عرض للطباعة
انا فكرت اعمل التصويت ده علشان نشوف هل نظرة الناس للعربيات الصيني اتغيرت بعد نزول العربية m11 وهل متوقع ليها النجاح ولا لأ لأني لاحظت أن الناس اللي جابت العربية بتقول انها ومختلفة تماما
على فكرة الموضوع دة لكل اللي شاف العربية يعني المؤيد للصيني والمعارض وهل في معارضين للصيني عجبتهم العربية ولا لأ وطبعا الرأي يكون مبني على شكل العربية وامكانيتها وتقفيلها وخاماتها الحاجات اللي مش محتاجة تجربة مباشرة يعني
يا ريت كل واحد يصوت في الموضوع يا ريت يعلق ولو تعليق بسيط يوضح وجه نظرة
من وجهة نظرى...بريليانس السيارة الصينى الوحيدة اللى أثبتت نفسها..
العربيه لو أثبتت كفاءه ومظهرلهاش عيوب خطيره خلال ال 6 اشهر الجايين
هاتنافس منافسه قويه
ومين عارف يمكن تغلى
العربيه صينى منزلنها بسعر مبالغ فيه و هيه ماعندهاش غير السعر تنافس بيه و برضه فشلت
حاجه تقرف
من فشل الى فشل
حضرتك عرفت منين انها فشلت ؟
العربية لسة محصلتش كام شهر عشان تقول انها فشلت
حضرتك جبت الكلام دة منين ؟
ده رأى شخصى من غير ماسوق ولا اشوف العربيه ولا المسها ولا اى حاجهاقتباس:
المشاركة الأصلية كتبت بواسطة hacker5
انا رأيى ان هيا من فشل اللى قابليها لفشل بعديها
بسيطه يعنى
توكيل عايز يلهف فلوس و عربيه صينى منزلين اسامى تكنولوجيا و بيوهموا الناس انهم بيديهم حلم العمر و فى الاخر كلنا عارفين ان مش ديه العربيه اللى هتنفع
انا شايف ان حضرتتك متجني على العربيه بدون دلائل ولا اثباتات وممكن تكون بتبخل على نفسك بحاجه ممكن تكون كويسهاقتباس:
ده رأى شخصى من غير ماسوق ولا اشوف العربيه ولا المسها ولا اى حاجه
انا رأيى ان هيا من فشل اللى قابليها لفشل بعديها
بسيطه يعنى
توكيل عايز يلهف فلوس و عربيه صينى منزلين اسامى تكنولوجيا و بيوهموا الناس انهم بيديهم حلم العمر و فى الاخر كلنا عارفين ان مش ديه العربيه اللى هتنفع
انا شايف ان العربيه حلوه ومحترمه وتقفيلها ممتاز.
والصيني جاي جاي وهيثبت نفسه بجداره زي ما الكوري ثبت نفسه.
