المشاركة الأصلية كتبت بواسطة أحمد كمال
اخر الاخبار
امبارح بعد ما وديت العربية و عملت المقايسة
طلبت منهم ان الباب يتسمكر بدل ما يتغير توفيرا للنفقات عشان التامين ما يرفضش التجديد السنة الجاية
المقايسة:
سمكرة باب و رشه
سمكرة الرفرف و رشه
تغيير الستيكر
فك و تركيب
و اضافوا العجلة اذ ربما التامين يوافق
كلمت التامين امبارح قلت لهم يبعتوا المهندس .... المندوب مشكورا لفت نظري ان احتمال العفشة تكون تضررت من الخبطة
كلمت رينو عشان يودوا العربية ورشة الميكانيكا للكشف عليها قالوا لي مش هينفع و بكرة نوديها الصبح لان الورشة مليانة شغل
طبعا كلمتهم النهاردة 9 الصبح كانوا ناسيين ..... قالوا هنوديها
شوية كلموني .... مهندس التامين ابن ال *&^&% راح و وافق على سمكرة الباب فقط و رفض الستيكر و الرفرف و العجلة
و العربية لسه في ورشة الميكانيكا بيتكشف عالعفشة (مش عارف كل ده ليه !!!!!!)
كلمت مندوب التامين .... هو متعاون جدا و محترم ...... و اديتهم لهم
قال لي و الله هاتخانق مع المهندس ..... بس انت اول ما نتيجة كشف العفشة تطلع قول لي .... عشان لو فيه حاجة يروح تاني يعاين و يوافق عالعفشة
قلت له و العجلة و الستيكر و الرفرف؟ هو انا ذنبي اني وفرت عليكم تغيير باب تمنه خااااااااااام بدون رش و لا مفصلات و لا فرش و لا اي حاجة 3000 جنيه !!!!!!
قال لي ان شاء الله هاخليه يوافق عليهم .....
انا مخنوق جدا ...... ادعوا لي .....
و لا اراكم الله مكروها في سوسو و لا ميجي و لا لوجي و لا كوكي ...... بجد وحشتني ..... و النهاردة كنت ماشي عالدائري بضرتها شفت اختها (سوسو تانية) ماشية منورة الدائري ....... كنت هاعيط ......
الله يخرب بيت الحي عالحكومة عالبهايم اللي بتحفر حفر في الشوارع و تسيبها على كل مقاول حرامي عالكل كليلة .....