محتاج مساعده في تسعير عربيتي الكورولا ( للبيع )
لدواعي السفر
تويوتا كورولا موديل 2005 اوتوماتك 1300 سي سي xli سوداء
ماشيه حوالي 93000 كم
دواخل فابريقة وخوارج مرشوشه للنظافة وبعض الخبطات الخفيفة
العربية ممكن تكون محتاجه ل ( مش كل حاجه ضروريه )
* سمكره ودوكو ( للنظافة )
* علامة التويوتا الأمامية ( اتسرقت من 10 ايام منهم لله )
* الفانوس الخلفي الشمال ( فيه شرخ صغير جدا غير مؤثر على اي حاجه )
* لمبة فوج ليت وتظبيط الكتاوت بتاعته ( الفوج ليت متركب في التوكيل )
* تغيير سير الدنامو ( صوته عالي )
* 4 فرد كاوتش ( متهيألي دي اهم حاجه )
* ريموت السنتر ( ضاع مني من سنتين وغيرت الشفره وطلعت مفاتيح جديده بس مجبتش الريموت )
*تيل فرامل امامي ( ممكن يمشي كتير بس للاحتياط )
* فلتر الهوا
* مفتاح زجاج امامي يمين ( بيعلق وممكن يتزبط )
الحاجات دي تكلف من 3500 ل 4000 جنيه تقريبا
حابب اول حاجه اسعرها بالحاله دي
واعرضها للبيع لو في اي حد عايز يشوفها