المشاركة الأصلية كتبت بواسطة mohamedmmm2
يا جماعه الفكرة مش فكرة سيراتو ولا غيرها... الفكرة فكرة ناس بتجرى ورا الهيافات مش الاساسيات...
طب ماهو السيراتو الشكل القديم دى نفس الموتور 124 حصان اوتوماتيك و121 مانيوال ونفس الشاسيه ونفس قاعدة العجلات
لو انتوا فكرتوا بتروى شويه... ليه الناس جريت ورا السيراتو اول ما طلعت بشكل خزعبلى وتحس ان فيه سباق على الشرا؟؟؟
الاجابه ان احنا شعب بيبص على المنظرة والشكل وبينسى دايما المضمون والدليل العربيات الصينى اللى اول مانزلت كسرت الدنيا ومع ناس صحابى بيندموا اشد الندم على انهم اشتروها والدليل الاكبر والاكبر العربيات الشيرى اللى كانت عامله احلى شغل من سنتين... فجأة اختفت وبقى صعب انك تلاقى واحدة منها فى الشارع اصلا...
انا ليا نظريه الكورى لحد ال 100 الف (بالعافيه) واليابانى لحد 150 الف والباقى للاوروبى بلا منافس...
انا كان زمان معايا لانوس وغيرتها بفيات سيينا ودلوقتى معايا بولو سيدان
والله السيينا دى خليتنى افهم يعنى ايه نضافه ... امسك فتيس الانوس وقارنه كدة بالسيينا... حاول تقارن الموتور فى الاداء والاهم العمر الافتراضى... انا بعتها 210000كيلو والله سحب وعزم الزيرو وانا اصلا مجنون مش بمشى غير وانا حارق وغالبا بنقل عند 5000 لفه تقريبا...
ولما جيت اشترى كنت فى حيرة ما بعدها حيرة فى الرنج مافيش غير كورى وحاجات تانيه انا مش هاقدر اركبها ومش المقياس ابدا قوة الموتور انا كان قدامى اشترى 1600 وفضلت اشترى 1400 فى مقابل ركوبه محترمه وعربيه تشيلنى لو حصل حاجه لا قدر الله...
انا مقتنع ان لو هاتشترى مستعمل الكورى انسب عشان قطع الغيار مش اكتر لانك لو كان معاك فلوس كنت هاتشترى جديد (على فكرة انا كنت هاموت على الجراند بونتو بس للاسف الظروف ماسمحتش)
بس انا مستغرب ازاى الناس تدفع 130000 فى سيراتو مع انك ممكن تشترى حاجه ارقى مليون مرة وبنفس السعر؟؟؟
فين الفيات برافو واللينيا... فين الفورد فوكاس(بموت فيها على فكرة وقطع غيارها رخيصه جداااااا والمفاجأة قطع غيارها ارخص من السيراتو كشاف كامل قدام 700 جنيه- طنابير قدام او ورا 400 - تيل فرامل امامى 370 مفيش بعد كدة يعنى) والرينو ميجان
والهوندا سيتى والسوزوكى sx4 والسوبارو امبريزا(اثبت عربيه سيدان صغيرة ممكن تلاقيها فى حياتك) وغيرهم كتير
والرد على ان ناس كتير ماشتكتش من السيراتو دة يرجع لاسلوب السواقه لو انت بتسوق باسلوب شديد شويه هايبان معاك جدا عيوب العربيه والثبات والاداء والقدرة على الاحتمال
بس لو انت اصلا هادى فى السواقه ومش بتعدى ال 80 اى عربيه فى العالم هاتبقى احسن عربيه ركبتها...!
انا مش بزم فى السيراتو العربيه كويسه انا بس معترض على الانتشار الاكتر من اللازم وعدم الوعى والشراء بناء على الحاله العامه(يعنى لقيت الناس كلها بتشترى فا اقول ان العربيه حلوة واشتريها انا كمان)
فا ياريت قبل ما اى حد ياخد قرار شراء يفكر ويحلل ويشوف الانسب له ومايجريش ورا الشكل او الكماليات وينسى الاساسيات لان اكيد انت بتصرف كل فلوسك على العربيه لان لو كان معاك اكتر كنت اشتريت مرسيدس ولا بى ام اكيد ويارب اكون وضحتلكم