جرب كار بويز فى طريق السندباد لو عاوز حاجة فى ميكانيكا أو عفشة أو كهرباء موتور.
أصلاً كانو شغالين فى ألفا روميو
مش للدرجة دي بف أعتقد بعد الكلام ده كلة (والي إن شاء الله فاد صاحب الموضوع) إنه لو إختار الميجان أو التيدا هيبقى كسبان بس حاجة مقابل حاجة يعني ثبات في الميجان قصادة قطع غيار أرخص في التيدا وهو أكتر واحد يقدر يحدد
لكن أعتقد الكروز برة المنافسة لعدة أسباب توكيل تحت الصفر متور ضعيف بالنسبة لوزن العربية وإستهلاك بنزين عالي (منصور بيكتب أرقام الإستهلاك غلط في البورشور-عن تجربة في الأفيو بعد ما لقيت الإستهلاك عالي سألت التوكيل قالولي أحسن إستهلاك 8.5 لتر لل100كم على سرعة 90 وأنا كانت بتعمل معايا في أحسن الأحوال على الدائري 9.8 لتر لل100كم والسرعة مبتزدش عن 120والبورشور كاتب أقل من ال8 وأحسن إستهلاك بنزين في فئتها:khd:-)
أنا أعرف واحد ممتاز في الدقي بس برضه مش كل حاجه يقدر يعملها والسبب اللي قالهولي إن بعض قطع الغيار اللي بتركب لازم تتعرف على الكمبيوتر والتوكيل هم اللي معاهم ال Key للتغيير والضبط والتعديل ولا يوجد أحد خارج التوكيل يقدر يعمل كل اللي داخل التوكيل
انا ماعنديش مشكلة في التعامل مع التوكيل ولكن الواحد يحب يكون حر التصرف وغير مجبر للتعامل مع أحد خصوصا مع إحساس إن ممكن في يوم أتعرض للإستغلال بأي شكل وأكون مضطرساعتها لأن مافيش حل تاني
برضه أحد المهندسين قال إن التكنولوجيا الكتير في العربية الميجان لا تصلح لجو مصر مع الحرارة العالية والأتربة الكثيفة فالفرصة للأعطال أكبر ،
ياريت حد يفيدنا في النقاط السابقة من ملاك الميجان
1- تيدا
2- ميجان
ودول فى راى متقارربين فى المقارنة بس أنا شكل التيدا بيعجبنى جدا جدا وباحب شكل الميجان شيك جدا بردو بس التيدا عجبنى شكلها اكتر
3 - الكروز
أعتقد و الله أعلم أن الكلام اللى قالهولك غلط........ليه.....لأنى شفت عند كار بويز قبل كده عربية ميجان فاكك موتورها و بيعمله عمرة
و موضوع التكنولوجيا الكتير ده برضه غريب.........كل العربيات اللى بتنزل دلوقتى فيها نفس التكنولوجيا إن مكنش أكتر....زى الكورولا الجديدة....الجيتا و الباسات.....النيو سيراتو .... على سبيل المثال.
تيدا
ميجان حلوه بس تكنولجيا عاليه قوى وبتعمل مشاكل واحنا ما عندناش ثقافة الوكيل وشكلها بيعفرطنى وقطع غيار مرتفعه شويه غير كده عربية محترمةعلى الاخر
وبلاد تشيلنا وبلاد تحطنا ونروح فى الاخر خالص نلاقى
كروز
بصراحة ولا واحدة من التلاتة
أوكتافيا اية 4 تضرب التلاتة و بصراحة عربية قوية و صاج دبابة و قطع غيار معقولة و توكيل معقول و بتمسك نفسها في البيع و سوقها حلو
عربية ناشفة شوية بس اعتمادية
أوكتافيا a4 مافيش منها زيرو خالص دلوقت وانا متفق معاك إنها عربية ممتازة وعملية
+11111
لو مش فارق معاك شكل جديد من قديم يبقى زي ما يوكو باشا قال الترتيب كالاتي...
