مش عارف فيه ايه
العربية دي محسودة و لا ايه كل شوية مشكلة :(
الاسبوع قبل اللي فات رحت عدلت الطارة و الجنوط زي ما كنت كاتب في موضوعي قبل كده
و كنت بسبب المطب قلقان و خايف تكون العفشة اتاثرت و طلبت منهم تشيك كامل عالعفشة و قالوا لي انها سليمة و مفيهاش مشكلة ......
النهاردة جيت امشي بالعربية لقيت دربكة زي ما تكون مواسير حديد بتخبط في بعضها عند العجلة الامامية شمال
حصلت و انا طالع و سكتت خالص تاني
قلت يمكن كنت دايس على كان بيبسي و لا حاجة و العجلة شاطتها خبطتها في الكارتيرة و بتاع
شوية و انا باخد ملف شمال على سرعة هادية عملت خبطة واحدة بس برضه زي ما حديد بيخبط في بعضه بس خبطة واحدة بس زي صوت (دااااااان) ..... مش تكتكة كوبلن و لا خبطة مساعد
و ما حصلتش تاني
اما نزلت اتاكدت ان الكارتيرة مفيهاش مشاكل ..... مفيش مشكلة فعلا
دلوقتي بقى انا قرفت و زهقت
انا كده كده رايح ورشة السمكرة في التوكيل يوم الحد عشان جابوا الحزام بتاعي و هيغيروه
و هاسمكر الباب
فبالمرة هاقول لهم ........ بس المشكلة ان الصوت ما بيحصلش و مش بيتكرر ...... رحت حتى ساحة واسعة ..... و قعدت الف يمين و شمال .... على سرعات مختلفة و و انا كاسر الدريكسيون سنة .... و سنتين .... و لأقصاه ..... و الصوت ما حصلش !!!! يعني ممكن يبقى فيه صعوبة انهم يعرفوا فيه ايه
انا غلبت و الله يا جماعة ..... العربية دي من يومها محسودة ..... انا قرفت
المفضلات