبينها
لو اكسنت بسعر بسعر الشاهين زى مابتقول تبقى كويسه لكن اعتقد انها بغير كده كانت ب 58 الف من سنه فاتت
الالتو ب 58 الف فى البنك واعتقد بالكماليات لكن بدون الكماليات مااعتقدش هتنزل كثير
و اللة أنا ارى إنك تبعد عن الألتو لأتى اراها صغيرة نوعا ما و بالذات عليك و انت عندك اسرة فبعد فترة ستضيق عليك لكن اللادا رغم كرهى لها لكن طالما انت بعدت عن الأيديا متشوف اللادا سمارا الجديدة عربية كبيرة و كويسة جدا و سعرها قريب و هى على فكرها اسمها الجديد 2115 و كمان جميع الكماليات ب 54 الف يعنى عربية كبيرة و ماركة مشهورة و جميع الكماليات و كمان سعرها مقرب و انعم بكتييييير من اللادا العادية لأنها جر امامى
و شوف سعرها فى الرابط دة
http://wowegyptcars.com/index.php?op...d=79&Itemid=94
بصراحه اخى العزيز دوحه
انا كنت عصرت على نفسى لمونه ورضيت بالادا 2107 والحمد لله وهيئت نفسى على كده
لكن بعد هذه الاقتراحات
الشيطان بيلعب فى نفوخى اروح اسأل فى البنك بكره ان كانت ال 2115 موجوده ولا لا وهيكون سعرها كام وهاقدر ولا لا على قسطها وربنا يسهل
و اللة يا اخى ابراهيم انا بادعليك ربنا يوفقك فيها عشان تستريح و صدقنى انا كان عندى لادا سمارا لمدة كام سنة و هى عربية جميلة جدا و اقتصادية فى البنزين و احسن من الشاهين و كتير من العربيات الفيات فى سحبها و صدقنى كانت الكبالن و المساعدين بيقعدوا بالتلات سنين و اكتر ميتغيروش و مشاويرى كتير مش قليلة لكن و انت سايقها متحسسكش ابدا إن دى لادا اللى لازم تجيب اتنين تلاتة من اصحابك يقفلوا معاك الباب بتاعها و يسوقوها معاك فالسمارا و كل انواع اللادا الجديدة تختلف تماما عن 2105 و 2107 و يا رب يا رب يكون ليك فيها نصيب و يباركلك فيها بس ياريت تطمنى
اخوك فى اللة ممدوح
و على فكرة انت بتقول انك عصرت على نفسك ليمونة يا راجل بقى اللادا 2107 يتعصرلها ليمونة واحدة بس دانت عايزلك محصول الليمون كلة و ممكن مينفعش معاك حسب الحالة فنضطر نستوردلك كمية من البلاد المجاورة عموما احنا خايفين احسن الليمون يخلص فيارب يوفقك بعيد عن الليمون و عن 2107
الصراحة انت موقفك صعب لأن المقدم صغير خالص ولو جيبت عربية كويسة القسط هيكون كبير أو المدة كبيرة والأتنين من رأى وحشين - على العموم لو عايز زيرو كويس يبقى سيبك من الادا وخليك فى الماروتى وعلى فد لحافك مد رجليك وأهى عربية تمشيك كويس لحد ما ربنا يكرمك
استاذ ابراهيم , معلش ححاول اساعدك
انت معاك مقدم كام بالظبط و عايز تدفع اد ايه قسط و علي كام سنة ؟
ما هو قال المقدم قبل كدة 15 إلف
السلام عليكم اخوانى
اخى الفاضل cryptonx
انا معايا دلوقت 12 الف وهيبقوا 15 الف خلال شهرين لما اقبض جمعيه فى شهر يناير الجاى
ودول مبدئيا هادفعهم مقدم ممكن يزيدوا كمان الفين ثلاثه حسب التسهيل الله اعلم
انا رحت بنك فيصل النهارده وسألت عن اللادا 2115 ب 55 الف محلى كامله
وال 2110 ب 55500 محلى (كاسيت+سنتر+زجاج كهرباء) بدون تكييف وباور
والروسى ب 60 الف
انا شايف ان ال 2110 افضل واقوى من 2115 وكمان قطع غيارها اوفر وموجوده عن 2115
انا ممكن اقسطها هيكون القسط حوالى 720 ج شهريا على 7 سنوات
لكن القسط هيكون كبير شويه على فانا حاليا بافاضل بينها وبين ال 2107 اللى قسطها هيكون حوالى 560 ج على 7 سنين
عموما انا امامى مهله شهرين او اقل اكون قررت فيهم
لكن هل ياترى الاسعار ممكن تزيد او تقل خلال الشهرين دول
انا شايف ان ال 2115 احسن , في واحد زميل معاه بس الستيشن بتاعتها مش فاكر اسمها و كويسة و متينة ماشاء الله و قطع غيارها رخيصة .