1- ميجان (عربيه ممتازه, بس لازم تعرف تتعامل معاها, علشان هي عربيه مميزه بكل ما فيها)
2- التيدا أوتوبلس (عربيه اعتماديه جداا, و قويه, و كمالياتها ممتازه)
3- الكروز (عربيه كويسه و شكلها حلو و ملاكها بيشكروا فيها)
و ربنا يوفقك ان شاء الله...
خليك فى التيدا عربية يابانى عالية علشان المطبات مابتخسرش كتير ممتازة فى اداؤها ناس ركبوها وقالولى الكلام ده
وواسعة جداً جوه وموتورها قوى اتكل على الله وخدها ومش ها تندم
التيدا عشان تبقى عارف هى عربيه فيها تكنولوجيا متطور واعتماديه وقطى غيرها معمره وفيها ابشنز كتير وكل الى انتى عوزه فيها ده بلاضافه للمتور الكتطور اوى وكمان مفور فى البنزين
وعاليه وثبتها حلو بس تحس من بره انها صغيره شويه بس من جوه واسعه ومفيهاش عين ده طبعا بلاضافه للخامات وجوده التقفيل وانا من ملاك تيدا وهى مستحمله جو الخليج ومشتكتش نهائى وحتى مبتسخنش ومتغيرش فيها غير الزيت والفلتر بتاعه وبس
الميجان
عربيه حلو اوى وضخمه تحسسك بالشياكه وخماتها حلوه ومتطوره وفيها ابشت زى التيدا عربيه موتورها حلو بس مش جررايه اوى لان 107 حصان على الجسم الكبير ده بس مع شويه حجات لو عايز ترفع الهورس بور سعتها تتحل ومفيهاش مشاكل
عربيه موفره فى البنزين بس مش زى التيدا
تقفيلها حلو عربيه بتستحمل المطبات
تكيفها جميل وعلى فكره عربيه متتازه هى واليتدا بس لو مش فارق معاك ان التيدا اصغر شويه وتحس انها شبابى يبقى التيدا تنف ول عايز الشكل ونفس الوقت برده ممتازه جدا وعربيه انا بحبها يبقى الميجان واستنى شويه الشكل الجدي نازل قريب
لاكن بالنسبه للكروز بش منها وكمان منصور ده اسوال توكيل
تحياتى
بس بجد فين لسه موجودة الميجان الأوتوماتك ده ؟
معلش محتاجين نعرف !
كروز ثم ميجان ثم تيدا
:b4_007:
أشكر الجميع على مشاركاتهم وأنا في انتظار معرض الفورميولا في يناير وأعتقد هتكون الصورة وضحت أكتر بالنسبة للأسعار وأيضا الموديلات الجديدة نزلت وربنا يهدي باقي الشركات وينزلوا أسعارهم زي ما نيسان عملت وبعدها تويوتا
:120146b رحت النهارده عشان أشوف الميجان وقلت لو لقيتها هاشتريها إن شاء الله ....
وكانت الصدمة ...... الميجان خلصت وكل سنة وانتم طيبين..... ومش هاينزل من الشكل ده سيدان تاني وعرفت كمان إن في شكل جديد هاينزل هاتشباك فقط وإن السيدان وقفت وفي عربية بديلة نازلة مش ميجان اسمها فلوونس ....مش عارف ليه زعلت وحسيت إني ضيعت فرصة من إيدي ولكن في الآخر قلت
قدر الله وما شاء فعل
بالعكس ده يمكن ربنا بيحبك علشان متجبش الميجان وتستنى الفلوينس لإنها أحسن بكتير !!!
http://www.stoth.com/wp-......./plug...10-3-4-630.jpg
http://www.lincah.com/wp-......./upl...ew-588x393.jpg
الميجان افضل بس لازم التوكيل فى كل حاجة
الكروز كويسة