التشبت بالدنيا
عرض للطباعة
التشبت بالدنيا
اولا .....احرق ذنوبي واخطائي وكبواتي
ثانيا ............ اعداء الدين في الخارج والداخل
ثالثا ............ اي نظام فاسد وظالم
الاهمال والاستهتار واللامبالاة هما الاسباب الاساسية لكل المشاكل
نفسى احرق الكام سنة الى فاتوا
حاجات كتير جدا نفسي أولع فيها
نفسي أحرق كل واحد بيرمي زبالته في الشارع
نفسي أحرق كل واحد بيفتري على اللي أقل منه و بيستعبده
نفسي أحرق كل غشاش بيبيع ابو قرش بمية و يستغل حاجة الناس أو جهلهم
نفسي احرق كل واحد مايع مسقطلي البنطلون و عامل سبايك و عايش على مصروف بابا و ماما و محدش بيسلم من ألفاظه ولا منظره القذر ولا أذاه عايش بلا هدف ولا له لازمة ولا قيمة و كل همه البنات والعربية والموبيل و خسارة فيه اللي أهله بيصرفوه عليه
نفسي أولع في أي أب أو أم سايبين عيالهم من غير رعاية ولا تربية لحد ما بقت حياتنا مليانة صيع و جواز عرفي و مخدرات
نفسي أولع في أي بنت مفرطه في جسمها و شرف أهلها و ماشية تستعرض نفسها بالمجان
نفسي اولع في كل اللي بيستحل لنفسه الحرام و الرشوة و الاكرامية و خصوصا العاملين في المرور سواء في الشارع أو التراخيص
نفسي أول في الأهمال و الامبالاة اللي مهما اتسببوا في الكوارث برضه محدش بيفوق و مهما ولعت قطارات أو أتقلبت عربيات برضه محدش مهتم ولا بيفوق
نفسي اولع في اللي بيغسلوا الشوارع و يرصوا الورد و الزرع لما مسؤول يعدي و يشيلوه لما يمشي و الغريبة انه المسؤول أول المحافظ ده كان قبل المنصب أو الوزارة مواطن عادي أو موظف كبير زي أي مواطن و كان بيقعد ساعتين لما أي مسؤول يعدي و عارف ان الناس بتعمل الحركات دي للمسؤولين و من أيام ما كان طالب في المدرسة و الجامعة كان بيشوف ده بعينة و بيتريق عليه مع اصحابه و مع ذلك مجاش حد طول السنين دي يغير الفكر ده نهائي!! مهو محدش بيتولد و هوه عارف انه هيبئى وزير يعني شاف الواقع ده مع المسؤولين اللي قبله و راضي بيه!!
نفسي أولع في سواق الميكروباص لما يقف يحمل في نص الشارع و يكسر على غيره من السوقين علشان يعتقد انه هيأخد رزقهم و مش مهم نظافة العربية أو ريحتها المهم هتدفع الأجرة دوبل و مش مهم أربع ورا أو خمسة المهم الأجرة..........و اللي مش عاجبه ينزل في ستين داهيه....
نفسي أولع في سواق الأتوبيس اللي بيجري الناس وراه و القوي بس اللي يعرف يجري و ينط و يركب و لا عزاء للناس الكبيرة و أمهاتنا و العاجز عن الجري مع انه هيدفع تمن التذكرة و مش مهم يقعد أو يعرف يقف و المشهد ده من أيام أفلام الستينات و السبعينات برضه هتلاقوا الناس بتجري ورا الأتوبيس مع اننا مكناش 80 مليون بالصلاة عالنبي......
نفسي أولع في أي واحد فاكرنا ساذجين و مهابيل من نوعية عبد القوي و المصري اللي على حق يقول للغلط لأ و سهم في الأيد انت مالك و مستفيد و الحاجات دي
هأقول ايه و لا ايه....................
نفسي أولع في كل اللي بيكره مصر و بيدمرها و بيسعى في خرابها.........
نفسي نكون كلنا نار و دمار لكل اللي بيهينا و بيجي علينا و بيخرب حياتنا....علشان نرجع مصرنا أقدم و أعظم حضارة في التاريج و فعلا يتحقق قول الحق تبارك و تعالى.......ادخلوا مصر ان شاء الله أمنين...........
و شكرا عالموضوع اللي لب علينا ملايين المواجع.........
احرق الفقر
اخطاااااااااااااائى وزنووووووووووبى
اكيد هولع في نفسي
:khd:
نفسي اولع في نفسي