انا كنت عاوز اعرف انا لازم اسخن العربيه قبل ما امشي ولا ايه ؟
في ناس قالتلي لازم تسخن العربيه علشان متبوظش
وفي ناس قالتلي لا مش لازم انت عربيتك جديده
انا معايا لانسر بومه 1600 موديل 2009
عرض للطباعة
انا كنت عاوز اعرف انا لازم اسخن العربيه قبل ما امشي ولا ايه ؟
في ناس قالتلي لازم تسخن العربيه علشان متبوظش
وفي ناس قالتلي لا مش لازم انت عربيتك جديده
انا معايا لانسر بومه 1600 موديل 2009
بص خير الامور الوسط يعنى سخنها 30 ثانيه او دقيقة بالكتيير مفيش مشاكل
انا معايا ماتريكس 2007 ماشيه 73000 كم مش بسخنها خالص غير نادرا لما اسخنها كام ثانيه
عندى جارى راكب النترا عامله 31000 كم بيسخن عربيته كل يوم 5 دقايق و بيقولى اعمل زيى علشان طلمبة الزيت متبوظش... و عربيته بتعمل حاجات غريبه
لو بصيت فى الكاتالوج احتمال تلاقى مكتوب متسخنش اكتر من 30 ثانيه الى دقيقة
يعنى اتحرك بالعربية بس متحرقش و لا تنقل بدرى يعنى تنقل عند 2500 الى 3000 rpm و لحد ما مياه التبريد توصل لدرجة الحرارة الطبيعية لظروف تشغيل المكنة
دقيقه كفايه عشان الموتور وعشان زيت الجيربوكس يسخن كمان
بص يا سيدى العربيات الجديدة فيها ما يسمى بال isc او الايديال اسبيد كنترولر و هوة بيرفع الار بى ام عشان العربية تسخن فى وقت اقل و ماتحتاجش تنتظر كتير. بس القديم لازم تنتظر دقيقة او اتنين لحد لما تسخن و الزيت يلف على اجزاء الماكينة
انا فعلا عندي نفس المشكله وكل مره اقول فيها اني هسمع الكلام الناس الي هنا وهسخن بس دقيقه واحده ولما اجي امشي بحس ان العربيه لسه بارده وصوتها عالي فاقوم اصبر شوي كمان لان انا عارف لما العربيه بتسخن صوت المحرك بيقل وبيهدي عن الاول فيا ترى امشي بيها عادي حتى لو صوت المحرك عاالي والسيارة بارده ومؤشر الحرارة ما اتحرك
دقيقة على الاقل حلو أوى علشان الزيت تقل لزوجتة و يدخل فى الخلوصات بالموتور و يقلل الاحتكاك