[quote="ابوحميد"]الاخ العزيز
انا عارف ان فيه ناس كتير متحاملة على الصينى
بس انت حضرتك ربنا اداك عقل وتعرف تميز بين الكلام الصح والكلام الغلط
يعنى ممكن يكون اللى بينقد الصينى متحامل على العربيات الصينى وممكن يكون كلامه صح
يعنى انت تميز بين النقد السليم اللى يعتبر من باب النصيحة لوجه الله
والنقد اللى يعتبر من باب الهجوم لمجرد الهجوم والتكبر على مخاليق ربنا
انا نفسى عندى تحفظات على الصينى لكن فى نفس الوقت شايف انه ليه مستقبل فى مصر ومفيش حاجة بتنجح بين يوم وليله
يعنى لما واحد يسالنى اشترى صينى ولا لا اقول له مش دلوقتى اصبر لغاية لما نشوف العربية هل حتثبت اعتمادية ولا لا
لكن لو واحد جانى وقاللى انا اشتريت صينى اقول له مبروك عليك ربنا يباركلك فيها
لانه ايه لازمة التبكيت فى اللى اشتراها وخلص
وليه اكسر فرحته حد عارف مش يمكن فى يوم يطلع انه هوا اللى صح وانا اللى شايفه غلط
والاخ العزيز خلف متشيلش فى نفسك كدا
اهم حاجة انت عربيتك حلوة فى نظرك وانا حاسس بيك لانى مريت باللى انت مريت بيه بطريقة ما
وافكرك بعبارة تقول
ان لا سلامة من السنه الناس مكتوبة على ساق عرش الرحمن
ومرة انيس منصور قال " فشلت فى التوصل الى حقيقة الخلطة السرية للنجاح ولكنى نجحت فى التوصل الى حقيقة الخلطة السرية للفشل الا وهى محاولة ارضاء جميع الناس"
المفضلات