ممكن سؤال بس علشان السغر كده كويس
هو الزجاج الى عند دكتور جريش antidust ولا عادي
علشان لو عادي يبقى سعره كده طبيعي لكن لو كان زي الاصلي يبقى سعره ممتاز
وشكرا
ممكن سؤال بس علشان السغر كده كويس
هو الزجاج الى عند دكتور جريش antidust ولا عادي
علشان لو عادي يبقى سعره كده طبيعي لكن لو كان زي الاصلي يبقى سعره ممتاز
وشكرا
اقتباس:
المشاركة الأصلية كتبت بواسطة tornado_5m
يعني ايه antidust?
يا ريت حد يشرحلنا يا جماعة؟وازاي نعرف أنه عادي ولا antidust
ده ازاز 3 طبقات لما بيتخبط بيتفتفت مش بيتكسر و يعور
أيوة اللي هوا بيتقال عليه تربلكس شكرا على التوضيح يا باشااقتباس:
المشاركة الأصلية كتبت بواسطة powerofhelll
يا جماعة هو مش زجاج البيرسونا مختلف عن الجين2 ؟
متهيألى الخلفى هو المختلف صح ولا إيه؟
أنا للأسف معرفش يا أبو مييم
اقتباس:
المشاركة الأصلية كتبت بواسطة أبومريم
تسلم يا باشا
هنشوفك إمتى بقى ؟:shyy:
ياريت يا باشا نظبط مقابلة عشان نفسي اتعرف عليك واشوف كل الناس الحلوةاقتباس:
المشاركة الأصلية كتبت بواسطة mayyam
السلام عليكم ياجماعة
أولا أحب أشكر أ/عبد الرحمن لتعاونة وإفادته ليا فالموضوع دا
أنا كان عندي البرابريز الأمامي أنكسر واحد أبن حلال وأنا تحت نفق نصر الدين فالهرم رمى طوبة لتحت على العربيات اللي معدية وطبعا كنت أنا صاحب النصيب وكسبت كسر البرابريز بتاعي دون عن باقي العربيات على الرغم من أني كنت ماشي شمال ونقلت حارة يمين علشان ألحق الجايزة:rolleyes2: المهم طبعا نزلت أني ألاقي حد مفيش و أن لقيتوا ممكن يديني من الهدايا مالز وطاب فمشيت وأنا متعكنن وقرفان لأني كعادتي متعود بالمشاكل يوم الأحد طبعا كل الناس قافلة
بالمحاولة بالتليفونات لقيت الأتي
واحد من طرف أولاد علام عندوا البرابريز الأمامي بــ 600 جنية(نوع الأزاز 3 طبقات مستورد) أولاد علام ملوش علاقة بية بس كانت مجرد خدمة دا اللي تقالي طبعا أندهشت قوي
روحت مكلم المركز بتاع فيصل قاللي أن عندوا واحد بيركب لعربيات الحوادث عندوا بــ 750 جنية (د/جريش أصلي أصلي)قلت دا كدا تمام إظاهر أن أنا النهاردة نجمي عالي والجوايز نازلة عليا ذي المطر قفلت الموضوع لتاني يوم وكلمت د/جريش العاشر قاللولي موجود وكعادتنا أننا صفوة قاللولي مفيش غير برابريز واحد ويتلحقوا يا متلحقوش لأن لو جاتلنا عربية عايزة مش هنقلم لا نوع من أنواع المساوة كويس عموما قاللولي كلمنا قبل ماتيجي باردوا علشان نأكد أنوا موجود فعلا كلمتهم تاني في نفس اليوم الساعة 4:50 عصرا قبل مايقفلوا علشان أطمن أنوا هيبات فالمخزن وفعلا روحتلهم إنبارح الساعة 9 أنا واحد صاحبي باردوا كان رايح بـ أوبل كورسا 2006
نظام جميل فالإستقبال العربيات وترتيبها تحت مظلات
تأخد رقم المظلة وتتدخل الإدارة تبلغهم رقمها ونوع عربيتك وأية الإزاز اللي عايزوا وأسمك وهوا يقولك تتدفع كام (جين 2 دفعت 370 جنية-والأوبل كورسا دفع 290 جنية) وبعد كدا قاللي أستنى جنب عربيتك
فعلا بعدها بعشر دقايق جت عربية سوزوكي صغيرة عليا كذا برابريز منهم بتاعي وبتاع صاحبي كل برابريز علية أستكر مكتوب علية أسم العميل ووقت الدفع ورقم المظلة ونوع الإزاز والعربية
حطوا الأزاز على أستاند موجود أمام كل باكية للتجهيز
وفعلا بدأ فني لكل باكية يفك الأزاز المكسور(عملية سهلة مش محتاجة فك أي حاجة من جوا بكاتر بيقطع الزق اللي ماسك الأزاز اللي كان راكب عندي كان راكب بسيليكون أبيض زبالة) المهم فكوا الأزاز المكسور ونضف الفريم بتاع تركيب الأزاز من الزق القديم وقام جايب اللزق بتاعهم(سيكا فليكس مادة سودا كدا ذي السيليكون بس أنضف بكتير وفعالة أكتر مش موجودة عند ناس كتير برة هي دي فايدة المشوار) المهم فضا الأنبوبة كلها حوالين المكان اللي هينام علية الأزاز وقام 2 فنين لفوا الجوان حولين الأزاز برة وجابواه سقطوا مكانوا وقاموا ملزقين بلزق عادي علشان يمسك مع العربية ونضفوا الأماكن اللي فاضت فيها السيكا من تحت الأزاز وبقا كلوا تمام ووصوني ممسحش الإزاز ولا أجيب عندوا ماية
الأستفادة من الموضوع
*الناس عند جريش كمصنع إزاز معندهمش عدة تعتبر لتركيب الأزاز كلوا مانيوال
*مفيش حاجة بتتفك وبترجع ذي ماكانت الفيبرة اللي تحت الأزاز وعند المساحات عليت حوالي 1:2 مم
*السيكا فليكس بعد التركيب فاضت من جوا وجت على حتت كدا مت الفرش اللي حولين البرابريز من جوا إن كانت فيبرة القايم أو فرش السقف
*البرابريز اللي عندهم من غير شماسة(الجزء الغامق اللي فوق المراية) على عكس اللي كان راكب كان فية
*طبعا هدية من أيد العامل على الكرسي لحسة سيكا:I_angr1[1]:بس راجل غلبان هالوم علية أقلوا أية يعني.
*مشوار محترم من الهرم للعاشر 85 كم رايح و زيهم راجع
*الراجل قاللي أمشي بية عادي بعد التركيب مباشرة بس أنا مرضيتش وقفت فالشمس حواللي 3/4 ساعة وأخدت الطريق على مهلي شوية
*البرتون قطع غيارها أليمة حتى الأزاز
*العربية عامة كويسة جدا لو مفيهاش مشاكل لكن أي حاجة بتظهر فيها بتكون وجع قلب
*محدش ياخد قرار فتصليح حاجة فالعربية وقتي وهوا قلقان أو متعصب خد وقتك فالتفكير علشان منتروقش خاصة أن اللي في أديهم العربية معدودين(الصنايعية ومحلات قطع الغيار)
كان في واحد في ش شهاب المهندسين مشهور لقيتوا عندوا بـ 400 جنية بس كنت نويت أروح العاشر
أسف للإطالة بس حبيت أنقلكم التجربة تماما كما هي:lurk5: