الموضوع: لكل مالكي لانسر شارك ,,,,,,,,,,

أقول لحضرتك :

صاحبي جايب العربية دي زيرو وعمل بيها حادثة للأسف .. بس انا هقولك رأيي في العربية بناء على الفترة اللي ركبتها فيها معاه ..

استهلاك الوقود انا مش مركز فيه بصراحة .. بس هقولك اللي اعرفه

الثبات ممتاز وكان بيطير بيها على طرق السفر كانت ما شاء الله تمام

ارتفاع العربية ده اه ضرر على الثبات شوية .. بس فايدة ليك في شوارع مصر دي .. يعني العربية ما شاء الله نادر لما بتحك في مطب ..

بس خلي بالك بقى ان بسبب ارتفاعها ده .. الملفات على طريق سريع متاخدهاش وانت بتجري بالعربية عشان متعومش او ديلها يحدف منك .. مع اني أقصى مرة شفت صاحبي ده جاب بيها ملف كانت السرعة 160 .. وكانت كويسة الحمدلله ..

الحاجة التانية الكيك داون في العربية والشدة بتاعتها عجباني بصراحة على موتور 1500 سي سي ومتنساش انه MIVEC موتور مطور

هتلاقي شرح الموتور ده في المنتدى .. واسمه بمعنى اصح موتور رياضي .. أقوى من المواتير اللي في اي لانسر قديمة .. هو صوته عالي شوية لما بتسحب بيها .. بس طبيعي الموضوع ده كموتور رياضي ..


الفرامل بتاعتها ممتازة .. كانت بتوقف العربية في أشد المواقف ..

رغم انه بهدل التيل واتاكل .. بس بردو كان التيل جدع مع صاحبي ههههههه


العربية ممتازة في نظري وعجباني شخصيا ولو حتى جيت في يوم وعدلت في شكلها هتبقى عربية تحفة .. يعني تعديلات زي ال
Need 4 speed والكلام ده ..

وفوق ده صاحبي للاسف عمل بيها حادثة .. شوف الموضوع ده
http://www.nilemotors.net/Nile/110378-a.html

شوف الحادثة عاملة ازاي ..

بس الحمدلله لسه عايش .. وحالته احسن دلوقتي من الاول .. العربية
لما شفناها لقينا عمود الفولاذ اللي في الباب ثابت ومنتناش رغم لو شفت الصور هتقول اتدشدش .. وتخيل انه مكانش حاطط حزام امان ولا الاير باج بتاع التارة فتح عشان العربية متخبطتش من قدام كمان ..

والحمدلله حمته .. ربنا يبعد عنك شر الحوادث ويحفظك ويحفظ جميع اعضاء المنتدى الكرام

المشاركة الأصلية كتبت بواسطة kemoelord

السلام عليكم :-

اود ان اشارك كل مالكي اللانسر " الشــــارك "او الي قام بتجربتها بعض من الاراء والاستفسارات ووجهات النظر عن السيارة دي ومنها :

1- اخبار السيارة من حيث استهلاك الوقود والسحب وياريت لو كل واحد متابع على الكمبيوتر تبعها الرقم الاستهلاك التقديري الي بيكتبه الكمبيوتر يعني كام لتر لكل 100 ك انا عندي بيبقى ال max 10.00 , min 8.8 l/100k

2- ايه اخبار ثبات السيارة سواء كانت على السرعات العاليه (مع ذكر السرعه) او مثلا لو الواحد مشي على تراب او رمل او اخد مطب هواء او كان ماشي على سرعه عاليه شوي وراح يدوس فرامل هل بتحدف او بتعوم منه في كل الاحوال دي

3- انا حاسس ان ارتفاع السيارة عن باقي مثيلاتها من السيارات الاخرى عامل سلبي وضد ثبات السيارة على السرعات ايه رايكوا في النقطه دي ؟؟؟؟

الربية اشتريتها من شهر واحد زيرو مانيوال من الرواس للاسبب التالية 1 الوسع المبلغ فية خاصة الكنبة عكس الصنى او ابترا او كروزو قريبة من الكرولا 2 موتور جميل جدا موفر للبنزين هادى يسعف فى الطلعات 3 العر مناسب لانها يابانى بس العيب الحيد الشنطة مش كبيرة شكرا

المشاركة الأصلية كتبت بواسطة kemoelord

اولا شكرا جدا على مشاركتكوا سواء من الاستاذ gundal او الاستاذ girgiskamal ,, بالنسبة للاستاذ gundal انا كنت عاوز حضرتك فعلا تتدخل وتعلق على الموضوع خصوصا انا بالفعل كنت قرات الموضوع الي كنت عملوا عن حادث صديقك من يومين كده فصدمت لما لاقيتك بتتكلم ان العربيه عومت من صديقك او بتعوم وبخصوص التعويم انا فعلا في الملفات لما باجي بحاول اخدها على سرعات بحس ان ديل السيارة بيحدف مني مش عارف هل لو عملت ظبط زوايا هيفرق معايا ولا لا لان من ساعة لما استلمتها لا عملت لا ترصيص ولا ظبط زوايا ,,, غير كده حضرتك عندك حق في باقي الكلام وشكرا جزيلا ليك وربنا يكفينا شر الحوادث والطرق

من عنيا يا كبير .. بس والله انا معرفش موضوع ظبط الزوايا ده .. بس زي ما قلت لحضرتك العربية عالية فايدة وعيب .. فايدة لشوارع بلدنا .. وعيب في السرعات العالية والملفات .. بس مش ضروري تاخد ملف بسرعة عالية


يعني أول ما توصل الملف وانت مصمم تجري هدي عنده ولف وبعدها اديها كيك داون تاني هههههه


انا كنت شفت مش فاكر مين والله بس حد معرفة مغير الكاوتشات مخليها اعرض شوية ومسقطها شوية كمان بس هتلاقيها ثبات خرافي وفي نفس الوقت بقى هيأثر على حاجات تانية .. فلازم هتعمل عفشة رياضية وموال ..

معلش استغنى عن الملفات بسرعات عالية



بس العربية عامة حلوة والله .. مشفتش منها حاجة وحشة وكان صاحبي مبهدلها ... مبيعملش فيها حاجة وعلى طول الناس مبتخبطش غيرها


بس والله العربية مش عارف تحس ان فيها سحر .. والله كان الاكصدام بيطبق تطبيقة غريبة كده تحس انه خلاص باظ .. الاقي صاحبي حط ايديه من جوه وعدله :10D5C8~1107:


العربية مصممة لامتصاص الصدمات بشكل فظيع .. ولو الحادثة جامدة زي اللي حصل ف الفولاذ والتصميم اللي جوه مصمم انه يحتوي الركاب ويحميهم بأعلى شكل ممكن ..

ده رأيي فيها صراحة .. على مدى 2008 و 2009 ركوب فيها :)

انا معايا العربية وباخد الملفات بالسرعة اللي انا عايزها والحمد لله عمرها ما عومت