لان فعلا للأسف في السعر ده مفيش غير اللادا يا اما حاجات صغيرة جدا زي الالتو و ال 128 .
يا اما لو عايز تنط صيني . ارشح الشيري ال A11 او A15 . اعتماديتهم معقولة جدا بالنسبة لسعرهم كمان في ناس كتيرة هنا معاهم و بيمدحوا فيها ( غير الاسبيرانزا ال A5 ) نهائي
واعتقد انها ب 56 - 58 كدة , فممكن تمشي معاك ؟ و لا ايه ؟؟
اشكرك اخى كربتونكس
بس اعتقد ان الشيرى a11 بحوالى حاجه وستين
مش عارف ال A15 بكام لكن اعتقد هتكون فى نفس السعر فوق الستين
طيب ايه رأيك فى ال A113 وال a213 بحوالى 53 و 55 على التوالى
هاقولك نصيحة يا د / ابراهيم ،،
بس ما تتدعيش عليا لو طلعت غلط ،،
أنا مستريح أوي ل ِA113 من ناحية هيا شيري أكبر شركة صينية و توكيلها أبو الفتوح ،، من اكبر التوكيلات في مصر
1300 cc و abs و ممكن يكون فيها AIR BAG كمان مش متأكد و يبقي كل اللي نفسك فيه و محدهش يفتح بقه معاك في الأمان ،،
بعدين كلها علي بعضها ب 49 الف ،، و ابو الفتوح بيفضل ورا العربية لحد ما تنتشر ،،يعني يوم هاتبيعها بعد ما تخلص القسط هتبيعها بكام ،، هتبيعها ب 25 الف مثلآ يعني خسارة قريبة ،،
ففي إحتمالين :_
1- العربية كويسة يبقي انتا عبقري و فزت بشكل جديد و صالون جميل و اوبشنز وهمية و عربية 1300 cc ،،
No Risk No Gain
2- العربية تعبانة هيا مش غالية ،، هتتعكز عليها مدة القسط و التوكيل مش هيسيبك و هتبعها في الآخر من غير خسارة كبيرة ،، و تتمتع بتككيف وباور و سنتر و رفاهيات ،، عمرك ماهتلاقي ربعها في اللادا
والله ياخى احمد هى من ناحيه الشكل والكماليات حدث ولاحرج وعلى فكره فيها ايرباج كمان
لكن انا مش واخد اى قرار الا بعد نصيحه اخونى فى المنتدى لانهم خبره عنى وانا حرمت اخد قرار لوحدى خصوصا فى العربيات لانى اصلا لاافقه فيها شئ
فنشوف رأى الخبراء ايه فيها وانا مستنى
الخبراء مش هيفيدوك ،، هيا العربية نزلت أساسا ؟؟؟ عشان يقدروا يحكموا عليها ؟؟؟
السؤال تقبل المخاطرة و لا لأ ،، أنا وجهة نظري في الحياة مادام المخاطرة محسوبة و تقدر تتحمل نتائجها ،، الواحد يخوضها ،،
ميفضلش طول عمره جنب الحيط ،،( دي وجهة نظر مالهاش علاقة بالسيارات )
و المخاطرة مع ابو الفتوح مش كبيرة ،، أنا بس كنت بقولك تبعد عن الصيني المغمور زي ايديا و byd و اكسبلوجن و زويتا .......