فاكرين الاكسيل ال و مانزلت كانت الناس مش طايقاها وبتبص للي بيجيبها انه عبيط. بس دلوقتي الاكسيل عربيه محبوبه والهيونداي دلوقتي اسمها محترم جدا وده اللى هيحصل مع بعض الصيني وليس كل الصيني
يا جماعة محدش يزعل من حد قال ان ال m11 هتفشل .. لان سبيرانزا في العربيات السيدان زي الa516 مثلا كان فيها مشاكل وناس كتير مكانتش راضية عن الادء فا متوقعين لل m 11 نفس المشكلة .. من وجهة نظري ان نجاح سبيرانزا حتى الان محدود في السيارة التيجو .. وال a113 الي حد ما >> وياريت تخلف ظنونا وتنجح .. انا اتمنى انها تنجح لكن لسه محدش يعرف
أقسم بالله العلي العظيم أني من مالكي أسبرانزا m11 ولسة عامل صيانة ال 1000ك ودخلت بنزينة الوطنية في مدينة 6 أكتوبر أفول بنزين عادي يعني والتانك عندي كان فيه 7 لتر تقريبا فقط المهم اني جيت أفتح باب تنك البنزين موش راضي يفتح عملتله قرد أنا والناس في البنزينة ومفتحش طبعا كنت تريقة عباد الله والكل بيعايرني اني جايب عربية صيني زبالة زي دي وأنا واقف في نص هدومي اتصلت بالصيانة الي جبت نمرتها كأني بجيب نمرة ليلي علوي من السرية وطناااااااااااااااااش محدش معبرني وأخيرا في فرع ابو غالي في جسر السويس بعتولي الونش والعربية اتكسرت واتبهدلت علي الونش وطلع ميتين أمي كل ده عشان باب تنك البنزين في عربية زيرووووو عاملة 1400 ك تصورو دي عربية او تستاهل يدفع فيها جنية واحد والله العظيم وحياة أولادي دي نصيحة محدش يشتري عربية صيني ولا يفكر حتي فيها عربية زبالة وخدمة بعد البيع حرامية وزبالة وشكرااااااااااااااااااااا ا
قولتها قبل كده وناس كتييييييييييير زعلوا منى
وبأقولها تانى للتأكيد
وده رأيى الشخصى
"الصينى هايفضل طول عمره صينى ولا فرق بين m11 ولا إن شالله m318 حتى"
حسبى الله ونعم الوكيل
الموضوح واضح كالشمساقتباس:
المشاركة الأصلية كتبت بواسطة tamagogo
الناس ممكن يكون عندها اى امل بسبب الحاله اللى احنا فيها
بس حتى لو فيه عربيه صينى كويسه و ممتازه مش هتنزل مصر
انت اصلا بيجيلك زباله كل حاجه تخيل لما التوكيل عشان يكسب قرشين زياده يجيبلك زباله الصينى كمان و يقولك فخر الصناعه و ال abs جيل تالت و اهو اى كلام و خلاص و ماحدش شايف حاجه ولا دارى بحاجه
وحد الله و لو اشتريتها اهى عربيه ماشيه و السلام
انا اصلا كان معايا تويوتا ياريس وبحبها جدا جدا، فمش متعصب للصيني ولا حاجه. لكن بص حواليك هتلاقي كل حاجه صيني والعالم كله ثلاث ارباعه صيني.
بالنسبه للعربيات فالصين قررت انها تدمج كل شركات العربيات في 3 شركات كبيره عشان تقدر تصرف اكتر على الابحاث والامان وتقدر تفتح اسواق اوروبا وامريكا والصين قادره على ده زي اليابان ما عملتها وزي كوريا ما عملتها وياريت محدش يتريق عشان احنا مابنعملش غير اننا
- نقعد نقول الكوري ده زباله همه بيعرفوا يعملوا عربيات وبعد كام سنه نلاقي العربيات الكوري مكتسحه السوق
- ونقعد نقول مصر ام الدنيا وخيرها على العرب ونلاقي اننا بنضرب بالحجاره في اقرب بلد لينا السودان
- ونقعد نقول كتييييييييرررررررر ومابنعملش حاجه
حاليا هتلاقي نسبة الرضا عن العربيات الصيني مثلا 60% لكن اكيد هتعلى والمهم ان الصينيون قادمون ومحدش هيقدر يوقفهم. بعد اذنكم عشان فيه بياع صيني على الباب بيبيع منتجات صينيه :):E_braces[1]:
هذه العربية نجاحها أو فشلها سيكون بسبب توكيلها .لو كان توكيل محترم و ينتقى كل ماهو منتج أو مكون سيارة محترم ستنجح لو احترم هذا التوكيل عملائه بزيادة مراكز الخدمة المحترمة على مستوى مصر ستنجح اذا قدم خدمة ما بعد البيع فى شكل محترم يحترم عملائه بها ستنجح .
و اذا لم يتم أى شىء مما ذكرته من قبل ستفشل فشلاً ذريعاً و الايام القادمة هى التى ستحكم اذا كانت ستنجح أم ستفشل و ليس نحن من سنحكم على نجاحها او فشلها