أجمل منتدى فى مصر
أنا بسأل على الرينو ميجان مستعملة فى حدود 70 الف كويسة ولا فى أحسن منها فى حدود السعر ده؟؟؟؟؟
وشاكر ليكم يا رجالة بجد أجدع ناع هنا وبس
عرض للطباعة
أجمل منتدى فى مصر
أنا بسأل على الرينو ميجان مستعملة فى حدود 70 الف كويسة ولا فى أحسن منها فى حدود السعر ده؟؟؟؟؟
وشاكر ليكم يا رجالة بجد أجدع ناع هنا وبس
ابعد عن الميجان, عربية كويسة بس مش لمصر
عندك كورولا 2002 احسن عربية في السعر دا مستعمل
جديد ممكن رينو لوجان فول اوبشن مانيوال تعمل 70000
بلاش ميجان هتتعبك....شوف كرولا او نيسان ومتخرجش عن اليابانى
ممكن كمان تفكر فى الانسر عربيه ممتازه
معش يا جماعة
بس ايه سبب بعده عن الميجان
للمعرفة فقط
ليس اكتر ولا اقل
خليك فى لانسر طالما ناوى على المستعمل
انا عايز اعرف ليه الميجان من وجهة نظر حضرتك مش مناسبه لمصر؟؟اقتباس:
ابعد عن الميجان, عربية كويسة بس مش لمصر
عندك كورولا 2002 احسن عربية في السعر دا مستعمل
جديد ممكن رينو لوجان فول اوبشن مانيوال تعمل 70000
طب ما اللوجان دى رينو برضه يعنى :Ob_mak1[1]:
مستنى ردك
انا ماعنديش مشكلة مع رينو .. شركة محترمة وبتصنع عربيات كويسة جدا
بالنسبة للميجان مشاء الله عربية محترمة جدا وبتاعت بشاوات .. بس بتعتمد علي تكنولوجيا عالية جدا ودا مش عيب , بس هنا في مصر دي بتكون مشكلة . مفيش عندنا مكانيكية بيفهموا في التكنولوجيا دي . ويوم ما تحب تحافظ علي العربية هتوديها التوكيل بتاعها وهتدفع مبلغ وشوياة.. دا غير ان الطرق في مصر زفت ومتناسبش العربية دي فعلا.العربية سوق اعادة بيعها واقع. بأختصار العربية شديدة بس في مصر هتتعب معاها الا لو انتا هتعمل ميزانية ليها وتتعامل مع التوكيل فقط لاغير ومبتفكرش تبيعها قبل فترة كبيرة من شرائها.
اللوجان لسة جديدة في السوق وعلي حسب كلام اكتر من شخص اشتروا العربية فابيشكروا فيها جدا بالنسبة لسعرها.. بتعتمد علي تكنولوجيا متوسطة ومكانيكية كتير في البلد بيفهموا في النوع دا.
ومتوقع لها انها تنتشر في مصر .
يعني الكلام دا اجمالا كدا وليس تفصيلا . وممكن حضرتك برضوا تشوف مواضيع ومعلومات اكتر عن العربيتين في قسم الرينو مشاء الله الاعضاء هناك عاملين تقارير هايلة ومفصلة عن العربيتين. ونصيحة قبل ما تفكر تشتري صلي ركعتين استخارة وربنا هيوفقك للافضل
بص اول حاجه خلينا نفصل بين ركوبة زيرو و ركوبة مستعمل (يبقى ماينفعش نقارن ميجان ب لوجان)
الميجان فيها تكنولوجيا عاليه اه و مالو و فيه ناس بتشتغل فيها و صاحب الموضوع يبص فى قسم رينو هايلاقى اماكن بتفهم فى رينو (الدايو لو لمبه check engine نورت بتتحط على جهاز بكود تجيب العيب) يعنى مفيش عربيه تصليحها بقى مستحيل
العربيه بالنسبه لقطع غيارها فيه منها الاصلى و اللى مش اصلى و صاحب العربيه بيختار على حسب احتياجاته و مدى تأثير قطعة الغيار دى على اداء العربيه
فيه منها استيراد كتير و بقى موجود فى الحرفيين لو حصل حادثه لا قدر الله
اخيرا طبعا كله بينطبق على صاحب العربيه اذا كان عايز حاجه اقتصاديه تمشى و خلاص و قطع غيار فى الرخيص او المتوسط ولا ممكن يركب حاجه فخمه و يستمتع بركوبه حتو لو ممكن يدفع زياده شويه
لو اقتصادى يبقى طبعاا لانسر بلا منازع و ربنا يوفقك فى اى عربيه تجيبها و شكرا mahmoudselim على سعة صدرك