أنا فاكر كان فى موضوع لحضرتك لتغير السوست الخلفية للنوبيرا بسوست اخرى ووضع عليات
كاوتش تجربة شخصية لحضرتك
هل مازلت الى ألأن بااقى على هذا التعديل ولو سمحت وضع رابط الموضوع لأنى تعبت من البحث عنه
وشكراً
عرض للطباعة
أنا فاكر كان فى موضوع لحضرتك لتغير السوست الخلفية للنوبيرا بسوست اخرى ووضع عليات
كاوتش تجربة شخصية لحضرتك
هل مازلت الى ألأن بااقى على هذا التعديل ولو سمحت وضع رابط الموضوع لأنى تعبت من البحث عنه
وشكراً
كل سنه وحضرتك طيب أولا
وأحمد الله أنك بخير
مع تمنياتى لك بدوام الصحه والعافيه
بالنسبه لتجربتى الشخصيه فى تعلية النوبيرا
فأليك رابط الموضوع بكل ملابساته
ههههههههههه
http://www.nilemotors.net/Nile/55703-a.html
ثانيا :
مش أنت معاك لانوس ياريس
أيه بأه موضوع النوبيرا ..........؟
باقى الى الأبداقتباس:
هل مازلت الى ألأن بااقى على هذا التعديل
ولو شيلتهم (حبيع النوبيرا )
شكراً ياباشا على سرعة الرد وكل سنة وحضرتك طيب و بصحة وسلامة
اناغيرت العربية من ستة شهور بنوبيرا 2006 وعلشان مشغول فى العمل منذ فترة الوقت كان لايسمح بدخولى على الموقع وربنا ييسر الحال لنا جميعاً
ألف مبروك
وربنا يجعلها مصدر خير وسعاده
أن شاء الله
انا جبت السوست ألأمامية للانوس وباقى الكاوتشتين ب10 جنية
اجيبهم منين واسمهم أيه هل موجوديين عند بتوع قطع الغيار
بعد أذن صاحب الموضوع
بم أننا بنتكلم مع الباش مهندس سمير عن عفشه النوبيرا
بالنسبه لبيضه المقص أنا عندى متبرشمه ب 2 برشام فى المقص عاوز أغيرهم افور البرشام و أركب بيضه جديده بمسمارين و صموله ولا أغير المقص أحسن
بالنسبه للكاوتشتين
الواحده أسمها كاوتشه بتلاته زنبه ( مش فاكر بيقولوا عليها بتاعة البيجو تقريبا )
وبتبقى على قد قطر السوسته بالشحط
ولو عاكست العفشجى بيقطعها عادى ....بيشقها علشان السوسته تبات فيها ( ومفيش مشاكل )
علشان لو فوجئت بالملحوظه دى
وعند أى واحد بتاع قطع غيار _جنب أى عفشجى بيبقوا فاتحين محلات علشان يسترزقوا على حس العفشجيه )
وسوست الانوس الأماميه قويه فعلا
فلو أستعمالك للعربيه لوحدك وأفراد أسرتك مش كتير ( زى حلاتى )
ممكن تكتفى بالسوست فقط
اقتباس:
بس يفضل وقت تركيب مسامير البيضه
تركب ورده سوسته تحت كل صاموله
علشان الوضع يبقى شبيه بالبرشمه والمسامير مؤمنه ضد الحل
+42
والدبدبه الرخمه دى انا طهقط منها التوكيل مش عارفلها حل
أيه الأرقام دى ياعم حساماقتباس:
+42
ليه بتختار أرقام مختلفه
ههههههههههه
انا شاكر ليك جداً يابشمهندس
انا نزلت من ساعتين اسئل على الكاوتش عند بتوع قطع الغيار الدايو فى وسط البلد والتوفيقية
ملقتش انا باكر رايح للعفشجى وهو يصرف فيهم أو أركب من غيرهم زى ماحضرتك قلت وأجرب
على بركة الله
وبالتوفيق
عملت بمشورتك يا هندزه
الميكانيكى مصمم أغير المقصات
قلتله ده الباش مهندس سمير بتاع الأسماعليه هو الى قال
ركبهم على مضض بالورد السوسته + 2 بيضه دركسيون وظبط الزوايا
بس عارف لو ................حيبقى شكلى وحش أوى
أشوف بعد سته أشهر لو تمام ليك أكله سمك عندى فى أسكندريه
لو مش تمام برضه العرض قائم من دلوقتى
تسلملى يا غالى
أنت يعنى بدبسنى كده بالحداقهاقتباس:
عملت بمشورتك يا هندزه
الميكانيكى مصمم أغير المقصات
قلتله ده الباش مهندس سمير بتاع الأسماعليه هو الى قال
ركبهم على مضض بالورد السوسته + 2 بيضه دركسيون وظبط الزوايا
بس عارف لو ................حيبقى شكلى وحش أوى
أشوف بعد سته أشهر لو تمام ليك أكله سمك عندى فى أسكندريه
لو مش تمام برضه العرض قائم من دلوقتى
تسلملى يا غالى
هههههههههههه
على فكره أنا طنطاوى وغرباوى أصيل
يعنى ماسك السنتر بتاع فهلوة وحداقة المصريين
بما أننى مولود ومتربى فى طنطا فى وسط الدلتا
ههههههههههه
ومش حسيب أكلة السمك كده كده
بس تكون جمبرى من النوع الفخم
أرجع معاك بأه لشويه جد
أنا عارف أن سيادتك ....هندزه أيضا
ومش شرط أى قسم من الأقسام
المهم نقدر نبنى تخيل عن ماهية الأشياء
طيب .....ليه الحاجه دى معموله وموجوده وبتتباع فى السوق
زى البيض بتاع المقصات مثلا
فهل البيض بيتباع لوحده ( بدون المقصات )
علشان حنلونه فى شم النسيم مثلا
بالطبع لا .....لأنه غير أهل لهذا
يبقى معمول ........ليه
علشان مش كل المقصات بيكون البيض فيها متبرشم
وعربيات شغاله كتير بالشكل ده
طيب .....لو صواميل مسامير بيضه من النوع المسلوق ده
(لأن المقلى بيبقى متبرشم)
حنفترض أنها هوت شويه
يبقى أيه السبب ....عيب عفشجى ...أو عيب تطبيق
علشان كده قولتلك
:Ob_mak1[1]:اقتباس:
بس يفضل وقت تركيب مسامير البيضه
تركب ورده سوسته تحت كل صاموله
علشان الوضع يبقى شبيه بالبرشمه والمسامير مؤمنه ضد الحل
ياباشا
أحنا كلامنا على البيض
أيه جاب سيرة الجلب بتاعة المقصات
هو أنت كنت حتركب بيض
فى مقص جلبه بايظه مثلا
حقى فى الجمبرى محفوظ ..........!!!!!!!!!!!!!!!
+ 1 ساندوتش