من الزيتون للمقطم

**shehab_ahly** · 11-12-2009 02:29 AM

عايز اروح المقطم وانا ساكن فى الزيتون بالعربية
ازاى وشكرا

**ahmad--ezzat** · 11-12-2009 02:40 AM

تطلع تروح الحلميه...ثم ميدان المحكمه وتكمل...ثم ميدان اسماعليه بحيث ماكدونلدز سفير على شمالك وتكمل وتدخل صالح سالم وتفضل ماشى هتعدى على عمارات العبور وتكمل لاخره عند كوبرى اكتوبر هتلاقى كوبرى على الشمال فى اخر صلاح سالم تعديه وتكمل للاخر واسال بقا بعد كده

طبعا اسف للخبطه

**elrasy** · 11-12-2009 02:42 AM

هتمشى فى سليم الاول ناحية سراى القبة هتوصل لغاية كوبرى الطاهرة لف من تحية وكمل على طول فى شارع مش فاكر اسمة متهيالى ابن سندر (هوة امتداد ل سليم الاول)
هتوصل كوبرى القبة ادخل شمال طوالى هتطلع كوبرى الفنجرى وبعد شوية هتلاقى تقاطع الاتوستراد هتمشى يمين على طول لغاية ما هتلاقى يافطة كبيرة بتقول ادخل شمال للمقطم..

اتمنى اكون وضحت

**amrfox2002eg** · 11-12-2009 02:50 AM

السلام عليكم ورحمة الله وبركاته
سأفترض انك ساكن فى الزيتون ش سليم الاول عند مسجد العزيز بالله
هاتطلع على ش جسر السويس وتمشى فيه فى اتجاه كوبرى القبة هاتلاقى جنينة ابن سندر على يمينك وسور مترو مصر الجديدة على شمالك هاتمشى على طول لغاية لما توصل لكوبرى القبة هايبقى فوقيك خش شمال هاتلاقى اشارة تعديها وتكمل على طول انت كده ماشى على يمينك الكلية الفنية العسكرية وعلى شمالك مستشفى القوات المسلحة وفوقيك كوبر القبة لغاية لما يخلص هاتكمل والشارع هايحود يمين احود معاه وبعديها هايحود شمال احود معاه وخليك ماسك اليمين هاتلاقى كوبر الفنجرى فى وشك ماتتطلعوش وعدى من جنبيه يمين لغاية لما توصل لشارع صلاح سالم خش فيه يمين انت كده ماشى فى صلاح سالم فى اتجاه القلعة هاتلاقى فتحة شمال تعديك من الحارة الضيقة لنهر الطريق خش فيها وخد شمالك خالص هاتلاقى كوبرى قدامك اللى ماسك الحارة الشمال خالص هاتطلعه وتنزل وتكمل على طـووووول وبعديها هاتلاقى كوبر تانى (الفردوس)هاتطلعه وتنزل كمل على طول هاتلاقى نفق الازهر طبعا ما تنزلوش كمل فى صلاح سالم على طول هاتلاقى حديقة الازهر على يمينك وبعديها الشارع هايحود شمال احود معاه وبعديها بشوية هاحود يمين احود معاه مافيش 1 كيلو وهاتلاقى اشارة على الشمال وفى فى وشها طريق هو ده طريق المقطم هاتعدى الاشارة او هاتكمل وتلف ففى اول يوتيرن وترجع تخش الطريق ده وتمشى فيه على طول طبعا طريق المقطم معروف بتعاريجه الخطرة جدا فى اخر الطريق وبعد التعاريج والذى منه هاتمشى شوية هاتلاقى ميدان(النافورة)وبعديها شارع 9 على شمالك وهو الشارع الرئيسى فى المقطم
انا عارف ان الوصفة طويلة شوية وبرضه عارف انه فيه مدخل ليه من مدينة نصر وهايبقى اقرب كتير بس مش عارف الصراحة منين بالظبط علشان كده قولت اقولك على المدخل اللى انا عارفه لاية لما حد يرد عليك بالمدخل الاقرب
ارجو ان اكون اوضحت

**shehab_ahly** · 11-12-2009 02:50 AM

المشاركة الأصلية كتبت بواسطة elrasy

هتمشى فى سليم الاول ناحية سراى القبة هتوصل لغاية كوبرى الطاهرة لف من تحية وكمل على طول فى شارع مش فاكر اسمة متهيالى ابن سندر (هوة امتداد ل سليم الاول)
هتوصل كوبرى القبة ادخل شمال طوالى هتطلع كوبرى الفنجرى وبعد شوية هتلاقى تقاطع الاتوستراد هتمشى يمين على طول لغاية ما هتلاقى يافطة كبيرة بتقول ادخل شمال للمقطم..

اتمنى اكون وضحت

شكرا ياباشا
انت وضحت جدا وجزاك الله خير

**yoko** · 11-12-2009 02:52 AM

المشاركة الأصلية كتبت بواسطة elrasy

هتمشى فى سليم الاول ناحية سراى القبة هتوصل لغاية كوبرى الطاهرة لف من تحية وكمل على طول فى شارع مش فاكر اسمة متهيالى ابن سندر (هوة امتداد ل سليم الاول)
هتوصل كوبرى القبة ادخل شمال طوالى هتطلع كوبرى الفنجرى وبعد شوية هتلاقى تقاطع الاتوستراد هتمشى يمين على طول لغاية ما هتلاقى يافطة كبيرة بتقول ادخل شمال للمقطم..

اتمنى اكون وضحت

+1
صح كده وأنا بعدي على مطلع المقطم كل يوم بس أسهلك لو الدنيا فاضيه تاخد جسر السويس لحد تحت كبري القبة وإكسر شمال من تحته والوصفة هي هي