انا جبت صورة خرطوم هواء اللى خلف الموبينا مش عارف بيركب فين هل تحت المنفول ولا فين
عرض للطباعة
انا جبت صورة خرطوم هواء اللى خلف الموبينا مش عارف بيركب فين هل تحت المنفول ولا فين
الصور مش واضحة
بس انت قصدك على خرطوم الماب
الخرطوم دة بيركب بين البوابة و بين السلونويد بتاع تشغيل الEGR
الطرف التانى للخرطوم حيمشى تحت النافولد لحد البوابة من تحت... البوابة من تحت فيها بزبوزين فبر واحد تخين وواحد رفيع... الخرطوم دة بيركب فى البزبوز الرفيع
MMamdouh
الف شكر ياستاذ محمد
بس جيت اوصلة لقيت البزبوز الرفيع مكسور اعمل اية
1- هل البزبوز بيتغير ولا لازم اغيرها كلها
2-هل توجد جديدة ولا استيراد وما سعرها
3- مافائدة هذا الخرطوم او وحدة e g r
4-هل من ضرر اذا لم اغير البزبوز
والف شكر على اهتمامك
البزبوز راكب فى فبرة بتركب فى البوابة من تحت... انت محتاج الفبرة دى فقط... مش عارف فيه جديد ولا لا... معتقدش... جرب تشوف عند بتوع الاستيراد او عند الميكانيكى بتاعك لو عندة بوابة قديمة تاخد منها الفبرة
وحدة الEGR بتخل عادم على شحنة الهوا و البنزين عشان تكتم الموتور سنة لما غازات العادم حرارتها تعلى عن حد معين و غازات العادم يبقى فيها نسبة عالية من اكاسيد النيتروجين... من الاخر وظيفتة الحفاظ على نسبة معينة من غازات العادم الضارة و عدم تخطيها... اكتر من كدة مبيعملش حاجة
لا توجد اى اضرار... بعض محركات اللانوس بتنزل من غيرة اصلا
MMamdouh
طاب يا باشا ال egr كده بيحافظ على البيئة على حسب الموتور , صح ؟؟؟ و الافضل خلعه
مش على حساب الموتور... على حساب شوية من الاداء
لو عايز تلغية فكة و حط تحت منة جوان اعمى و ركبة تانى
MMamdouh
مش فاهم قصدك انهى خرطومين... انا اتكلمت عن خرطوم هوا واحد... لو قصدك على عكس تركيب الخرطومين اللى فى البوابة من تحت فا الخطوم التانى بتاع بخار البنزين تخين اوى فا لا خرطوم الهوا حيركب فى البزبوز التخين و خرطوم البخار حيقع من البزبوز الرفيع
MMamdouh
انا اقصد الخرطوم اللى بيركب فى وحدة egr فى خرطوم بيطلع منه وبيركب فى بزوز على يمينة اللى وراء الموبينة يوجد فتحتين لو ركب فى اى واحد منهما صح ولا ممكن يكون فى مشكلة
الحتة اللى بتتكلم عليها دى السلونويد بتاع الEGR و دة عبارة عن صمام كهربائى بيتحكم فيه الكونترول و من خلالة بيوصل الفاكيوم للEGR عشان يشتغل
معنى كدة ان فيه فتحة منهم متوصلة بالEGR و مبيبقاش فيها فاكيوم الا لما الكونترول يشغل السلونويد.... و التانية واصلة بمصدر الفاكيوم طول الوقت
اذا لو عكست الخراطيم حيبقى الوضع مقلوب و الفاكيوم حيبقى فى ضهر السلونويد... معرفش هل ممكن يتفتح لوحدة من تاثير الفاكيوم ولا لا
الافضل تركبة فى مكانة الصح... الفتحة اللى فى اتجاة الصدر رايحة للEGR و الفتحة اللى فى مواجهة كابوت العربية رايحة للبوابة
http://i83.photobucket.com/albums/j3...GDSC0005_3.jpg
MMamdouh
تسلم ياستاذ محمد على هذا الشرح الوافى
انا اضريت ادخل معرض سيارات واتفرج على لانوس شيفرولية وافتح الكابوت واشوف التوصيلة ماشية ازاى وطلعت زى ما انت صورتها
جزاك الله كل خيرا
فى سؤال ثانى هو وحدة egr بتخلى الدريكسون فية مرونة وتعيد تكثيف البنزين ولا لأ واذا لم اقم بالتركيب الصحيح هل يودى الى استهلاك كمية من البنزين
وشكرا
الEGR ملوش اى علاقة بدورة البنزين او اجهزة التوجية
MMamdouh
استاذ محمد بصيت لقيت العربية لانوس1 موصلة خرطوم الهواء القادم من وحده egr فى الفتحة رقم 1
اما العربية لانوس 2 موصلة خرطوم الهواء القادم من وحده egr فى الفتحة رقم 2
ايهما صح انا بقيت محتار عربيتى لانوس 1
لانوس 1 زى لانوس 2 و الترتيب اللى فى الصورة هو الصح
MMamdouh
شكرا استاذ محمد