بس المهم ما تدعيش عليا برده ،،،،،،،،،،،،،
أنا بفكر معاك بصوت عالي مش اكتر
اخى العزيز احمد بخصوص نزلت هى بالفعل ال A113 نزلت وفيه ناس اشترتها كمان وبتشكر فيها لكن من حيث المخاطره انا شخصيا لااستطيع تحمل المخاطره فى ظل فتره التقسيط مع البنك لانى هاكون مرتبط بقسط مش قليل
عموما نشوف اراء الاخوه ايضا فيها وهل هى افضل ام 2110
اخى ابراهيم و اخى احمد دعونى ايضا افكر معكم لو سمحتم طبعا
لو فكرنا فى السيارة A113 و بإمكانياتها و على فكرة هى ليس بها ايرباج و هذا شئ انا متأكد منة لأنى سألت التوكيل فية و كان ردة ان الموديل الذى نزل مصر منها لا يوجد بة ايرباج
المهم انها سيارة صغيرة لا تناسب عائلة برغم ان صالونها مش بطال لكن ليس للدرجة المطلوبة و شنطتها صغيرة جدا لا تناسب حتى شاب فى سفر و هذا الكلام اقولة بعد أن رأيت السيارة اكثر من مرة
السعر خارج التوكيل 53 الف تقريبا و عند وصول الشحنة الثانية ستقترب من هذا السعر فى التوكيل و ستزيد بإذن اللة خارجة و هذا شئ متوقع جدا من ابو الفتوح من واقع ما حدث من قبل إذن سيكون سعرها زيادة جدا
فلماذا مثلا لا تفكر فى سيارة من انتاج شيرى ايضا و موجودة بمصر بنسبة معقولة و هى شيرى Qq و انا ايضا رأيتها اكثر من مرة و صالونها فى فخامة A113 و بها جميع الكماليات عدا الأيرباج بالضبط مثل A113 و صالونها واسع و شنطتها مثلها و سعرها رائع و هو 47 الف اى نعم هى 1100 سى سى لكن هناك فرق سعر اكثر من 5 الاف جنية و السيارة ايضا منتشرة
على فكرة ليس هذا اقتراح بتلك السيارة و لكنة مجرد عرض لزيادة المقترح عليك و ارى مع احترامى الشديد لرأى اخى احمد ان A113 غير مناسبة لا من ناحية السعر 52 الف فما فوق و لا من ناحية الحجم لعائلة و لو ناسبت إذن تظهر فى الصورة Qq بسعرها المنخفض و حجمها المتساوى من الداخل مع A113
أما بخصوص 2110 و على فكرة هى اسمها 110 فقط و ليس 2110 المهم هى اختيار افضل من A113 و الأيديا برغم نقص الكماليات بها و لكن فقط لأنها سيارة عائلية اكثر و سعرها القريب من سعرهم لكن نحتفظ بفارق الحجم لصالحها
عموما قلبى معاك فى حيرتك
اشكرك اخى العزيز ممدوح
انا لم ارى ال 113 فقط صورتها
ولكن من خلال الحوار تبقى اللادا 110 تكسب لانها سياره عائليه وشنطتها ماشاء الله وخامات ماشاء الله وهاهى مواصفاتها
http://www.alamal-group.com/Alamal%2...fications.html
LADA 2110
المواصفات الفنية للسيارة لادا 2110
الأبعاد
الطول الكلي 4.265 متر
العرض الكلي 1.875 متر
الارتفاع الكلي 1.420 متر
البعد بين العجلات الأمامية 1.400 متر
البعد بين العجلات الخلفية 1.370 متر
قاعدة العجلات 2.492 متر
المحرك
النوع و الرمز 4 سلندر بنزين 2 كاملة علوية (DOHC )
سعة المحرك 1500 سم3
القدرة القصوى 110 حصان عند 5600 لفة / دقيقة
التجهيزات الأساسية
بالتكييف و بدون
أربعة زجاج كهربائي
سنتر لوك
لفة فى الدقيقة (R.P.M) عدد لفات المحرك
كمبيوتر لتوضيح أعطال السيارة
أحزمة أمان
فتح الشنطة من الداخل و الخارج
أربعة مسند رأس
مسند للكنبة الخلفية
دريكسيون متحرك
ساعة
مرايات جانبية ذات تحكم داخلي
إضاءة داخلية للقراءة و لدرج التابلوه
سبويلر خلفي مزود باضاءة ستوب
قضبان فولاذية حماية للأبواب
شاسيه مصفح
الاكصدامات ملونة بلون السيارة و مدعمة بتقويات داخلية فولاذي
احكام اغلاق الابواب الخلفية لحماية الأطفال
انذار ضوئي عند ترك الأبواب مفتوحة
كونسول أمامي و لوحة عدادات متطورة
مقاوم حراري بالزجاج الخلفي
باكتات جانبية
ألوان عادة و ميتالك
دهانات معالجة ضد الصدأ
كبوت السيارة على مساعدين
الأداء
التسارع من صفر إلى 100 كم / ساعة : 12 ثانية
أقصى سرعة 185كم / ساعة
صندوق التروس : يدوي 5 سرعات امامية و سرعة خلفية
الوقود : سعة خزان الوقود 50 لتر
نوع الوقود : بنزين 90 أوكتين خال من الرصاص
نظام تغذية الوقود : حقن الكتروني ( انجكشن
الاطارات
Rمقاس 175/65/14
بالضبط كدة و كمان طالما انت ارتفعت بالسعر ووصلت الى الخمسينات و انا ارى إنك تحاول تيجى على نفسك شوية فى القسط و تخلص بحاجة كبيرة و متنزلش لحاجة تانى اقل لكن يتبقى إنك لازم و يجب عليك تجربة 2110 قبل شرائها لتتأكد من دركسيونها و نعومتها و باقى الأشياء لكى لا تفاجأ بشئ اخر بعد شرائها بدون تجربة
التسارع بتاع اللادا و السرعة القصوي اللي حضرتك كاتبهم غربية اوي.............
