استفسار عن الدبرياج للمتخصصين والفاهمين
سؤال يا جماعة مهم جدا انا من حوالي شهر كدة بدأت احس ان الدبرياج لما العربية بتمشي وتسخن شوية يبتدي يضايقني في الغيارات شوية بمعنى ان الغيار ما بيجيش بنعومة زي والعربية باردة
مع العلم ان سحب العربية زي ما هو لم يتأثر .....فكشفت على زيت الفتيس لقيتة تمام ومش ناقص خليت الميكانيكي على سلك الدبرياج شوية بس نفس العيب موجود فوطيتة تاني ... عارفين تحس كأنك بعد ما دوست الدبرياج على الاخر لسة سنة صغيرة علشان يفصل الحركة معالك وتتحرك عصاية الفتيس بنعومة.
تفتكروا دا عيب اية ....؟
ارجو من اخواتي الاعضاء الرد بسرعة علشان اعالج العيب قبل الموضوع ما يزيد ويأثر على حاجة تانية
ثانيا لو العيب اسطوانة وديسك وبلية لاني اعتقد ان دول كل مجموعة الدبرياج ... هل لو اتغيروا كلة يبقى تمام ( مع ان سحب العربية حلو على المطالع كمان ) ولو اتغيروا اجيب افضل نوع اية وبحوالي كام ومنين ؟
اشكركم جدا مقدما
ولا يهمك ان شاء الله انا افيدك
الموضوع ده كان عندى انا كمان ورحت التوكيل عملولى مشكله وطقم دبرياج وديسك واسطوانه وبلى قولتلهم شكرا جدا ربنا رزقنى بواحد مكنيكى فشارع بين السريات عند المرور بجوار ابو الحسن لقطع غيار سيارات سكودا الاصلى وقلى ولا يهمك دى بليه بس ب65ج وهوه خد 50ج يعنى الموضوع كلفنى حوالى 150ج بدل من 2000ج فى التوكيل وكل متروح بدرى يبقى افضل علشان لو البليه عندك بايظه هتاكل فى السيخ وتخش فى مشاكل كبيرة لاقدر الله
تمنياتى لك بالتوفيق