الموضوع: ما هو أفضل بنك في مصر ؟

المشاركة الأصلية كتبت بواسطة أحمد كمال

NSGB ده انا قبضت عن طريقه 8 شهور

بنك زبالة زبالة زبالة بما تحمله الكلمة من معاني

1- مصاريف عالية جدا

2- فونابانك (التعامل على حساباتك عن طريق الكول سنتر) و نيتابانك (عن طريق النت) بفلوس !!!!!!

3- الكول سنتر مالوش اي لزمة و مش بيفيدك بأي حاجة و لازم تروح الفرع

4- ما ينفعش تعمل اي حاجة - ما عدا سحب و ايداع الفلوس - في فرع غير فرعك ..... ما ينفعش تلغي كارت و لا تطلب بدل فاقد و لا تعمل اي حاجة و لا تطلب كشف حساب مختوم من فرع تاني

5- نيتا بانك بتاعهم ابو فلوس ده اساسا مالوش 30 لازمة و تعبان ملة ....... مقارنة ببنوك تانية خدمتها ببلاش و ممتازة

6- تعامل بعض الموظفين مع الناس يشوبه الكثير من قلة الأدب

7- مالهمش كبير يعني الشكاوى و لا ليها اي لازمة

8- تنكين جدا و فاهمين انهم يعني ياما هنا ياما هناك

9- ال ATMs بتاعتهم بتعطل كتير ملة ..... و اول الشهر ما بتتمليش بالمعدل الكافي لكمية الناس اللي بتقبض

10- مفيش تسهيلات ائتمانية من غير تحويل مرتب ..... و لو سبت الشركة في بعض الحالات لازم تسوي التسهيل الائتماني !!!

فعلا مصاريفهم كتير يعني علشان اعمل فيزا atm وانترنت وفتح حساب خصمو 100 جنيه ومصاريف النيتا بنك 6 جنيه في الشهر واعتقد في فلوس بيخصموها كل فتره كنوع من الرسوم الاداريه . الاهلي المصري 12 جنيه في السنه تقريبا للفيزا

والكوسه فيه بئى ماتتوصفش ههههههه كبيره كبيره يعني اكون واقف مثلا عند موظف , واحد صاحبه يتصل بيه عالتليفون يقوله انت موجود , انا جاي اعمل حاجه يقوله تعالى , اول مايروح يقوم منجزه ويمشيه , مش معقول كل شويه هتخانق


موضوع ال ATM لسه ماجربتوش صراحه بس ان شاء الله خير ههههههههه هو كان اول يوم مبشر يعني ان البنك دا اخرته معايا مش كويسه هههههه

هجرب CIB ان شاء الله .. لكن للاسف مفيش HSBC انتو شوقتوني اتعامل معاه صراحه :)

محمد بيك , شاكر تعاونك يافندم , اهو كدا فعلا الواحد يحس ان في اهتمام من البنك بالعملاء وان شاء الله يكون بينا اخوه قبل اي شيئ .
تشرفت بمعرفتك يافندم :)