يا جماعة انا قصادى عربية اوبل كورسا
موديل 2007 كاملة مانويال فابريكة من جوة بس رشة اكصدامين وباب واحد فقط والشنطة والكبوت وعاملة 120000 كيلو فى ظل الظروف بتاعة اليومين دول تعملها كام
ضرورى يا جماعة ردوا عليا ولكم جزيل الشكر
عرض للطباعة
يا جماعة انا قصادى عربية اوبل كورسا
موديل 2007 كاملة مانويال فابريكة من جوة بس رشة اكصدامين وباب واحد فقط والشنطة والكبوت وعاملة 120000 كيلو فى ظل الظروف بتاعة اليومين دول تعملها كام
ضرورى يا جماعة ردوا عليا ولكم جزيل الشكر
فى حدود 60000 لأن العداد عالى قوى
60 الف ج إيه بس؟
انت قصدك السيدان مش كده 1600 سى سى ؟!
ياباشا أخرها 48 الف ج دى رشة برة وماشية أكتر من 120 الف كم
لسة من شهرين كده واحدة 2005 كانت عاملة 60 الف كم وفابريقة برة وجوة مافيهاش قلم بوية وصاحبها باعها على 50 الف ج بالعافية
انا اعتقدت انها سيدان
هيا فعلا سيدان
والراجل صاحبها طالب فيها 52.500
دة كويس ولا غالية كدى وشكرا لاهتمامكم
ده اللى لفت نظرى
الرش
و العداد العالى قوى
ايوا عالي اوي وممكن تكون عايز سير كاتينه حتى وشغل جامد نصيحه بلاش منها شوفلك وحده تكون نظيفه ومش ماشيه اوي
يا باشا عاوز تركب مستعمل نضيف وتدفع فيه 50 الف ولا أكتر
يبقى عدادها ما يزيدش عن 60 الف كم
وتكون فابريقة برة وجوة
وموجود بس اللى يدور ويصبر
ياريت ما تتسرعش لأن النوعية دى من العربيات غالبا بيكون صاحبها هاينها وعاوز يبيع بأعلى سعر عشان يغير
الله ينور يا باشا تمام
الف شكر يا حماعة على ردودكم وانا هصرف نظر عنها خلاص
شكر لله وشوفلك غيرها
افتكر 48 كويس عليها
دى برزيلى مش المانى وانت حتصرف كمان
عين العقل يا باشا
وربنا يعوضك بأحسن منها إن شاء الله
ولا خاب من استشار ...
انت عارف ان عربية زى دى لو تاجر خلصها لحسابه هايخسف بيها الارض وتوصل لـ40 الف ج كمان
أنا ما أنساش أبدا كنت رايح مع واحد صاحبى يشوف عربية أسترا مو 2001 اول يد استعمال بيتى كانت عاملة عداد 60 الف تقريبا ورشة اكصدامات بس وفيها تيل فرامل عاوز يتغير وخبطة خفيفة فى نص الشنطة عند علامة اوبل وفانوس خلفى مشروخ .. كانت معروضة على 52 الف وبعد الفصال عشان البايع والشارى كانوا اصحابى ومعرفة رسينا على 48 الف بعد الحلفان والذى منه
المهم ما حصلش نصيب وقال لأ
بعديها بأسبوع باسأل اتباعت على كام
رد قالى واحد تاجر خدها على 42 الف ج بس وطبعا هايصبلها وش فانوس فى الحرفيين ويعمل النغزة اللى فى الشنطة وتيل ب 200-300 ج وينزل بيها السوق وأنتوا أدرى منى بالباقى !!!!!!!!!!!!!!!:khd:
السعر اخرها بردة فى حدود 48 فعلا انا معايا وحدة بس لو اختها انا عملت صيانة كدة اول ما جبتها بوجيهات وجميع الفلاتر وزيت موبيل 3000 وسير دينامو وسير كاتينة كل دة ب 500 جنيه سير الكاتينة بسير الدينمو 125 جنيه برة فى التوكيل 144 السير بس و شداد سير الكاتينة ب 195 جنيه وان شاء الله حعمل موضوع عن اسعار قطع الغيار بتاعت الكورسا 2003 او 2005 لحد 2007
تمام يا رامي ال هيرو
حاول تنزلها لحد 48000 كده لانها رشه حاجات كتير وعامله كيلوات كتير اوي و خلي بالك العربيه موديل 2007 وعامل فيها كل ده يبقا اكيد صاحبها مش بيصونها انا رايي تدور علي غيرها علشان حرام تدفع كل ده استني شويه ومجتش علي الفين جنيه زياده بس تجييب حاجه علي نضيف ويكون صاحبها بيصونها يعني ... ده رايي
الف شكر على ردودكم الى فادتنى كتير جدا:hlopaet_prv:
ربنا يسهل لما فيه الخير
اللهم امين