الموضوع: كلاكيت تانى مرة لإصحاب الكارينز!

المشاركة الأصلية كتبت بواسطة ahmedrashed

اشكركم جميعاً على هذه التهانى الحارة.انا حجزت عند القصراوى يوم 10/11/2009 و لكن اوفر برايس طبعاً.والسيارة اوتوماتيك حمراء ولون التابلوه رمادى اما البيج فلم اسمع عنه.والفرش الداخلى فى منه لونين رمادى غامق او بيج وانا اخترت الرمادى.اما بخصوص البنزين فلم اقم بحسابه وهو تقريباً لتر/10كم.ولكن اعدكم ان اقوم بحساب البنزين بالضبط واخبركم عنه فى القريب العاجل ان شاء الله.

دفعت كام اوفر والحجز كان بكام
والف مبروك وربنا يبارك لك فيها

يا رب سهل بس ارجوك قول معلومات اكتر

المشاركة الأصلية كتبت بواسطة m_s_h_a

دفعت كام اوفر والحجز كان بكام
والف مبروك وربنا يبارك لك فيها

دفعت 5000 جنيه اوفر اما الحجز فكان بجواب البنك فقط لانى اخذتها قسط. وعلى فكرة انا حسبت البنزين داخل المدينة وهو لتر/12كم بالضبط.وانا ذاهب غداً إلى التوكيل فى ابو رواش لعمل صيانة الألف و تركيب الإنذار وبعد العودة إن شاء الله سوف احكى لكم عن التفاصيل كاملة من ناحية التكلفة المالية ومن ناحية المعاملة فى التوكيل. واى سؤال انا تحت امركو.

عملت إيه يا باشا في التوكيل وإيه نظام الانذار

السلام عليكم
انا كنت اعوز اعرف هل منها في مصر 7 راكب وبكام سعرها وهي افضل ولا رينو لوجان mcv لاني محتار وعاوز اجيب عربية عائلية ارجو سرعة الرد اخوك محمد

المشاركة الأصلية كتبت بواسطة omaradel

عملت إيه يا باشا في التوكيل وإيه نظام الانذار

اسف على التأخير يا جماعة واليكم تفاصيل الصيانة وتركيب الإنذار.1-بصراحة استقبالهم جميل ومحترم.طبعاً اسمى كان مسجل بالميعاد لأنى كنت حاجز واول ماوصلت فصصوا العربية من جوه وبره قبل استلامها.واستلموها منى الساعة 12.30 بالضبط وقالولى تستلمها ثانى الساعة 3 عصراً والتكلفة سوف تكون فى حدود 1200 جنيه.قلت ماشى طبعاً. 2-نزلت وجلست فى الاستراحة وهى بصراحة استراحة محترمة والمشروبات فيها مجاناً وطبعاً ماكنتش مصدق فى الأول لأن بلدنا مافيش فيها حاجة مجاناً إلا حاجة واحدة وكلكو عارفينها طبعاً.وعلى فكرة الاستراحة فيها wi-fi يعنى لو واحد معاه لابتوب هيعيش حياته ولن يشعر بالوقت. 3-الساعة 3 بالضبط لقيت موظف محترم نازلى وبيقولى احنا اسفين جداً لاننا لما قلنا لحضرتك الوقت نسينا نحسب نصف ساعة زيادة هى وقت الراحة للعمال و بالتالى الاستلام هيبقى 3.30 يعنى بعد نصف ساعة بالضبط... قلتله ماشى وعلى فكرة انا بردو نسيت اقولكو على حاجة ان عندى مشكلة فى ضبط موجة fm فى الراديو والمشكلة انه بيجيب الارقام العشرية فردية فقط ومفيش زوجية خالص يعنى مثلا يجيب 100.7 وبعدها 100.9 لكن 100.6 او 100.8 لا توجد. فقال لى ثوانى اذهب اقولهم وارد على حضرتك. وبصراحة دا اول واحد اقابله يقول كلمة ثوانى ويصدق فيها.لان فعلا فى اقل من دقيقة لاقيته نازل ثانى وبيقولى انهم اكتشفوا المشكلة فعلا فى الصيانة وهم بيكشفوا على الكاسيت وانه ماكانش بيجيب الارقام العشرية الزوجية وبس دا كمان فى نصاص ماكانش بيجيبها زى 100.75 وقالى انهم اكتشفوها وحلوها كمان. 3- الساعة 3.30 بالضبط لاقيت نفس الموظف نازل وبيقولى كله تمام والعربية فى انتظار حضرتك جاهزة ومغسولة كمان. فطلعت حاسبت وكان المبلغ المطلوب 1090 جنيه واستلمت العربية مغسولة و تمام التمام. 4-اما الإنذار فهو بصراحة ممتاز وكويس جداً عيبه الوحيد شكل الريموت شكله عادى يعنى مش فخم. لكن بصراحة الحق يقال انهم توكيل محترم وعندهم ضمير. واسف على الاطالة لكن فضلت احكى كل التفاصيل.