السلام عليكم
الميجان انا جربتها
باختصار عربيه ممتازه مفيش عليها كلمه
بس فى حاجات لازم تبقى عارفها وتشوف اذا كانت هاتفرق معاك ولا لأ
اولا هاينزل منها شكل جديد بعد شهر تقريبا
سعرها بيقع جامد فى اعادة البيع
اسعار قطع غيارها وصيانتها أغلى من العربيتين التانيين
لو ال 3 حاجات دول مايفرقوش معاك يبقى توكل على الله فى الميجان عربيه ممتازه وبجد هاتتمتع
وطبعا أدخل قسم رينو هاتلاقى عنها كل حاجه وحوش الرينو مش مقصرين
__________
نيجى للكروز
بصراحه انا مش فاهم حاجه من المواصفات اللى انت كاتبها اذا كان قصدك عالهاى لاين او التوب لاين
عموما كل الفئات حاليا 4 زجاج كهربا مش 2 وموديل 2010 مش 2009
العربيه لسه مانتشرتش اوى لكن اللى جابوها بيشكروا فيها
لكن يعيبها ان موتورها مش قوى اوى يعنى عربيه مش جرايه
فلو بيفرق معاك موضوع السحب والشد يبقى مش هاتنفع معاك
______________
التيدا معرفش معلومات كافيه عنها
لكن برضه ملاكها بيشكروا فيها ومميزاتها انها واسعه وموتورها قوى
المفضلات