و كتير عليها جدا....
بخصوص الدريكسيون لم اجربه لكنه يختلف عن ال 2107 وهذا كلام احد الاخوه اللى اشتراها
http://www.nilemotors.net/Nile/showthread.php?t=10053
اسف بس معلمومات حضرتك خاطئة بالنسبة للشيري
ال A113 اسمها الكودي ( اسم المصنع ) شيري QQ3 و هي مبنية على شاسيه معدل لل QQ حيث انها اعرض و اطول منها
كما ان ال QQا لا توجد بها اي نوع من الفخامة نهائي .. السيارة نسخة من الماتيز القديمة , ال A113 تتفوق بتكير
موتور ال A113 1300 87 hp 4cylinder 16V EFI
موتور ال qq 800 سي سي و 1100 سيسي و هو ضعيفففففففففففففف جدا !
تمنها مبالغ فيه جدا !! لانها تبدأ من 27 الف جنيه ( بدون جمارك ) في الصين !! ازاي توصل 47 !!
ال A113 افضل بكثيييييييير جدا من ال QQ نظريا و عمليا !
بس أنا هقولك من الأخر أولا المقدم دة قليل وكمان قسط 7 سنيين دة كتير قوى لية يعنى هو انا مفيشى غير العربية فى حياتى - الواحد بيكبر حبة حبة أنا اول ما ركيبت كانت فلوريدا ثم شيرى ولسة أن شاء اللة الأيام جاية لحد ما أوصل للمرسيدس أن شاء اللة كل دة خطوة خطوة وإللى بالى معايا من غير قسط ووجع دماغ والعربية معايا وبتاعتى
أنا من رإى حاجة باللى معاك أو حاجة خفيفة بقسط خفيف وقصير أبرك من كل دة - مش اللادا إللى تجاب قسط وكمان 2110 أنا كنت بفكر فيها وشوفتها فى الأمل وكانت إلى كلام خالص واللة المستعان
طيب يعنى ايه الحل يااخوانى انا بصراحه مش عارف حاسس انى زى التايه اللى بيسأل على عنوان وكل واحد يوصف له عنوان يطلع غلط
ايه افضل عربيه تنفع لاسره وماتزيدش عن 45 الف ؟
د. إبراهيم ... أعتقد الموضوع مش مستاهل حيرة أكتر من كده
أنا شايف إن حضرتك ميال للادا يبقى استخير ربنا وتوكل على الله وهاتها
لو حضرتك هتفاضل بينها وبين العربيات الصيني في نفس رنج الأسعار (والأمان :) )؛ أعتقد كفتها هترجح لأنها حتى لو ليها مشاكل - فهي معروفة وأعتقد غير مكلفة بالدرجة (أنا مركبتهاش بس بأكلم حضرتك في ضوء اللي قريته عنها في المنتدى ومشاهدتي ليها في الشارع).
العربيات الصيني - بالمناسبة كنت هشتري واحدة منها في يوم من الأيام - الجديد منها لا يستحق المغامرة حاليا - على الأقل لأن مشاكلها مش معروفة وتوكيلات معظمها قدراته محدودة وحتى اللي شغال جامد منها أعتقد بيعاملها في قطع الغيار معاملة الكوري - فهتبقى تكلفة التشغيل بتاعتها مش قليلة - على الأقل أعلى من اللادا.
أنا بأؤيد أ. أحمد أنور من ناحية موضوع المخاطرة - ولكن متكونش في ظل قرض ولسلعة غير مضمونة.
أنا بأقول رأيي لحضرتك بحيادية قدر ما استطعت - وفي ضوء معلوماتي المتواضعة
وربنا يوفقك للخير ونقولك مبروك قريب
اخى العزيز هشام
اخى العزيز احمد انور
اخوانى جميعا اللى ساعدونى بالتفكير معى
انا شكر ليكم جميعا وحاسس انكم زى اخوانى واكثر وده اللى شجعنى اتعبكم فى التفكير معى
وانا فعلا عقلى بيقول لى ان اجيب اللادا 2107 لانها اقل سعرا وعربيه معروفه وتتحمل لان هذا الوقت تحديدا ليس وقت المغامره فى الصينى حيث الاقساط والديون
صحيح اللادا تفتقر للمتعه ولكن ربنا خلق الناس درجات ناس تركب المرسيدس وناس تركب اللادا ودى حكمه ربنا اهم شئ ان الواحد يرضى بقضاء الله ويحمده على نعمته لان فيه ناس تانيه مش لاقيه حاجه خالص يبقى احنا احسن من غيرنا ان ربنا هيرزقنا بسياره
وانا خلاص مش هااغير رأى تانى الا ان يقضى الله امرا اخر
و انا ادعو اللة لك من قلبى بالتوفيق فى اختيارك و اوعى تسال تانى فى الموضوع أى حد انت فاهم ( على فكرة انا بهزر معاك )
اقصد انك اخذت القرار و استشرت بما فية الكفاية و رأيت خلاص انة انسب شئ لظروفك المادية هى اللادا 2107 فخلص فيها و بعدين ربنا يوفقك و تشترى الأحسن منها فيما بعد و تكون جاهز للأحسن
بارك اللة لك فى اختيارك ووفقك و يسر لك هذا الأمر
الله يبارك فيك اخى ممدوح وشكرا ليك كثير على تعبك معايا
واطمئن خلاص انا استشرت بما فيه الكفايه واللى فاضل فقط هو توفيق الله للشراء اما ان يوفقنى الله او يصرفنى عنها ايهما يقضى الله انا راض لان اختيار الله هو الاصلح لى
لكن يا اخى مش عارف ليه الشيطان بيسرح بيه وبيوسوس لى وحاسس انى لو ركبت اى عربيه هااعمل حادثه وهذا الشعور مقلقنى شويه صحيح ان الاعمالر بيد الله ولاتعلم نفس ماذا تكسب غدا وماتدرى نفس باى ارض تموت ولكن هذا الشعور بيراودنى كثير
مش عارف بقى هل هو احساس المؤمن ولا ده شعور عادى لانى عمرى ماركبت عربيه فى حياتى وكمان فى شئ قلقنى انى بانام لما اركب اى مواصله فهل مع القياده ده بيحصل ولا القياده بتخلى الواحد ماينامش
معلش انا عارف انى دوشتكم شويه لكن شعورى انى مع اخواتى شجعنى انى اتكلم معاكم بصراحه شويه
والله أعلم يا د. إبراهيم دي ممكن تكون بس رهبة التجربة عشان حضرتك أول مرة تسوق عربية
أكيد أي حد بيتخيل نفسه وسط معمعة المرور اليومي ... هيحس برهبة لحد ما يكسر الحاجز بالتجربة وينزل يسوق هيلاقي نفسه ماشي وكل حاجة تمام إن شاء الله
حضرتك حاول تأجر عربية أو تاخد كورس تاني سواقة قبل إستلام العربية مباشرة عشان تكون الممارسة حاضرة (في بعض المدارس بتدرب على السيارة الخاصة ودي ممكن تكون حاجة مفيدة في أول أيام الإستلام).
والإنسان بيكيف نفسه دايما مع الوسط المحيط ليه ... فلو حضرتك بتنام وإنت مش سايق؛ أكيد حواسك هتتنبه وإنت سايق - بس حاول متسوقش وإنت مجهد أوي أو مش نايم كويس
وشغل قرآن في العربية وطلع حاجة لله أول ما تستلمها - ولو البنك مش هيأمن عليها أمن عليها حضرتك.
والواحد بياخد بالأسباب وكل قضاء الله خير
أنت تاعب نفسك لية لو خايف من الحوادث ومجيبتش عربية يبقى كل الناس مش هتجيب عربية وحدش هيركبها - سيبها على اللة - بس نصيحة مترميشى كل فلوسك فى عربية وتقعد من غير خزين علشان لو قدر اللة وحصل حاجة تعرف تغطيها فمثلا
أنا عندى واحد صاحبى جاب عربية صنى زيرو هما يومين وعمل حادثة وصرف 25 إلف عليها ومن يومين واحد صاحبى تانى معاة لانسر 2007 وعمل حادثة وعمال يصرف عليها لغاية دلوقتى.
أنا لما شفت كدة وكنت هرمى إللى ورايا وقدامى فى العربية وأدفع قسط - قلت لو قدر اللة وحصل حاجة أزى أعرف أحوش 20-25 إلف وانا بدفع قسط معدى الألف جنية ولا 5 سنيين - كنت هركن العربية قدام البيت وأقعد أتحسر عليها فى الرايحة والجاية وعمال ادفع أقساط فى حتة خردة تحت البيت